.


لا ياقلبي لا طولتي ولا شي وكويس انك نبهتينى عن دوراتها. بغيت ادخل وحدة فيهم.
بس فعلا كل رجل يختلف باختلاف تربيته وطبعه وتعوده

طيب اذا. انك شاكة انه في شي. اقراي سورة البقرة او رقية الخاصة بالسحر. وانا افضل البقرة. وانفثي على الموية على زيت الزيتون. وخليها باكله وشربه

او الافضل لك استشيري من هو خبرة في الامراض الروحية حتى يعطيك الطريقة الصح اخاف طريقتى خطا

الله ييسر امورك. ويهدي زوجك ويرده لك ردا جميلا
اسمعي محاضرة رحمة الله الواسعة للدكتور عبدالمحسن. الاحمد في اليوتيوب.
بصراحة. استحيت من ربي لانى قبلها بكم يوم وصلت مرحلة الانهيار والتسخط

أنا أرفض فكرة الطلاق
مو حب فيه بس هالفكرة مرفوضة تماما لأسباب مختلفة أقوى مني

وآمين الله يسمع منك ولو أني بديت أشوف عمري مايرجع واللي راح بصمته باقية

والله كلامك صحيح ناس مستبدة ظالمة تحل وتحرم على كيفها

أنا والله ان بان فيني الحزن ماحس فيني وقال عني نكدية
وأن عشت حياتي بالطول والعرض وضحكت مع اولادي
يشتكيني عند أهلي إني أغيضه

والله صرت ولا أعرف كيف أتصرف
صرت مترردة في كلاميفي تصرفاتي
تبعثرت
صرت مادري وش الصح وش الخطأ

مازلت أأمل انو شي بيجيب رأسه
بس أحسه مستحيل أنا أقدر أجيب راسه
خلاص راحت علي

تنازلت
رضخت
والله سويت العجايب

بس زي ماقلتي
أحس زوجي يجمع في قلبه علي
ولا يفرق بين اللي يستاهل واللي مايستاهل
وإذا هالشي أصلاً غلط أو بس هو مهووس جمع أخطاء

صدقيني مهما شرحت وضعي تبقى أمور كثيرة أهلكتني وأتعبتني..مليت وربي

اي حياء الله يرحم أم جابتك!

أقبلت عليه والله إني أحتويه رغم مشاعر القهر والظلم
في محاولة مستميته إني أكون أنا سبب في ترابط العلاقة من جديد

لكن لاحياة لمن تنادي..

أوقات ياقلبي يكون التغيير مني من قناعة تامة
رضى بنفسي وباللي قاعدة أسويه وانه مهما كان هذا زوجي ابو عيالي واحس بمشاعر اللهفة تجاهه وأنسى أي شي حلو مو بينا!

بس يصحيني من حالة القناعة والرضى بحدة معاملته معي وتجاهله لمشاعري وقسوته في الكلام

أنا بالأخير بشر..قدرة تحملي محدودة...


مااخفيك هذا اللي خايفه منه
خايفة بعد صبري ماأجد ملاذي فيه
الاقيه راااح
كل جهدي ومحاولاتي ماقدمت لي شي
أصبر واصبر ولا يبقى لي غيري!

اصلاً عندي إحساس كبير إن هالشي بيصير
واصلاً مستغربة
إذا هو مو مرتاح
وماعاد له رغبه فيني
ولا ينام معي ابدا
مهمشة بالمرره
ودايم العصبية والنقد ويرفض يسولف ويسمع مني
يعني أبداً محد يشك بلحظة إن هذي زوجة هذا!
ولا حتى أخته لان الأخت بيكون بينها وبين أخوها مودة ومزح وسوالف حلوة

وبغض النظر الخطأ مني أو منه

وش يخليه للحين ماسواها!

كيف يرضى يعيش حياة ماهي كاملة وعنده القدرة ع البديل!!

مادري ليش خايفة مع إني وش بفقد بس يمكن يعز علي نفسي
إني أكون أنتظر إقابله علي وتبدل حياتي معه للأجمل
والاقيه توجه بعييييييييـــد عني

يمكن فكرة انه منصرف كلياً عني
تخليه مستعد يقبل بشده على غيري


وأكون لحظتها فعلاً لاشيئ!

أنا تشبعت منه
طاب خاطري
بس يبقى الخوف والإحساس بالخطر اللي يزيه غموضه ومادري وش ممكن يصير!

بكيت اليوم تحت الدش بإنكسار وألم وتكلمت بكل طاقة غضبي تحت الدش
من زمان ماسويت هالشي
تمنيت همي ينساب من علي مثل إنسياب الماء واشوفه ينزل ويروح ويلتف لحد مايبقى له آثر...

أحس نفسيتي تتدهور في كل يوم اكثر من قبل...

الله المستعان....

مادري وش سالفة الجمانة

لكن ننتظرك ...

اختي الغاليه .. اللهم يفرج همك ويرزقك راحة البال يارب

تعرفين حبوبه اتمنى ان تقرأي كلامي بعقلك وقلبك ... انا للاسف كنت مثلك بس الفرق ان الله رزقني بزوج صبور
واعتقد زوجك نفد صبره زوجي كان يقول لي انتي عنيده واظن ان العناد تعب منك وعصبية واظن ان العصبية
تخاف منك .. حساااااااااسه لدرجة رهيييبه غير واثقه من نفسي ابدا .. قويه ولكن بطريقة خاطئة ..
وهذا لاني تزوجت وانا صغيرة ولا عرفت في حياتي كلها رجل الا ابوي رحمة الله عليه .. حسيت الكل كان
يتجنبني لما اعصب اخواني وخواتي وزوجي .. ولكن مرة زوجي صورني بلحظة عصبية فظييييييييعه ولما هديت
بعد الانهيار ثاني يوم خلاني اشوف الفيديو ... اختي والله العظيم استحيت من نفسي ومن تصرفي لا انوثه ولا نعومه
كاني وحش كاسر وشكلي كان بشع جدا ... من يومها بدأت بالبحث في القرآن اولا ففيه من الدروس التي تساعد
الانسان على السير في حياته بطريقة صحيحه .. وبعدها حضرت دورات للتحكم بالاعصاب والانفعالات والحمد لله
استفدت منها كثيرا الكل صار يمدحني لهدوئي حتى وانا عصبية هادئة جدا ... العناد كان مرض فيني .. تقدرين
تقولين اني كنت اعتبرها قوة ولكن للاسف كانت غباء .. لو يقولون لي البطيخ اخضر وانا اقول اصفر اثبت على
رأيي حتى لو كنت مقتنعه انه اخضر .. والنتيجه كانت ان الكل واولهم زوجي كان يتجنب النقاش معاي .. وهذا
يؤثر سلبا على حياتي معاه ... بدأت بنفسي .. وحاسبت نفسي .. راجعت تصرفاتي .. وصلحت اخطائي .. وتثقفت
ثم تثقفت ثم تثقفت فكنت يتيمة الابوين عندما تزوجت ولم اجد من يعلمني او ينصحني .. بعد ان انتهيت من نفسي
ركزت على زوجي .. عرفته ودرست طبائعه وتصرفاته من غير مجامله او تكلف .. واقولك بأمانه دراسة طبائع
الزوج وشخصيته هي متعه الزواج الحقيقية .. كنت استمتع وافرح لما يقول لي باستغراب : انتي تعرفيني اكثر من نفسي

واليوم وبعد 12 سنة ولله الحمد على النعمه انا سعييييييده بحياتي .. تعلمت الكثير حبيبتي ومن اهم الدروس التي تعلمتها
وبعد وفاة اخي الغالي .. ان الدنيا فرصة اكسب بها كثييير من الاجر وافعل الخييير كثر ما يقدرني الله عليه .. اسعد
من حولي سواء القريب او البعيد .. الفرح وراحة البال بيد رب العباد .. فلا الجأ الا له وحده .. اعطي ولا انتظر المقابل
ابدا .. فالله لا يضيع مثقال ذرة من العمل ..

المعاصي تجلب الهموم والمشاكل وتميت القلب مهما كانت في نظرنا بسيطة ... فالابتعاد عنها سر السعادة والراحة
الحقيقية .. اتمنى حبيبتي ان تستفيدي من قصتي حتى لو القليل .. وتأكدي يا غاليه ان الرجال مثل النساء فهم أيضا
يتزوجون ليرتاحوا ويستقروا ويجدوا الحنان والحب ... وكل له دوره فالزوجه لها دور غير المطبخ والعيال والتظيف
والزوج له دور .. اقولها عن تجربتي الشخصية وتجربة من حولي ان مفتاح السعادة في الحياة الزوجية بيد الزوجه ..
بالرغم من انني كنت من المعارضات لهذه الفكرة ولكني جربت وتاكدت من صحتها ..

وسأهديك هذه المعلومه عسى ان اكسب أجرا بها : الانسان السلبي بمزاجه وطبائعه وتصرفاته حتى تفكيره يؤثر على
من حوله سلبا يعني ينقل لهم شحنات سلبية .. فاشحني نفسك بالشحنات الايجابية وانقليها لكل من حولك وذلك بالذكر
والصدقه والتقاؤل والابتســــــــــــــــــــامه الصادقه .. فكل شيء في حياتنا نعمه حتى
المرض والهم والمصائب نعمه من الله ..

