سبحان الله !
أنت قريت القصص اللي قالتها الأخت في أول الموضوع ؟! أنت عايش معنا في مجتمعنا ؟!
أنت تدري أنه في هذا المجتمع الظالم في أهالي يعضلون بناتهم لأسباب تافهة أو بدون أسباب ؟!
كيف تثق في مثل هالأهالي ؟!
مع احترامي لأهالينا ، بس في هذا الموضوع الواقع الاستقراء أثبت ظلمهم في هذا الشيء ..

قريبة لي رفضت كل من تقدم لبنتها عشان تبي تزوجها لولد اختها وولد اختها ما يبيها ، والبنت بعد ما تبيه !
والحين البنت بتوصل الثلاثين وهي ما تزوجت مع كثر من يتقدم لها ولسبب سقيم ، وتقول يثقون في اهاليهم ؟!
غير اللي ما يزوجون بناتهم عشان رواتبهم ، واللي يقولون ما في أحد كفؤ لها ، واللي يقول مب من مواخيذنا ، ويا كثر خرابيطهم ، والقصص كثيرة ..

والبنت تبي تتزوج ، وبالعكس حرصها على الزواج يدل على صلاحها ورجاحة عقلها ، فمن حقها تحاج أهلها وتجادل أمها وتقول لها لا تردين أحد وتقول لأبوها ما أسامحك إذا رديت أحد ، ومن حقها أنها ترفع على أبوها دعوى وتحول الولاية لغيره !!

تبيها تجامل أهلها وتقعد وحيدة عشان يقولون انها تستحي ؟
الله يقلع هذا الحيا اللي بيعيشها في كآبة ويضيعها !!

__________________