27-12-2011, 08:44 AM
27-12-2011, 10:34 AM
27-12-2011, 02:47 PM
29-12-2011, 01:23 AM
|
المشاركة الأصلية كتبت بواسطة العـ/الفريد/ـقد
زوجي اجتماعي + لديه أعمال كثيرة + الناس تلزق فيه كذا محبه من الله
ومع ذلك مسيطره تماماً على الوضع وهذه الفترة كل مااتجول في البيت ألاقيه وراي يمشي لأني أعرف اهتماماته وأشاركه فيها وأتعلمها وأتقنها بكل مهارة وآخرت الإهتمامات صرت مهندسة عنده وأخططله وأصمم له تصاميم لعمرانه وأعدلها له بعد ما يعرضها ع المهندس مع اني في البدايات بس شي يكسر الظهر خصوصي لما أنفذها ع البرنامج بس فرحته وهو رايح للمهندس ويقوله ابي مثل هذا بالضبط عندي بالدنيا كلها ومن أجل عين تكرم مدينه وهو يقدر تعبي عشانه ويعوضني + آخذ حقي في جلسته معي من وقت ما عرفني + أحببه في هالجلسه واسويله اللي يعجبه ولازم مودي يكون تمام التمام وعلى فكرة لما أنشغل عنه لو حتى بأشغاله اللي يجيبها لي والله ما أشوف إلا غباره وتوه جابلي جهاز ما سبق لي تعاملت معه ومن أول الليل وأنا حايسه فيه لين ضبطت وضعه على جهازه وتدرين وش سوى >>>> سحب علي وراح ناااااام وقعدت سهرانه وألحين أخاف أنام وأصلي الفجر متأخر وماسكه نفسي يعني باختصار لازم تكونين ركيزة أساسية في حياته لازم تبذلين وتعطين وتدفعينه للأمام لازم يحس انه ما يتنفس هوا مثل البشر ... لااااا يتنفسك انت وقت ما تزعلين ولا تتغيرين عليه يترك الدنيا عشان يرضيك ويتغير وجهه ولونه وتختبص أموره لأنه يعرف ان ما رضيتي توازنه في الحياة راح يختل وماراح يقدر يتقدم للأمام أكثر والله يعينك الصراخ والزعل والتشره وخلافه ماراح يجيب نتيجة بالإحترام تجيبينه بس عاد يبيلك وقت بما انه يخرج بهالشكل لكن وش يقعد هو وأصحابه يسوون كل هالوقت سواليف؟ ولا قعده على التلفزيون؟ ولا يلعبون play station أو xbox أو من هالشغلات اللي طالعه؟ ولا لعب إعتيادي ورق وشطرنج وكيرم ؟ ولا وش يسوي معهم؟؟ وكم لك سنة متزوجة؟؟ وعندك عيال؟؟ واصحابه يشتركون معاه في ايش بالضبط .. عمل، دراسة...؟؟؟ وش اللي جمعهم في البداية وعرفهم على بعض؟؟ آه بس الزواج هذا يبيله وحده طويلة بااااال وقلبها وسيع وما تستعجل النتائج الله يعين الحريم |
29-12-2011, 01:28 AM
|
المشاركة الأصلية كتبت بواسطة Neat man
الله يهدي زوجك لكِ, بعض الأزواج لديهم حب الخروج والجلسات والطلعات والسفريات، يجدون متعتهم ولذتهم بذلك، وهذا خطأ إذا كان ذلك على حساب الزوجة، وهذا طبع يكاد يكون لازم لهم ومن الصعوبة أن يتخلوا عنهم، ولو ابتعدوا ليوم واحد لشعروا بضيق وتعب من ابتعادهم، الحل أن تصاريحه بذلك، أو تكتبي له برسالة وتكتبي فيها كل احساسك وموقفك بكل حب وبكل حرقة وبكلمات مؤثرة وعقلانية أحياناً بعيداً عن الغضب، أكتبي كلمات تؤثر فيه وليس كلمات تجعله يثور أو يتنرفز. وفقكِ الله.
|
29-12-2011, 01:34 AM
|
المشاركة الأصلية كتبت بواسطة نوآرة
قلبي
الرجل حر وماينحكر بالبيت .. الرجل في السابق ماكان يشوفوه اهل بيته الا وقت النوم .. اسمعي ياقلبي .. انتي حاولي تتكلمين معاه بأدب وذرابة وحنية .. وقولي له : يا أبو فلان أنا ودي إنك تعطيني من وقتك الغالي شوي .. أدري إنك تحب ربعك وماألومك .. أنتا تروحلهم لأنك ماتبي تحس بالغربة وهذا حقك .. وأنا أبدا ما أعارضك لأني مستحيل أوقف بطريق سعادتك .. كل اللي أتمناه إنك تخصص لي يومين بس بالاسبوع نقضيها مع بعض .. وزوجك شكله يحب الطلعات .. فلا تقولي نقعد بالبيت .. لا جهزي لك الشاي والقهوة .. واكشخي واطلبي منه ياخذ لكم ادوات الشوي واشوو وانبسطوا .. شوفي وش يحب يسولف لك عنه باستمرار .. وسعي ثقافتك بمجاله اللي يحبه .. وخلي روحك خفيفة ولا تدققين عليه بكل شي .. بيني له بتصرفاتك العفوية اشكثر انتي مبسوطة .. وترى الرجل كائن لطيف ووديع .. ومحب للحياة .. ولكن إذا وجد أنثى ذكية .. تعرف متى وكيف تتحدث معه .. انتي وكلي امرك لربك وادعي له .. وتدرجي في طلباتك .. فأول حاجة .. اذا كان ينام بعد الدوام حاولي ماتخلينه ينام او اذا كان مرهق خليه ينام ساعتين وصحيه وصحية بذوق وانتي مجهزة له مفاجأة بسيطة ولابسة .. لو ماصحى اتركيه .. كرري التجربة بين وقت وقت .. صدقيني بيجي اليوم اللي يحس فيه .. وبيستحي على وجهه ويعبرك .. وبعد كيذا تحاولين معاه لحد مايتعدل نومه .. وفري له جوه بالبيت .. ولو اضطريتي تستقبلين ربعه .. اهم شي يكون حولك بالبيت .. ومع الوقت والوقت الطويل والصبر .. يتعدل .. ولكن يظل الرجل حر .. ومن حقه يدخل ويطلع مثل مايبي .. ولكن مايكون هالشي فيه ظلم للزوجة او تقصير في حقها .. لأنه بالأخير مسؤول قدام ربه .. عن كل صغيرة وكبيرة .. ما اتمنى لك غير السعادة والرضى بما قسم الله لك لتكوني أغنى الناس .. |
30-12-2011, 09:34 PM
30-12-2011, 09:55 PM
31-12-2011, 07:13 PM
|
المشاركة الأصلية كتبت بواسطة مستقبل غامض
ضاق صدري يوم قلتي ان الاجتماعي مع الناس يصبح العكس مع زوجتة
زوجي اجتماعي ( مملكة) واجتماعيته الزائدة جداً مضايقتني , الكل بالنسبة له صديق والكل بالنسبة له غالي وعزيز بينما انا على العكس , انتقي اصدقائي , لي قاعدة زملاء عريضة لكني رسمية مع الاغلب وهو العكس ليتك تكلمينا عن زوجك لنستفيد ـــ<< جيتك ياعبد المعين تعين ههههه |
31-12-2011, 11:27 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
