هلا ذكريات بالنسبة للأدوية هي مصابة بمرض في الدم وراثي وتاخذ دواء من صغرها عبارة عن مضاد حيوي يقوي المناعة عندها طبعا هاذا الدواء بيوقفه دكتورها بعد ماتخلص اربع سنوات ويبتدي يعطيها دواء غيرة

بالنسبة للفيتامينات طبعا هي تاخذ حبوب حديد فوليك وهاذي تلزمها مدى الحياة تستخدمها علشان ترفع عندها نسبة همجلوبين الدم ومستمرة على ادويتها وبإنتظام والحمدالله ماعليهاخلاف
بالنسبة لفكرة الخوف من النوم هي فعلا كما يظهر لي عندها عقدة خوف من النوم يعني لما اقول لها يالله سريرك نبغى ننام
تبكي وعلى طول تجيها الحالة هاذي

وكمان لاحظت فيها شئ وانتبهت له اشوفها لو نادتني وما رديت عليها بسرعة تثير ضجة وتصيح يا امي اسمعيني امي آه آه كلميني
بموت خلاص عندي تطريش وديني الحمام وتبدأتكح
يعني مجرد لفت نظر تبغاني اجاوبها بسرعة وتصيح وماتسكت الين ارد عليها الحين صارت اي شئ يضايقها تقول خلاص انا تعبانه وديني الحمام بستفرغ اقول لها تبغين الحمام روحي لحالك ماني رايحة معاك تقو ل بستفرغ اقول لها استفرغي هنا
انا ماراح ارو ح معاك بالمرة ولما تشوفني جاده في كلامي ومطنشتها تسكت وتبطل الحركات وتنسى وتر وح تلعب لاكن في اليل احسها كانت جادة يعني مو من راسها حركات

بالنسبة لأني ما اذكرها بفكرة النوم واخليها تلعب حتى تدوخ وتنام من حالها
ماشاء الله تبارك الله عليها تدوخ البيت كلهم وتنيمهم وهي باقي مانامت يعني مافيه حل وسط لازم اني اجلس معاها بسريرها
واحكي لها حكايات واراجع معاها سور القرآن اللي محفظتها اياها وكمان نقرأ الأذكار انا وهي تردد من وراي واخلص وترجع
تطلبني احكي لها حكايات عن جدتها وجدها وياليل ما اطولك انعس وعيني تغفي وهي تقول لي امي سولفي معي لاتنامين
امي فتحي عيونك لا تسكرينها لاكن فيه طريقه اسويها لها وتنام بسرعة
بس اخاف تتعود عليها وماعاد تتركها وهي اني اداعب شعر راسها وحواجبها بطرف اصابعي واقرأ عليها قرآن والحمدالله تنام بسرعة بس انا ما ابغى اعودها وتتعلق بنومي معاها دائما

المهم غاليتي ماقصرتي الله يجزاك خير ويسلمك وافتقدت تواجدك هاليومين في المنتدى عساك انتي واطفالك بخير وعافية
ان شاء الله يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله