روح حبيبتي ... هدي شوي ... لا تلخبطين الامور في بعضها ... ما تقدرين تركزين في اكثر من شي ..
حاليا خليه متضايق ومتنكد ترا تعود انك تحلين مشاكله وتدبرين الامور ... ما تعود على هذا الضغط كله ..
ما دام ان نفسيتك تعبانه وعليك ضغوطات .. لا تتناقشين معاه في شيء لان الامور بتسوء اكثر ... لانك
بتكونين معصبة وحساسه وعنيده ..
ارتاحي وركزي على الوالده الله يحفظها ويشفيها ... وعلى البيبي ... خليه يتصرف بنفسه في امور الشقه
وغيرها ... مشاويرك وحاجات الاطفال واغراضك هو ملزوم فيها ... كلميه بجديه وفهميه هذا الشيء..
وبعدين حبيبتي كل شي تسوينه بمبالغة يخترب ... يعني دلعيه لكن لا تبالغين ... انتي ما دام انك عارفه طبعه
تعاملي معاه بالطريقة اللي تنفع معاه ... الزوجة اللي تعود زوجها على الاتكالية ... يعني يعتمد عليها في كل شي
يصير زوجها يتكل عليها حتى في اظهار المشاعر وفي الاهتمام والحب..
تغيير زوجك يحتاج وقت .. لانك عودتيه على الاتكالية .. حاليا ركزي على الوالده والطفل ... وبعدين ركزي على
زوجك ... خليه الحين يدبر نفسه ...

والله يفرج همك يالغاليه ويريح بالك ويسعد قلبك ياااارب