السلام عليكم ورحمة الله وبركاته

غاليتي سيدة الموقف صباحــك رضا وسعاده..تمنياتي لكِ بأن تكوني بأحسن حال

اتمنى منك ان يتسع صدرك لي ...ليست لدي مشكله بقدر ما اعتبرها فضفضه ومشاعر اتمنى ان اسيطر عليها

ربما تتذكرين مشكلتي السابقه مع زوجي وقريبته ووالدتها
لم اعد اثق به وبمشاعره تجاهي مهما فعل لي اشعر داخليا بأنه ربما يرجع لها وكل فتره واخرى (خاصه الفتره الاخيره يجيني احساس قوي انها لسا تكلمه)لان بينهم الدين اللي عليها لسا ماسددته هي موظفه حكوميه ولها عشر سنوات او اكثربالوظيفه يعني راتبها ع ما اسمع انه تمام نفسي تسدده وننتهي من هالموضوع بدل ما يجلس فيه شي لسا رابطهم ببعض....امها اول قالت انها بترجعه بس ليه هالمماطله مو عارفه لو حددت كل شهر مبلغ معين كان الان وصلوا للنص يمكن...وهو احسه بارد من هالناحيه يقول خلاص قالوا يسددون ماله داعي اتكلم....هو سمع ان ان امها تجمعله المبلغ انبسط وع طول دق عليها ويسوي انه يسلم وهي نسيت كل شي وسويت انها عتبانه عليه لانه ماجاها بعد الحج وسلم عليهاوانا عندي احساس انه راحلها بعد هي قريبته ماقلنا شي وصلة رحم بس ما اشوف احدد من اخوانه متحمس لزيارتها والتواصل معاها مثله يعني اخوانه يروحون بعيد وقريب ويمكن مايشوفونها الا بالاعيادويمكن مايشوفونها وعمته الثانيه ناددرا مايتواصل معاها واحسه مايحبها الا هذي ليه مو عارفه؟؟احيانا اقول علشان اسلوبها تحسينها دبلوماسيه وعندها بكش واسلوب يحسس الشخص انه مرغوب كثير خاصه اذا لها مصلحه معاه..
من الاشياء اللي تخليني اشك ان قريبته تكلمه (ممكن تكون مكالمه عاديه وممكن تكون بالنادر بس عندي احساس انها تكلمه )انها ممكن تطلب منه انه يسامحها ببعض المبلغ لانها هي كثير حريصه ع الفلوس وماديه بشكل كبير وكمان ما اعترفت لامها بكامل المبلغ وهو لما زعل منهم وراجع الحسابات طلع فيه مبلغ هي انكرته بقوه وهو يقول انه متأكد انها مادفعت هالمبلغ والفواتير تثبت بس هي انكرت قالتله انت ضيعت الفواتير(هذا قبل لاينتهي الشغل وقبل سالفة الدين) وكمان من اسلوبها معاي احسها جدا داهيه ومصيبه وفيها حقد شوي فأكيد تحاول تخرب علي لأني فضحتها عند اخواتها وامها واهل زوجي بس انا ماكبرت الموضوع الا بعد ماكبر وصار الوضع مايطاق لانه مد يده علي فكنت لازم ادخل ابوه بالموضوع علشان يوقفهم عند حدهم
- رومانسيته بهالفتره خايفه منهاكل شوي اقول ياخوفي وراها شي طبعا مابينتله بس بنفسي اقولها
احيانا اراقب مكالماته بس ارجع اقول يابنت سيبيه ولاتوسوسين كثير لو فيه شي بيبان ارجع واقول كيف يبيان اكيد بيكون اكثر حرص وبيسوي مثل ماقالتله زمان ويطلع شريحه بدون اسم ويخليها برى البيت...
موعارفه اقول اهم شي هوقايم بواجباته تجاهي(ولو ان بعضها يماطل فيها بس هو شخصيته كذا يحب التأجيل)ومحافظ ع صلاته ويعاملني حلو خلاص بلاش اخرب ع نفسي واعيش حياتي احسن بدون عوار راس ...واحيانا افكر كلها كم شهر ان شاء الله واولد واكون بالاربعين وبيحلاله الجو
افكار كثيره براسي بس اشوف الانسب اني اعيش براحه وحقوقي ما اتنازل عنها ولا اثق فيه كثير لانه مثله مثل اغلب الرجال مالهم امان(هالفكره مترسخه في بالي قبل الزواج وبحسن معاملته معاي حسسني انها غلط بس بعد فتره اكتشفت انها صح 100%)