ادعو لك من كل قلبي بالسعادة والخير والتوفيق .. وربي ينور لك دربك

__________________

اولا اسف على الخطاء مدري من فين جات جمانه بس مشي حالك

انا وزوجتي الى فتره قريبه جدا كنا زي مايقولو زي الشحم على النار مانتحمل نشوف بعض الا ونتضارب اخلاقها صارت زفت واخلاقي ازفت كنت اشوفها اعصب اسمع صوتها اتنرفز وهي تسمع مني اي شي تعاند وتعصب صارت الحياه قرف بكل ماتعنيه الكلمه من معنى الى درجة اني اتكلم واحد من اخوانها يتكلم تسمعله وتطنشني وصرت قدامها اطالع في الحريم عناد فيها صارت الحياه عناد وقهر من الطرفين ممكن لان اعمالنا قياديه فهذا اثر على نفسياتنا كيف انا رئيس او رئسه واخضع لكلامه او كلامها وصارت التصادمات عنيفه جدا في اي وقت واي زمان حتى في الاوقات الخااااصه كنا نتصادم وادري انها تحبني وانا احبها لكن جدار العناد والغرور قتل كل شي حلو فينا.
في كلمه كنت ارددها (الي مايرتاح فبيته حيلاقي راحته برا بيته ركزي عليها)
بداية التحول كانت في هذي القصه
كنت مسافر لمدة اسبوعين وكنت اخر الليل اشتاق لها واحاول اكلمها وادلعاها كانت تطلب مني انها تكلمني بعد شوي عشانها مشغوله بمشكله خاصه بخالها في البحث عن علاج مع العلم انه عنده سته ابناء بس كانت مسويه حنونه على حسابي وحساب مشاعري وكنت انتظر الين ثلاثه او اربعه الفجر وهي مشغوله مع اخوانها واخواتها عني والله سببت لي جرح عظيم جدا كونها تهتم في غيري اكثر مني (سجلي وحده)
خصوصا انا شاب ودي اغازلها وتغازلني لكن كانت بداية الانهيار الحقيقي لحبي لها
بعد اسبوعين رجعت وكنت في قمة شوقي واشتياقي لها بكل شكل من الاشكال ولمن دخلت البيت جو اطفالي يجرو علي وحضنتهم وسألتهم فين امكم قالو بالغرفه فتحت الباب وطالعت فيني وانا شايل الاولاد وراحت جلست على الكنبه
طبعا حسيت اني ما اسوى شي بحياتها وخنقتني العبره والله.
دخلت الغرفه وطنشتها بدلت ملابسي واتمددت على السرير جاتني والشرار من عيونها وتقولي ليش ماجيت سلمت علي قلتلها انا الي مسافر مو انتي طبعا اتصايحنا الين ما اتعميت
وكنت جايب معي شي خاص بيني وبينها قلتلها خذي خبيه لاحد يشوفه قالتلي روح استخدمه مع وحده من الشارع ولا ...
كلمه قويه جدا انا هنا انهرت تماما وطلعت من البيت على غير هدى والله مدرين وين كنت رايح و اتصلت علي وقالتلي في حفله بيت خالتي بروح انا ةالاولاد قلتله مايخصني وانا بموت قهر جي من سفر وتقوليلي بروح عزيمهمافي احساس قلتلها اصلا ماتهميني رحتي ولا جيتي انتي اخر اهتماماتي قالت بنلروح معاك تراك واحش الاولاد قلت امر اخذهم لكن انتي دبري نفسك مع امك
قالت مايصير ايش يقولو الناس قلت معاد يهمني الناس وامر اخذ الاولاد وانزلهم والا هي تركب السياره جنبي وتقلي نبغى نتفاهم انا خلاص قررت الطلاق وقلتلها انا ما اقدر اضيع شبابي بدون حب قامت تبكي وتقول الاولاد .
هديت واخذتها مطعم غالي جدا جدا واتعشينا وسويتلها مفاجئه واحتفلتبها في المطعم وجبتلها كيكه مكتوب عليها احبك وشموع .واتصافينا ورجعنا البت واحنا متصافين
صحينا ثاني يوم وكنت معزوم ع الغدا وبسألها في الكبك حق الثوب والا بسم الله الادميه كنها انشبكت في 220 فولت وتصرخ بدون سبب ولوت بوزها
انا هنا خلاص قلتلها هذي النهــــــــــايه ,اتصلت على الوالده مع العلم انا ما احب ادخل احد بمشاكلنا (نقطه للتنويه طلعت عني اسرار خاصه بي عند اهلها سجلي الثانيه)
وامي تتصل وتهدي بس انا خلاص منتهي ومو موقفني الا الولاد
طبعا في هذي اللحظات وانا في قمة انهياري وقهري انا كنت في اشد حاجتي لانسانه تحتويني وتسمعني وتخليني اطلع كل الي بقلبي من حب وغزل.
وفي الحقيقه ما طولت ولقيت انسانه بنفس حالتي لكن والله انه ضميري كان يأنبني لاني الي باسويه غلط لكن انا بشر
باختصار :انا خليت زوجتي تعرف انه في غيرها وابين لها انه( الي ا ييرتاح فبيته يلاقي راحته برا بيته)
طبعا في هذي الحاله بان حبها الحقيقي لي وبينت الي كانت مخبيته قالتلي ليش ليش خنتني وهي جاوبت على نفسها انا السبب انا السبب انا الي ضيعتك من يدي انا الخليت غيري ياخذك مني انا ماكنت عارفه قيمتك الين ما جا غيري وعرف قيمتك واخذك مني انت لي انا بس ولا يمكن اخلي احد ياخذك ثاني.
طبعا بتغيرها لنفسها والدلع الي شفته والله الشباب ما شفتهم في الاستراحه يمكن شهر اني جالس في البيت معاها وانواع الدلع والاهتمام والله اني عايش عيشه ما عشتها وانا عريس حتى العلاقه صارت يوميا بعد ماكانت كل اسبوع مره
الخلاصه
1-عرفت قيمتي
2-عاملتني بحب واهتمام واحترام
3- حسستني اني كل شي وانا الاول بحياتها
4-انواع الرومسيه
5-صوت هادي وطاعه بدلع بدون عناد
النتائج
صرت الرومنسي الخارق الحنون صرت احسسها انها ملكه وانا عبدها طلباتها اوامر

