ارفعوا معنوياتي زوجي الذي اعشقه بيتزوج استاذة في جامعة

14-04-2012, 03:35 PM

#11

جيفارا aD

موقوف

تاريخ التسجيل: Apr 2012

المشاركات: 277

مرحبا الغاليه

في البدايه عززيتي احب اقولج انه في ناس تستغل الدين ذريعه لتعدد الزوجات ولو انه الدين حرم تعدد الزوجات تلقينهم مستعدين يرخصون بالاولى عشان الثانيه بدون تردد ..
وزوجج لاسف من هالناس واسمحيلي انه صنفته من هالناس ..
استغرب من رجال مايطبقون الشريعه بتفاصيلها بحياتهم وتحصلين مهملين بدرجه كبيره ولو تكلموا عن الزواج من الثانيه ذكرونا بالايه اللي تبيح بتعدد الزواجات لاسف

عزيزتي ..

المفروض تكون قويه وتواجهين زوجج بالحرف الواحد وتقوليله
لو اني انا من ضربت بعلاقه من ورى ظهرك وطرشلي الشاب صورته ويتي قلتلك حبيبي هذا اباه
وبعدين هذا احلى منك ويشبه مهند موب شراتك اسمراني وبشرتك باهته..

شو بيكون شعورك؟؟ بتتكلم عن الدين ؟؟ الدين اكبر من انه نحن نتعامل فيه بهالطريقه ..
بتقولي انا رجل .. ومايعيبني شي؟؟؟
بس بعد انا بنت وام وزوجه واملك المشاعر والاحساس اللي انت تجاهلتها
بالفعل الغاليه المفروض ماتسمحين له باي شكل من الاشكال يشبهج بوحده مثلها مستعده تبني سعادتها على تعاسه غيرها

المفروض تقوليله دامك اخترتها خلاص تقدر تكمل معاها باقي عمرك لاني انا مااسمح لنفسي اني انزل لمستوى وحده مطرشه صورتها لك ..
انا ارقى بكثير من انه ينحط عليا شريكه مثلها وكرريها الغاليه مثلها مطرشه صورتها لك ومتفقين على الزواج ..
الغاليه انتي بنت عرب وناس لاتسمحين باي شكل من الاشكال بمقارنتج بوحده مثل هاي ..
واذا هي دكتورة بالجامعه .. لنفسها موب لج ..
انا لو كنت مكانج هذي انا طبعن .. لو كنت مكانج ..
والله بقوله تباها حط ورقه طلاقي .. وتسهل بدربك .. خلاص مابا ارضى اعيش م واحد قارني بوحده ضاربه علاقه معاه وانا ياغافلين لكم الله ..
مستحيل اتم عنده دقيقه وحده ولا بتكلم عن الدين وبقول مستعده اسمح بتعدد الزواجات على حساب حياتي الشخصيه ..
لانه الرجال من هالنوع مايهمهم الدين شرع او لاه اهم شي سعادتهم وغريزتهم على حساب المشاعر والعشره

ماعندي مشكله خليه ياخذها بس تدرين شو المشكله.. هانت عليه العشره .. والمشكله الاكبر من جي انه لاسف الشديد اكثر الرجال مهملين بتفاصيل دينهم بحياتهم اليوميه .. بس بموضوع التعدد واعين ومنتبهين وحافظين ومهتمين ..

ارفعي راسج فوووق ولاتسمحلين لوحده تبني سعادتها على تعاستج وغيرتج وسيري بيت ابوج وقوليله اللي بيني بينك انتهى .. هانت عليك العشره روووح وحوباتي ماتعداك انت وياها في الدنيا قبل الاخره
وانا اكبر بكثير من انه تكون لي شريكه مثلها ..

الخوف من باجر .. الخوف موب منج او من زوجج .. لانه زوجج ينخاف عليه موب منه ..
الخوف من هالانسانه اللي مستعده تبني سعادتها على تعاسه غيرها لمجرد ماتكون مطلقه .. وفوق هذا باجر بتاخذه منج بارد مبرد وباسلوبها بتخليه يتجاهل وجودج بحايته
حطي حد بحياتج ولاتسمحين للعشره والحب بعد الغربه ينتهي عند هالدخيله

ياتنهينا انتي او ينهونا عليج
والله يهدي سرج عزيتي

التعديل الأخير تم بواسطة جيفارا aD ; 14-04-2012 الساعة 03:41 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه