والله كسر خاطري ..
الكل متضايق منه .. وهو كل الي يحتاجه شوية حنان..

صحيح أنا معاكِ أنه حركاته متعبة ومهما تسوي مايأثر فيه.. ويستفزك بضحكه
ولدي الله يحميه نفس العمر .. ويعمل حركات مشابهة

بس كثر الضرب يسببله تبلد خلاص مايحس.. والضرب فيه عنف حرام

شوفي عندك حلول كتير حاولي معاه..
_ أدعيله دائما بالهداية والصلاح وركزي على الاوقات المستجابة
_لما يعصبك احضنيه وقوليه انا احبك ومانبغى نزعل من بعض ..
_أوقات ممكن تتجاهليه..
_أوقات ممكن تعاقبيه ..
العقاب مايكون فيه عنف أبداً
مثلا يجلس في غرفته وقت معيين وبعدين تسمحيله بالخروج
أو يكون يبغى شي وتقوليله مافي لانه سويت الشي الفلاني
_أمدحيه واعطيه ايحاء انه هو العاقل والكريم المؤدب..
_كافئيه وأوعديه بهدية
_اعملي لوحة النجوم ..وخلي مشتركين معاه
اشتري ستِكرات نجوم وزيني ورقة ملونة وحطيها في غرفته
كل ما عمل شي ايجابي حطي نجمة ولما يجمع عدد معيين من النجوم اشتريله اللعبة الي يبغاها
_اشغليه .. لاتخليه فاضي .. بأشياء يحبها وتفيده .. ألوان .. كورة .. رياضة .. فيلم
_دائماً بوسيه وأحضنيه وقوليله أحبك وأنت ولدي حبيبي وامدحي فيه .. بمناسبة ومن غير مناسبة
_فاجئية بحاجة حلوة .. حلاوة .. لعبة وقوليله جبتلك حاجة تحبها

لاتحسسيه أبدا انه هو الي متعبك وانه اخوانه التانيين غير .. لا يحس بالفرق بينهم
بالعكس لازم يعرف انه هو أول واحد وهو الي خلاكِ ماما وانك فرحتي مرة لما ولدتيه ..

الله يكون في عونك و يسهل علينا مشوار التربية ويحمي أولادنا ويهديهم