انا صراحة خذتها قاعده البنت اللي عايشه بفقر ويجيها واحد يدلعها تركب على ضهره
بس بنت العز غير صدقني
وانت باين ماشالله عندك خير وابوك عنده خير ومتزوج من عند ناس الله يفرجها عليهم حالتهم حاله وطمعوا فيك
شي طبيعي انا يوم طلقت رجعوا المهر ناقص خمس الاف والهدايا كانك شفتها فاانا ماشفتها بحوالي 3000
وفوق كذا كنت احبها يمكن اكثر من حبك لزوجتك ولاكن ماقدرت والبنات على قفى من يشيل ليه ارتبط مع وحده ماتقدرني
وماهمها الا الهدايا
زواج زي كذا محكوم عليه بالفشل

الله يرزقك وحده تسعدك وتروف بك وتصرف عليك ويجيكم ولد تسمونه هريدي

كلامك صحيح وواقعي
بنت العز غالباً عينها مليانة

لذلك دائماً أنادي بالتكافىء بين الزوجين في كل شيء

انا استغربت ان محد ردّ ع هالردين في 7 صفحات
ع العموم انا عمري 24 سنة وراتبي 15 ألف ريال وحالتنا الماديّه ممتازه ورصيدي مابغى اقوله لكن جيد جدا
تزوجت وحده من نفس جماعتي لكن حالتهم الماديّه تعبانه لكن ماشفت للناحيه هذي
الناحيه اللي كنت ابحث عنها(جمال+اخلاق+دين)
للحين ماجبت لها هديّه الا ايفون 4 إس وكل ماقول لها وش اجيب لك لابتوب جوال اي شي ايباد
تعيي تقول ماتبغى شي , ماتبغى الا انا
علماً بأني مملك عليها لي 6 شهور وبقالي 4 شهور واتزوج وحتى السفره ابي اوديها النمسا ولاجبت لها طاري سفرة برا
قلت لها بوديك مكه والطائف وابها ابي اشوف ردة فعلها كانت عاديّه وقالت نبي نروح لمّ ديرتنا في الصحراء وقمنا نقلبها ضحك
ولاجبت لهم اي هديه عاديه كيك او اي شي امها تزعل علي تقول لاعاد تتعب نفسك وان باقي جبت شي زعلت منك
شووفوا الفرق يامن تقولون ان الغنية عينها مليانه والفقرانه رايحه فيها
الغنيه تبي تعيش طول عمرها نفس عيشتها حتى لو طحت بمحنة
والفقرانه تبي تعيش معك بالشي اللي انت توفره لها ماقالت لك لا اهم شي انك معها
وأسفي ع مجتمع يضمّ بين فئاته ناس مثلكم يتكلّمون ويفرّقون ع حسب الحالة الماديّه

يا أخ يافاضل أنا أتكلم عن الغالبية التي رأيتهم في حياتي وفي مجتمعي أكثر المتطلبات
واللاتي تهمهن المادة يأتين من بيئات فيها حرمان وهن أكثر النماذج تغطرس وتكبر بعد
الغنى وكوني أتحدث عن شيء شاهدته
لايعني هذا أني أنفي وجود نماذج مشرفة لبنات عوائل فقيرة قدمن أروع الأمثلة في الزوجات
الصابرات فألتمس لنا العذر ولاتتهمنا بأننا نفرق بين أطياف المجتمع حسب الحالة المادية
فلافرق بين غني ولافقير إلا بالتقوى ولكن التكافىء مطلب هام بنظري شخصياً
وأنا لا أفرض وجهة نظري أو أطالب بإعتناق فكري ومبدأي أنا أعبر عما أنا مقتنعه فيه
ولك أن تأخذه أو ترده لكن ترده بطريقة رآقيه في الحوآر يحترم فيها أحدنا الآخر

هنا نموذج لبنت عز وأنظر لصبرها ورقيها
إذن قاعدة أن بنات العز سيئات قاعدة باهته
مثل قاعدة أن الجميلة سيئة خلق

http://www.66n.com/forums/showthread.php?t=234460

وأكرر ليست كل بنت عز جيدة وليست كل فقيرة سيئة

الشيء الأهم شخصية وأخلاق كل واحدة منهن

لكن أنا تحدثت من مشاهداتي ومن تجاربي وتعاملاتي لا أكثر