ورد ..

ادري ان الوضع صعب و صعب جدا
لكن الطلاق ليس حل ..
اختي تريثي شوي ، الحياة كفيلة بان تمحوا الجرح
و تحل الامور ..
جربي ان ترجعي لبيتك ( أكيد بتقولي مستحيل )
لكن جربي و مو شرط تتعاملي مع زوجك بمبالغة
لا بس أجلسي هناك فترة كونوا مع بعض بنفس البيت
و احكمي على نفسك و على مقدرتك على التحمل ..
و الأهم من هذا حبك لزوجك ،، اللي يحب يا ورد ما يكره
و انتي تحبي زوجك لكن الغضب ساتر مشاعرك ..

الطلاق مو سهل .. عليك و على أطفالك وعلى زوجك ..
فكري ايش هدفك من الطلاق ؟!
هل الثأر لنفسك .. طيب وبعدين ...
او تندم زوجك .. و بعدها ...!
او البحث عن حب جديد ..!
و الفائدة المرجوه من كل هالاهداف ما هي ؟! و هل تستحق
التضحية بزوجك و حبك و أطفالك ؟!!
و ما مدي السعادة في تحقيق هذي الاهداف ...

اسمعي كلامي اختي ...
و ارجعي لبيتك و جربي نفسك ان ما قدرتي خلال شهر
خلاص اطلبي الطلاق ..
لكن بعدكم الان يزيد الفجوة اكثر و الشيطان يوغر القلوب

عيشي لربك ثم نفسك ثم أطفالك ثم زوجك
صدقيني هذي خيرة من رب العالمين ..
اراد ان لا يجعل احد احب إليك منه تعالي ..
و ان تكون تعاملاتك خالصة لوجهه الكريم ..

و ما اقول لك مثل البعض حاولي تنافسي ضرتك
و تشغلي نفسك فيها ..
لا اختي انسيها و كانها لم تكن ..
و اعتدلي في تعاملك مع زوجك ، و راح يفتقدك هو
و يسعي لرضاك لان العطا المبالغ فيه منفر قوي ..

يسر الله أمرك ..