السلام عليكم ورحمة الله وبركاته

أعرفكم بنفسي أنا شاب عمري 23 سنه مملك لي 9 شهور تقريباً
طبعاً ماودي أوصف لكم جمالي أخاف تخربون حياتي الزوجيه < أمزح

المهم يـ أحبائي خلوني أعلمكم بالمشكله اللي أعاني منها لي 3 أيام تقريباً :

مثل ماقلت لكم انا مملك لي 9 شهور تقريباً وماباقي شي ع الزواج أن شاء الله المهم أشترية لزوجتي جهاز أيفون وقدمته لها هديه وبعدها بفتره يمكن شهر تقريباً أشترية خاتم ذهب عليه أول حرف من أسمه وقدمته هديه المهم بعد ماهديتها الهدايا هذي وقفت وجلست فتره ماخذت لها هديه وقبل 3 ايام سولفنا انا و المدام وقالت نفسها تشتري بلاك بيري عشان تجلس تسولف مع صديقاتها وقلت لها لا ممنوع ماقبل أنك تاخذي بلاك وانا مشتري لك أيفون وهو جهاز حلو و أكثركم يعرف يعني هالجهاز المهم إحتد النقاش وطلعت أنا الكسبان مافيه يعني مافيه بلاك دام الشغله عناد قالت انا ماحب احد يمنعني من شي وماني عارف مين المهم قفلنا وكل واحد فينا متضايق من الثاني .. جلست لين اليوم الثاني و تراسلنا انا وزوجتي وكان أسلوبي جاف ومتضايق من هالسالفه حقت البلاك .. المهم مادريت الا تقول لي انا أسفه وانا كيت و كيت واي شي تبغاني ماسويه ماراح اسويه ابشر ولا يهمك .. قلت خلاص مسامحك ومو شايل عليك < تخرفن امزح المهم طول الله في أعماركم .. قمت بعدها و اطق لها جهاز بلاك بيري جديد "حسيت بالندم أني منعتها من شي تبغاه "
وقلت لها انا اخذت لك بلاك وبقدمه لك مع الزواج
البنت انحرجت وبعدها طبعاً تغير أسلوبها معي زي اللي تثقل الله يطعني بس
وجلست أتكلم مع خويي وعلمته بكل الكلام اللي جالس اقوله لكم الحين .. فجأه طار فيني خويي << يمون
قال انت غبي ودلخ و حم .... الخ << قلت لكم يمون .. المهم قلت له ليش معصب الحين قال انت الحين تعطي زوجتك مجال عليك وتركب ع ظهرك << قلت ليه وش قالو لك حصان ولا دراجه بخاريه المهم جالس يقول لي والله انك بتتعب معها وراح تركب فوق ظهرك تجلس تطلبك كل شوي وتتدلع عليك لازم تكون شديد ومن الكلام الكثير اللي ماعجبني بصراحه انا احترت بعد ماشفت اسلوب زوجتي ثقل شوي وقلت يمكن كلامه صح وحبيت أني أطرح مشكلتي عشان تساعدوني وتفيدوني بـ ارائكم ومشورتكم

أتمنى ماطولت عليكم


دمتم في حفظ الله ورعايته

ههههههههههههههههههههههههه الله يبرد على قليبك صراحه اسلوبك حلو وفقنعي ضحك اما صديقك يوم يقولك انت غبي وخروف بكره تركبك لا تعليق على كلامه
بس لازم تحط الكلام الي بقوله لك حلقه بذنك مع احترامي لصديقك لكنه غبي ولا يعرف للبنات وممكن اذا ضليت تسمع نصايحه بالمستقبل يسبب لك مشاكل مع زوجتك ويمكن الطلاق الله لايقوله لانه يحرضك عليها
اول شي تصرفك حلو وبتكبر بعين البنت وبتحطك فوق راسها لانك راعيت شعورها وراضيتها بطريقه رومنسيه وصدقني انت الحين بالنسبه للي سويته لها كبرت بعينها كثييييييييييييييييير لان البنات رومنسيات وبسرعه نخق بالي يجبر بخاطرنا وانت ماقصرت مع
الي سويته مع خطيبتك عين العقل والحركه هاذي راح تزيد المحبه بينكم وبتكون من احلى الذكريات الي بتذكرونها عقب الزواج
اما صديقك التمساح الي قاعد يخربك على زوجتك هاذا نهائيا لا تستشيره بولا شي وزي مايقولون احذر من عدوك مره ومن صديقك الف مرررررررررررره ونصيحه لا تطلع اسرار بيتك ابد ابد لاي احد لا قريب ولا بعيد اذا اذاطريت حطها بمنتدى زي هاذا لانك ماراح تتاثر مثل لمى يقولك قريب منك يعني لمى تقولها لرجال راح يعطيك الحل من وجهة نظره وكذالك الحرمه دامك في اول الطريق سو الشي الي خليك مبسوط ومرتاح و في نفس الوقت يسعد زوجتك الله يوفقكم ومبروك عليكم الزواج مقدما

ليش ماتميت على رأيك لأ يعني لأ ؟؟

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

حبيبي اسمع كلامي وانا قريب من عمرك ومملك
كلام خويك لا غبار عليه
خليك ثقيل ( والثقل زين وان اخوك )
مو كل شيء تطلبه المدام تلبيه لها .. والله تركب فوق ظهرك وتصير خاتم في ادينها وتشوفك ولا شيء قدامها ..
الثقل زين ..
الله يوفقكم ويسعدكم ..

