ليه مستكثرتيه !!!!!!!!!!!!!

اسمحي لي إختي إذا ظل التفكير بهذي الطريقة عمر المرأة ما راح تاخذ حقوقها وبتخلي الرجل دايما يركبها و يدوسها
و الأعمال المنزلية أصلا ماهي من واجبات الزوجة... نعم هي تقوم بها لحسن التبعل و للأجر

حتى ما يجي يحمل البنات و يقعد بس ينطرها في السيارة هذا عادي !!!!
هذي الرجولة ؟؟؟؟؟
بدل ما يساعدها و يشيل عنها!!!! يا أخي بس شيل بناتك ... وش فايدة هالعضلات

و بعدين وش سالفة إن يحجم دورك بالتبديل فقط....
الأم مدرسة و هي اللي تربي و هي تسهر على راحة أطفالها
إذا بأبسط الأشياء مثل قص الشعر عمل منها سالفة ، الله يعين إذا كبروا البنات
هذلين بنات و كذا يعمل - و هي أخبر بالتأكيد بسالفة اللبس و الشعر - عجل لو أولاد وش سوا !!!!!!!

الله يعينك بصراحة يا أختي ... و محشومة إنت منت خدامة ... هذا كله أجر من رب العالمين إن شاء الله

بس برضو ما يصير تستمري بهذي الطريقة ... راح يجي يوم و تنفجري
مو معقول كله سهر و أصحاب و قعدات و إنت مهملة ... في النهاية الكلمة الحلوة و التقدير وقود للمرأة عشان تقدر تستمر في العطاء

حاولي تتفاهمين معاه قبل لا مشاعرك السلبية هذي تتراكم و يحدث مالا يحمد عقباه

__________________
الدنيا يمكن تكون حلوة ... بس يا ريتيني أقدر أفهمها !!!

طيب ياعزيزتي انا ماقلت انها من الواجبات
حتى هو ماهو واجب عليه انه يخرجها ويمشيها ويلبي جميع الكماليات
عليه واجبات من نفقه وسكن وووو كلنا نعرفها ماحنا جاهلين بها
وانا فعلا كنت اقصد الكلام اللي ذكرته ان اغلب النساء تسوي اللي هي تسويه
بس فيه زوج جاحد وفيه زوج شاكر

من ناحية عزيزتي صاحبة الموضوع
نصيحه لك حاولي قد ماتقدرين تشغلين وقتك
والتغيير مايجي مره وحده
انتي تقولين اذا نامو البنات نام وراهم على طول

ممكن تغيرين عادة نوم البنات يعني تخلينهم ينامون قبل موعد نومهم بساعتين
مثلا ينامون الساعه 8
عاد ماتوقع بيدخل ينام بهالوقت لا اكيد بيجلس لك لان ماعنده احد غيرك وقتها
طبعا مسألة تغيير نوم الاطفال محتاجه وقت وصبر الين يتنظم نومهم على اللي انتي تبغينه