أول شيء قراري بسفر لا والله مب هروب مثل البعض ما قال ولكن قلت يمكن لغاية ما يهدأ الوضع اذا الوالده يوم رحت عندها البيت عشان أسلم عليها وأطلب منها السموحه يا خوان الوالده ما رضت حتى تسلم عليا أول مره في حياتي أصيح جدام خواتي وأطلب منهم يتوسطون عند الوالده ولا هي راضيه مافي على لسانها بتظلم بنت عمك يا خالد باللي تسويه والله مخي حسيته متشتت ولا أنا قادر أركز بشيء رديت بيتي ويا واحد من خواني وسيده لجناح لجين يوم دخلت حجرتها وما حصلتها حسيت الدنيا ظلمه والله يا خوان أول مره من يوم ما اخذتها تدمع عيني عليها حسيت البيت ميت ولا لي خاطر أقعد فيه واخوي قعد يهديني ويقول يا خالد لا تخاف يوم بتاخذ غيرها بتنساها وخلنا نسافر نغير جو قلتلته مستحيل أسافر والوالده مب راضيه عليا نسيت اعلمكم حصلتها كاتبه رساله وعطتها البشكاره ( لا احد يسال شو مكتوب برساله ) طلبت من خوي نتصل على واحد من أعمامي ونروح بيت عمي ووافق عمي المسكين بعد ما قرأ رساله ورحنا بيت عمي وحصلت مناك أخوانها وعمي وأول ما شافوني داخل عليهم قعد واحد من اخوانها يصارخ على سكيورتي وطلب منه يطلعني لولا أنه عمي كان موجود ودخل من بينا وطلب منهم ينادون لجين عشان يسمع منها طبعا اخوانها رفضوا بذات الكبير الله يسامحه وأبوها ساكت انا عصبت وقلت بتزوج ولا بطلق لجين وبخليها معلقه هذيج الساعه عمي ابتسم بكل هدؤؤ وقالي خالد يا ولدي مالك حرمه عندنا الله يرزقك بوحده ثانيه تعوضك حسيت حزتها انه مافي فايده من الكلام وطلبت من خوي نطلع ونحنا طالعين لحقنا واحد من خوانها انا يوم شفته همست لخوي وقتله تجهز شكل ولد عمنا بيكمل ضرابه في الحديقه الله يشهد كان هادي ومسكني وقالي خالد ترانا عيال عم ولا تلومنا قرارك كان صدمه انك تتزوج على أختي توني برد عليه سكتني وقالي أبعد هذه الفتره لغاية ما الكل يهدا شوي ولا تخرب بيت خواتك بعد من وراء هالسالفه واتصل على أختك وتاكد تراها من البارحه في بيتكم تهاوشت ويا خوي على هذه السالفه وطلعت من بيتها وقالي أنا أوعدك أساعدك باللي يطيب خاطرك واذا الله كاتب تردون لبعض صدقني بتردون بس اصبر مادري حسيت نفسي هديت بعد ما سمعته وطلعت وأنا وخوي ومسكنا خط دبي بنقعد كم يوم نريح .
طبعاً اخوي عصب وطول طريق وهو يقول باجي شوي وتبوس ريولهم عشان حرمه استح على عمرك ألف وحده تتمناك تاخذها انا ضحكت وقتله هذه الحبيبه الغاليه بنتي عمي لا تلومني على الكل البنات اللي عرفتهم بس هذه غير عنهم .
__________________
الحمد لله على كل حال
17-02-2012, 10:56 PM
ضوابط المشاركة
العرض الشجري