ايه بس انتم لاتحسبونها بهالباساطه ابي احطكم في مكاني

تخيلو بغض النظر عن ان قلبي مال لها وبنيت على انها زوجتي وام لعيالنا

دفعت مهر 55 + آجار بيت 14 + اثاث بيت 28 + سياره وانا لو ما كنت بتزوج ما اشتريت سياره تليق فيها ب 70 + مبلغ وفرته لحفلة الزواج 35 وكانت شارطه يكون فيه حفلة حريم بس المبلغ باقي معاي ما سويت شي ولاحددنا موعد الزواج والدخله

انا كنت موفر من راتبي 75 الف وكنت شاد على نفسي عشان اتزوج وتدينت من البنك 80 وطلعت علي فوائد فوق 25 الف يعني بسدد لهم 105 واكثر شوي وتسلفت من اخوي 30 وابوي ساعدني ب 30 هذا غير الهدايا والله اهديتها هدايا بمبلغ خيالي شوي بس والله ما امن عليها فكرت انها زوجتي وبتكون زوجه لي

والله ثم والله انه حرام عليها وحرام علي افوت على نفسي فرصه والله لو اكنسل موضوع الزواج بخسر نصف المبلغ تقريبا 90 الف وبجلس 4 سنوات اعوض اللي راح علي واجمع فلوسي عشان زواج ثاني

لا تقولون لي اتركها بدون ما تفكرون معي

ولو خطبت مره ثانيه البنات يرفضون يتزوجون خلال شهر او شهرين بالكثير كلهم يشترطون 5 و6 شهور عشان التعارف وهالأمور

حطو نفسكم مكاني وقولو لي وش الحل الصح