علاقة الزواج اسمى وارفع من الكلام اللي يقال ( خروف - تركب على ظهرك .. الخ )
رأيي انه انت احسنت التصرف وانه زوجتك اصيلة لانها بعد ماانت رفضت تجيب لها طلبها رجعت وراضتك
واعتذرت لك

وصدقني الناس تختلف في زوجات فعلا تركب على ظهر زوجها وماتقدر اي شئ يجيبه لها
لكن زوجتك الظاهر انها اصيلة وطيبة بدليل انها اتراجعت عن كلامها واعتذرت لك
وانت ايضا اصيل وطيب بدليل انك راضيتها

عموما بعد كذا لاترخي على طول وليس كل الطلبات مجابة ممكن انت تقنعها او تقنعك ولكن لابد تعود زوجتك انها تقدر ظروفك لانه ممكن بفترات ماتقدر تلبي لها طلباتها لظروف خاصة

عموما ربي يجمع مابينكم على خير ويوفقكم

يستحسن يا أخي الكريم أنت قلت لها لا في البداية وبعد ذلك تراجعت أنت رفضت المفروض بقيت على رأيك

__________________

الله لا يحرمك الضحكه

ومشكوره ع ردك المششجع صراحه

مع أن فيه كم رد يأيدون كلام خويي التمساح ع قولتك < بعلمه

شاكر لك وقتك و ردك

فمان الله

قلت لك حسيت بالندم أني حرمتها من شي تبغاه حتى في نفس الوقت لما علمتها أني شريت لها جوال
قلت لها الزوجه اللي ترضي زوجها وتحترمه ومايقدرها ويسعدها مايستاهلها .. بعدين كثير قالو الحياه الزوجيه تضحيات وتنازلات وهذا تنازل بسيط مني لها ..~

شكراً ع مرورك وردك



الله يسعدك يالغالي

لا ماعليك أسلوبي حلو انا مع زوجتي وهي فهمته وعرفته زين " الحياه أخذ و عطاء "

وعلى فكره هي ماطلبتني الجوال هي قالت انها بتشتريه بفلوسها وحسيت بالندم ورجعت اشتريته ع حسابي

تسلم ع وقتك وردك يالغالي والله يتمم زواجك ع خير



أسمعي يـ أخت نيوتيلا هي ماطلبتني اشتريه لها هي قالت بتشتري الجوال ع حسابها الخاص وانا رفضت واحرجتني بصراحه لما جت تعتذر وحست أنها ضايقتني بسالفة البلاك وخلتني أحس بالندم يوم رفضت
شكراً ع وقتك و مرورك

فمان الله

قلت للي رد قبلك الحياه الزوجيه تضحيات وتنازلات يعني سدد و قارب لا تكون قاسي فتكسر ولا لين فتعصر
اعتذرت وراضتني وقالت ابشر باللي يرضيك .. يعني ماتستاهل أني أرضيها ؟

مشكور حبيبي ع الرد و على وقتك

صدق انكم تماسيح -- لا ولا ولا تغير كلمتك ليه اذا غيرها عارض الدستور الالهي مثلا
والله اذا انت تبي سعادتك ريحها وبتريحك دللها وبتدللك مافيه احلى من التفاهم واللي سوتيه مقابل اللي سوته يدل على حكمتكم اثتيناتكم خاصه في الفتره الحساسه هاذي وبالتوفيق انشاءالله

ياخي قسم بالله بديت اشك انك انت انا

نفس الموضوع صارلي بس الاختلاف الوحيد اني شريت بلاك و بقدمه في اول يوم بعد الزواج بدون ماتدري << يقالك مفاجاه مو مثلك

والله يعينا ع البي بي انا اخذت بولد ابو لمس و انت وش اخذت ؟

اخوي التماسيح لايخربونك على زوجتك بصراحه زين ماسويت انك فاجاءتها انت بتشوف هاذا مع الايام زوجتك بتخق معاك وبتموت فيك الى اقصى حد طالما انت تراعي مشاعرها واحسيسها وبتقول كلي دلع قالت وسد اذانك عن التماسيح الي هنيا لا تسمع كلمهم بس اهم شي انك تفهم زوجتك ظروفك الماليه من البدايه يعني تقولها حياتي انا راتبي كذا وعلي اقساط كذا ويبقى من راتبي كذا لازم هي تكون عارفه عشان بعدين تعمل احتياطها والله يسعدكم ياكتاكت ترى الخطوبه احلى شي بالدنيا استمتع فيها