حل الموضوع سهل بس شوية ذكاء وان كل الطرفين يحس انه لو فقد الطرف الثاني كيف بتكون حياته بدونه
فكري لو راح لغيرك ودلعته وهنته كيف بتكون حالتك وايش ممكن تسوي عشان يرجعلك
وهو كذالك لو رحتي وعشتي مع غيره كيف بتكون حياتكم
صدقيني النظره للحياه حتختلف
ابدأو فكرو في مستقبل الاولاد
الله يوفقكم
طولت على زوجتي مو عليكم اسف خخخ

الله يسعد الجميع على ردودهم ويبارك فيهم
بس بوضح نقطة حسيت انها سبب في خروج موضوعي عن مساره


صح قلت عني عصبية وعنيدة ولا اقبل الانقياد


بس ابد ماقد عصبت على زوجي ورفعت صوتي وقليت ادبي لمجرد دلع واني زعلانة
ولا عينك عينك ارفض كلامه او اعانده وبالطقاق

كل مافي الامر لما يهيني وينتقدني ارد عليه انه غلطان او هذي مشكلته
ممكن لمن يعصب ويستفزني ارد عليه لكن حتى مو مثله كلام بذئ وسب ودعاء علي
ولما يمنعني من شي مااعاند اسويه بس ممكن الح عليه لحد مايوافق
كل مافي الامر لما نتناقش يكون رايي مخالف عنه
لما ينتقدني ارفض نقده خاصة لمن يكون باسلوب جاد وبزيادة وبشدة
ولمن يبين انه فاهم وعارف ومحد يلعب علي هنا اعصب ومرات حتى حرف مايسمع مني


ولا عمره طلب مني شي حتى لو زعلانة ومقهورة منه ماعمري قلت لا او تعبانة مو الحين
بالعكس البي طلبه مباشرة

وطبعي لمن اعصب هو هذاك الوقت ويرجع وضعي طبيعي خاصة لمن يكلمني عادي
ماتلاقوني متزمتة واعامله برسمية ابين زعلي الا نادر


صح ربما سلوكي مايعجبه بس مهما كان سلوكي عادي
مايحتمل الوضع اللي انا فيه من صدود نفسي وعاطفي وجنسي وكل شي


ارجع للهدف من كتابة موضوعي

كيف اعامل رجل مثله لايفتقدني ولا يرغب فيني
بالشكل المناسب بحيث اقدر اهدي الوضع ولا يزيد توتر نفسي
في نفس الوقت مستحيل احاول اتودد له واتقرب منه والامس جسده
مو تكبر مني او عناد قد ماهو حفاظ على مشاعري من شخص ماعاد يهتم فيها