الله يسعد الجميع على ردودهم ويبارك فيهم
بس بوضح نقطة حسيت انها سبب في خروج موضوعي عن مساره


صح قلت عني عصبية وعنيدة ولا اقبل الانقياد


بس ابد ماقد عصبت على زوجي ورفعت صوتي وقليت ادبي لمجرد دلع واني زعلانة
ولا عينك عينك ارفض كلامه او اعانده وبالطقاق

كل مافي الامر لما يهيني وينتقدني ارد عليه انه غلطان او هذي مشكلته
ممكن لمن يعصب ويستفزني ارد عليه لكن حتى مو مثله كلام بذئ وسب ودعاء علي
ولما يمنعني من شي مااعاند اسويه بس ممكن الح عليه لحد مايوافق
كل مافي الامر لما نتناقش يكون رايي مخالف عنه
لما ينتقدني ارفض نقده خاصة لمن يكون باسلوب جاد وبزيادة وبشدة
ولمن يبين انه فاهم وعارف ومحد يلعب علي هنا اعصب ومرات حتى حرف مايسمع مني


ولا عمره طلب مني شي حتى لو زعلانة ومقهورة منه ماعمري قلت لا او تعبانة مو الحين
بالعكس البي طلبه مباشرة

وطبعي لمن اعصب هو هذاك الوقت ويرجع وضعي طبيعي خاصة لمن يكلمني عادي
ماتلاقوني متزمتة واعامله برسمية ابين زعلي الا نادر


صح ربما سلوكي مايعجبه بس مهما كان سلوكي عادي
مايحتمل الوضع اللي انا فيه من صدود نفسي وعاطفي وجنسي وكل شي


ارجع للهدف من كتابة موضوعي

كيف اعامل رجل مثله لايفتقدني ولا يرغب فيني
بالشكل المناسب بحيث اقدر اهدي الوضع ولا يزيد توتر نفسي
في نفس الوقت مستحيل احاول اتودد له واتقرب منه والامس جسده
مو تكبر مني او عناد قد ماهو حفاظ على مشاعري من شخص ماعاد يهتم فيها

كيف اعامل رجل مثله لايفتقدني ولا يرغب فيني ج-حسسيه انه مهم جدا بحياتك
في نفس الوقت مستحيل احاول اتودد له واتقرب منه والامس جسده
مو تكبر مني او عناد قد ماهو حفاظ على مشاعري من شخص ماعاد يهتم فيها
اهتمي فيه وبيني قدام اولاده انه اهم واحد في الدنيا وكلمته تمشي ع الكل وشوفي النتيجه

بكل اختصار الرجل فينا يبغى وحده تضحك عليه بالدلع مو تغشه لا تعطيه ريق حلو وتتدلع عليه حتى لو هيا ماهي فايقه بس حتخلي اسير عندها

الله المستعان...

والله لو الحلول بالكلام المعسول
والمدح
والتدليل
وحب الرجل
وإحترامه

كان أنا أسعد زوجه..

أشوف طريقة واحده مافي غيرها ترتاح نفستك ويمكن حتى زوجك يرتاح

أعطي الاهتمام الأكبر والهدف الوحيد لأي شيء تعمليه أن يكون رضا الله سبحانه وتعالى .. وحتى اقرب لك الصورة لأنه في الغالب نحن نظن بأن هدفنا الأول هو رضاء الله لأنه منطقيا مافي جواب ثاني لكن لو نفكر فيها فعليا راح نلاقي أنفسنا نعطي الأولوية وهدفنا الأول هو رضى أزواجنا .

تخيلي لو جات المربية وهي كبيرة بالعمر وأعطتك رأيها بالطبخة مثلا وقالت لك أشوفها مالحة .. . كم الاهتمام والحرص اللي بيكون بداخلك لأنها تضايقت من الملح ؟؟؟ وشنو بيكون جوابك لها ؟؟ ما راح تهتمي كثير وأكيد بتقولي لها جواب فيه احترام لعمرها لكن ما راح يكون رد عصبي ولا راح تتوتري .... بينما لو ولدك أو زوجك اللي علق نفس التعليق بتتوتري وتحتري .
وكذلك الأمر مع زوجك ومع الله عز وجل ولله المثل الأعلى ... المفروض أي تعليق من اي بشر يكون له نفس ردة فعلنا على المربية وردة فعلنا تنفعل فقط عند الله عز وجل .

زوجك له احترام وعلى عيني وراسي لكن ما يثيرني من الداخل .. هو مو هدفي ولا هو غايتي فما يثيرني .

حتى عند النقاش من يكون حتى أبذل كل جهدي لأقنعه برأيي .. أسايره حتى بتعليقاته على أخطائي .. ومع اني فاهمة انه يفتري عليي وعارفه تماما انه غلطان لكن اغلب ردودي .. ان شاء الله وحاضر .. والمرة الجايه بنتبه .. وفاتتني هالمرة .. حاااااااضر .
فقط بالأمور عالية الاهمية للدرجة الحمرا لو جا بشرفي .. شرف بنتي .. وقتها بس أناقش وأقول رأيي بحزم وما أعطيه مجال ..
أي أمر ممكن أن تمشيه على شوره .. أغلب الأمور تقدري تمشيها على شوره ... مشيها .. خلي النقاش للأمور النادرة اللي ما تصير الا بالشهور مرة .. الأمور اليومية أعطيه اياها .. خل يشبع فيها ويمشي رأيه فيها

لأن عندي هدف أرفع وأكبر منه ومن هالدنيا ومتاعها وفرشها أسعى له

__________________