وعليكم السلام ورحمة الله وبركاته
مساء الانوارغاليتي
الله يجزاك خيرلإستجابتك وشاكره لك
انا بناقشك في اشياء واتمنى تفهميني فيها ...هو ماشاء الله مو سيء بس مو عارفه وش اللي قلب حياتنا كذا انا ما انكر ان كانت بينا مشاكل بس بسيطه وكان ع طول يراضيني ويسوي مفاجآآت صح بسيطه بس حلوه يعني يشتري الآيس كريم اللي احبه ,,يمشيني بنفس المدينه هنا ولا هنا وانا كمان لما احس اني اغلط كمان اعتذريعني كلنا نعتذر بطريقه غير مباشر
بعد هالمشكله اكتشفت انها في باله من قبل زواجنا ولما عرف انها ناويه ع الطلاق(يروح عند امها وتتشكاله هي ماتبغى زوجها وهي وهي وهي تكلمه وترسله رسايل انها متعذبه من زوجها وبعضها قالها لي وبعضها حصلتها بس واضح انها مفبركه من راسها وهو ع طول يصدقها ويتعاطف معاها...)للحين مو قادره انسى انه كان يكذبني لما احلف ويمشي كلامي كذا يسوي انه مصدقني وهو واضح انه مكذبني ومصدقها
مو قادره انسى كيف كنت ارضيه في طلباته رغم تعبي بس ما اوضحله اقول حرام وخليني احتسبها وهو يحسب اني ميته عليه وانا اغلب شي تمثيل واشياء كثيره بحياتي مو متقبلتها بس امشي الامور اقول هذي كماليات اهم شي ان اخلاقه تمام ويصلي رغم انه لما يزعل يقول كلام كبير
مو قادره انسى كيف صبرنا علشان نشتري سياره كويسه وبالاخير لما جاباها ما اخذت 6 اشهر وباعها واعطاها الفلوس
مو قادره انسى اني اخذت قرض ع اساس اسوي مشروع وبتشجيع منه وبالاخير ياخذ شوي منه والباقي انااثثت البيت اللي له ثلاث سنوات بدون اثاث والحين يطلع روحي علشان الاقساط لازم كل شهر اذكره فيه نفسي يلتزم من وحده ويكون قد كلامه ويسدده بدون ما اقوله يافلان القرض لايتصلون علي ويقولون وينكم ولا تفشلني مع زوج اختي اللي كافلني
مو قادره انسى المبلغ اللي اخذته من اهلي اللي قبل اربع سنوات واللي قبل سنتين ولسا ماسددهم وبالاخير يروح يعطيها
نفسي اعرف شلون قدرت تقنعه بكل سهوله وهي بعيده عنه وبس بتلفون ومكالمات استمرت كم شهرومكالمات كانت اكثر مكالمه نصف ساعه يعطيها بكل سهوله وانا زوجته مو قادره اخذ منه شي لا لي ولا للناس اللي اخذه منهم علشانه ..يقول يحبني ويموت علي وكان يحلف ما راح يتزوج علي لانه بإختصار مو مقصره عليه اجل ليه يسوي كذا؟
اشياء كثيره مو قادره انساها بس اللي يغفرله اني احيانا احسه جد صادق وانها مجرد نزوه( بس لو زبط الوضع معاه كان ممكن تكون حقيقه )
من صفات شخصيته يزعل بسرعه ويرضى بسرعه ومايشيل بقلبه مهما الشخص غلط عليه ومحافظ ع صلاته وإتربى في قريه يعني اغلب تصرفاته احسها ع الفطره وماعنده الثقافه والخبره الكافيه في كثير من الاموربس بعضها تتفاجئين بطريقه تفكيره فيها
علمني اشياء كثيره...بس بالاخيرنزل من عيني وبصراحه ماصرت اعرف اذا كنت جد احبه ولا احاول امشي حياتي معاه علشان الاطفال يعني فيه اشياء كثيره احسني اجامله فيها ومازلت امثل عليه اني ناسيه موضوعه لاني ابغى اعيش بسلام وما ابغى اضيع حياتي واستقرار اطفالي علشان وحده ماتستاهل بس من فتره لفتره اعصب وتصير مشاكل واحسه انه فاهم انه علشان الموضوع صح يحاول احيانا يداريني بس احس هالمدداره لان عنده شي مثل الفتره الاخيره تجيني حالات ضيقه واحس ان عنده شي واكتشف انه مكلم عمته طيب قولي وش قالتلك علشان تحاول ترجع ثقتي فيك بس مايقول يمكن يخاف اعصب واسوي مشاكل واتصل عليها
_فيه مناسبه قريبه واكيد بشوفها نفسي اعطيها كم كلمه واقولها جيبي فلوس عيالي واحيانا اقول يابنت طنشي خليها ان شاء الله ماترجعله ولا ريال يستاهل بس لما احس انا بحاجاتها وهي تتمتع بحلالنا انقهر نفسي اشيل هالموضوع من راسي
-انا مقدمه ع وظيفه رسميه واقول يارب تجيني حتى لو كانت بمنطقه ثانيه ماعلي فيه اهم شي اتوظف علشان حتى لو صار شي ما اكون احتاجه(احيانا تفكيري احسه اجرامي واثبت لنفسي اني ما احبه بس لما افكرلاقدر الله لو يموت هل جد راح ازعل عليه؟احس راح ازعل وراح اتضايق وراح افقده كثيربس هالمشكله خلت كل شي حلو بينا يضيع علشان كذا احاول اتناسى واحاول اسعده بس قبلها اسعد نفسي ما ادري يمكن صرت انانيه؟نفسي نرجع لايامنا الحلوه صح اني اعيش معاه ايام حلوه بس من جهتي احسها تمثيل لاني شايله عليه واحسني مجروحه منه والله مجروحه بس احبه واحتاااااااااجه كثيربس رغم قربه احسه بعيدحتى لو حاول يقرب مني وينسيني مو قادره انسى مو قادره

