السلام عليكم ورحمه الله وبركاته ...
الحمد لله والحمد حقه كما يستحقه حمداً كثيراً،

اخواني .. واخواتي انا مملك قبل اسبوعين تقريـــبا ،
ومشكلتي تحديدا انها ترفض مقابلتي .. بالرغم اني متشوووق اني اشوفها مره ثانية
وان تتم التواصل عبر الجوال والرسائل والماسنجر فقط !!
علمااااااا ان زواجي بعد خمسة شهوور ..

وودي ....

إذا كنت كاتب كتابك عليها
فشيء طبيعي تقابلها وليس لها أن تمنعك من هذا الحق
كن حازماً معها هذا حقك
ولا داعي لأخذ رأيها
أنت عليك إخبارها أنني سأتي باليوم الفلاني والساعة كذا فقط
وإذا ناقشتك ورفضت كرر عليها نفس الجملة وقل لها سوف آتي باليوم الفلاني والساعة كذا وهذا حقي حسب الشرع
وكفى
ولكن نصيحة مني سوف تمل منك البنت إذا كررت زيارتك لها كثيرا
اجعلها مرة أسبوعياً ولا تجعل الزيارة طويلة
وفقك الله

معليش أختلف معك هنـآ نوعا ما
لو كنت مكـآن الفتاة سأقفل علي غرفتي ولن اخرج له ولو بقي اليوم كله
اسلوب الجبر لن ينفعه بل سيزيد عنآد الفتآة
بالتفاهم اللين والحب يتحقق كل مآيريده (=

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

اسلوب فرد العضلات مايصلح ايام الخطوبه اصلحك الله .. اسأل مجرب .. اتمنى ان تكون ايام الخطوبة من أجمل الأيام لكن اسلوب الشد مايصلح نهائيا وبإمكانك ياصاحب الموضوع انك تجي مره بالشهر لمدة ساعة فقط لانها مستحية او يمكن اول بنت تتزوج بالبيت فعشان كذا العيون عليها فهي منحرجه من أهلها وتقدر تقول لها زي ماقالوا الأخوان تجيب لها هدية وقل أبغى اعطيك حاجة وبوريك أثاث البيت اللي بحطه ومن هالشيء وممكن تكلم أبوها اني بزوركم الأسبوع الجاي عشان تكون أكثر لبق لما تكلم ابوها وتستأذنه عشان يعرف الأب اني سلمت بنتي لرجل مهذب ويستأذن قبل لا يجي ..
والله يوفقك و تقر عينك بشوفتها والله يتمم عليكم .. ونصيحة لا تغير أسلوبك خلك لين مع البنت عشان تحبك وتحترمك وهالله الله بالهدايا الزينة

بعض النساء تحب الاحتفاظ بشوق زوجها لها الى يوم الزواج المقرر

وبعض النساء ترفض فقط منعاً للإحراج لأن والدها رافض لهالشئ وما تحب تقول ابوي ضد هالامور

والد زوجتي كان لا يحب ان أزورهم الا مرة بالشهر وبوجود احد اخوانها معنا

للامانة يا اخي الناس ما ترحم تكلم كثير ولو ما حصل نصيب وانفصلوا الزوجين بعد الملكة تتكلم الناس ان زوجها كان مطيح عندها 24 ساعة يعني المجتمع احياننا يحكم ببعض القوانين لو جا احد يخطب بعد الانفصال بيقول زوجها اول ما بقى الا يجيب فراشة وينام عندهم بالمجلس <<< هذا رأيي فقط ورأيي من حولي في بيئتي وليس بالضرورة بكل المجتمع السعودي

تحية طيبة والله يوفقك

لآهنتم ع التواجد
ولكن يوم أسألها ترد علي
1- اخاف من كلام الناس ..
2- ان اهلها وخاصه ( النساء ) كـ اخواتها وعماتها نصحنها بعدم المقابله ورافضين تماما

سؤالي هنا .... هــــل اغير من اسلوبي ( المميز ) وأشد عليها شوي ...؟؟

بنتضار عودتكم ..
كل التحايا

ما شأن أخواتها وعماتها؟
فأين والدها؟هل هو موجود؟
إذا كان والدها موافق على مجيئك عندهم فلا بأس وليس هناك أي مشكلة
ولكن إذا كان رافض فعليك بإقناع خطيبتك مثلا يومين في الشهر وهي عليها بإقناع والدها
لتعلم يا أخي أنا كتبت ردي حسب بيئتي
ولكن إذا كانت بيئتكم مختلفة وممنوع على الخاطب رؤية خطيبته فاعذرني ولتسمع من آراء أخرى
أخاف أن أنصحك بشيء ويكون في غير صالحك

انا مع عاشق الجواهر ... أحياناً المجتمع يتحكم بألأشخاص...
ياخي أصبر انتا تقول زواجك بعد 5 شهور... يعني مابقا شي...
ولا شغل مخك أذا كان أبوها ماعنده مانع...
وقل جايبلك شي ابغاك تشوفينه ...
اوابغا اشاورك بفرش البيت و جيب معاك
كاتلوجات
هذي اللي يعطونها المحلات ... £
والله يوفقك ......£

وليه الجماعه كلها تدري أنك جاي تزور زوجتك ؟؟

المفروض الأمور هذي - الزيارات والمكالمات- تكون بسريه
مهب لازم تبشر العمات والخالات .. من اللي بيعرس هي والا هم؟؟

مشكلة (بعض) بناتنا الله يهديهم كتاب مفتوح , وماعندها خصوصية .... وبالنهاية تقول جتني عين

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

ههههههههههههه أجمل رد قرأته الله يعين بس