ياخوي و انت بعملك روح السيارة

و دق عليها و اتكلم معاها

عادي ترا بعدين في شي اسمه واتس اب اليومين هذه

المفترض 24 ساعه و انت و هيا على الواتس اب تتكلموا مع بعض

و عبارات بسيطة منت محتاج تكتب قصص اكتب لها مثلا :

صباح الخير
مساء الخير
كيفك ,,
انتي على بالي الان ..
وحشتيني
" اكتب لها كلام بخط يدك مثل احبك و اسمك تحتها و صورها بالجوال و ارسلها لها "
صوره لك

ياخي لازم تسوي شي

ترا انتا الرجال و المبادره دائما منك

وكون ان عملك من 7 ل 7 ترا مو عذر ابدا مستحيل تكون شغال الوقت هذا كله يعني اقل شي ساعتين في وقت العمل ما عندك شي

لازم يكون لها اسم دلع يعني لا نتاديها باسمها

لازم يكون في لقب معين انت و هي بس لمن تكونو تتكلموا مع بعض تناديها فيه

شوف لازم تحسس البنت انها مهمه بالنسبة لك لازم تعرف هي ايش تحب و ايش تكره

لازم تحكيك عن طفولتها و تحكيك عن حياتها و انتا كمان

لازم تعرفوا عن بعض كل شي قبل الزواج و المشاكل يا خوي لابد منها ترا بس انت اذا تبغي تكبر راسك كبره بالمعقول

ترا الفتره هذه تمهيد لحياتكم

صدقني لو وصلت لمرحله انت و هيا خلاص بداء الاحراج يروح من بينكم

صدقني بتبداء حياتك و انت مبسوط لكن اذا انت بعيد و هي بعيده بالله كيف بتكون اول ايامكم و انتوا مع بعض لحالكم في البيت !!

المهم ضبط امورك و اهتم فيها و اذا تبغي مساعده ابشر

عندي خبره بسيطة