هلا فيك ....والله ياسيدة الموقف نصايحك اغلبها آخذه فيهاوان كانت تجيني احيانا حالة احباط وتراجع بس احاول ما احيد عنهاخاصه ترتيب الاوليات ...والحمدلله دائما احاول ما اتنازل عن اي شي ابغاه خاصه بالفتره الاخيره بس هو يعرف كيف يماطل ويأجل يعني قد ما اقدر ما اتنازله عن حقوقي وطلباتي..
الحمدلله علاقتي بأهلي حلوه وقويه وكمان عندي صديقاتي من فتره لفتره اتواصل معاهم بالزيارات والجوال وان قلت ...بالنسبه للطلعات اروح بأيام الاسبوع لاهلي بس نفسي اسافر نفسي اغير جو وطبعا هو مو فاضي عنده شغل واذا صار وسافرنا يومين بالكثير ونرجع..واحاول من فتره لفتره اغير باللوك مو علشانه زمان كان علشانه بس الحين علشاني انا
انتِ قبل نصحتيني اقضي الاربعين ببيتي..احسه مره صعب هو يطلع من بعد الفجر وناددرا مايجي الصباح مايجي الا بعدالظهر وبعد العصر يطلع مايجي الا 10 واحيانا يجي بدري او يسير علينابس احيانا يجي ويجيب معاه رجال حتى وقت الظهريجون معاه ..ووقت الاربعين اكيد بيجوني حريم رايحين جايين فأكيد راح يطفش ويطلع حتى لو جاملني الايام الاولى وجلس عندي وهذا اللي متوقعته ماراح يكون مثل امي واخواتي وكمان عندي طفل صغير يبغاله غيار وانا مافيني خاصه بالايام الاولى هذا غير البيبي ماشاء الله
وبالبيت فيه اصلاحات مأجلها هو للاربعين يقول بسويها وبشوف جد يسويها ولا يطنش ويأجل كالعاده..ووقته اللي يقضيه برى كثير يعني لو عنده شي بيسويه برى سواء بالمكتب او غيره يعني لازم تكون قناعه داخليه منه ان هالشي غلط
والوظيفه نفسي اتوظف حلمي من قبل لا اتزوج والحين صار عندي اصرار كبير عليها بس مو عارفه لسا ربي مارزقني فيها واقول يمكن خيره
شاكره لك عزيزتي