ربيعك بيحصل لك وحده بعد يومين... بو خليفه... انا قلت لك قبل احسن الإختيار... يومين مب كافيه يا خوي.. و فكر عدل... شو الهدف من الزواج الثاني.. هل هو من اجل الراحه الجنسيه فقط او علشان اكون اسره... يا ريت يكون جوابك الإثنان معا... لأن هذا زواج.. ميثاق غليظ... فكر في بنت الناس اللي بتاخذها... و فكر انك راح تعيش معاها العمر كله... حلوه و مره... اعتدلت لجين او ما اعتدلت فزوجتك الثانيه بتم على ذمتك... انت ما تبي تظلم احد مثل ما انت انظلمت بزواجك الحالي..

و امك لازم تكون على علم... على الأقل تحضر معاك وقت الخطبه... مب حلوه تروح بيت الناس و معاك ربيعك بس... يا اخي على الأقل اخوانك او امك يكونون معاك... لازم البنت اللي بتاخذها تحس انها مقبوله و لو لدرجه بسيطه من اهل زوجها...