ايه يا مرموسة كل النكد دا؟
يا حبيبتى هونيها عليكى و ان شاء الله كله بأوان
انتى فى قاعدة صفا مع جوزك اتكلمى معاه من منطلق صديق مش زوج و اشكيله همك اللى انتى حساه بالراحة كدة من غير ما تأنبيه اتكلمى انك متضايقة انك نفسك فى بيبى من غير ما تجيبى سيرته انه مش راضى و انكم فى منتهى السعادة و انك طماعة فى سعادة اكبر و اكبر و ان السعادة دى مش حتكمل الا لما يكون فى بيبى بيجمعكوا مع بعض
و انه هو بيوحشك لما بيكون برا البيت و بيكون نفسك فى حاجة منه فى البيت تصبرك لحد ما يرجع
اى كلام ف البطيخ من اللى بيتضحك بيهم على عقلهم "نمنم نمانم دا"

اهم حاجة يكون بالراحة و بحب و ان شاء الله موقفه يتغير
و ربنا يكرمك و يفرح قلبك يا رب

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة