أخي الفاضل زفير الغضب الحياة الزوجية تنجح بالتفاهم والإحترام كل طرف للآخر والمودة والمحبة والتعاون بين الأزاج شئ جميل ومحبوب ويقرب النفوس إلى بعضها ويزيد من ألفتها ومحبتها وتماسكها وثباتها في عواصف المستقبل في الحياة وأنت وزوجتك المصون مازلتم في بداية المشوار والطريق أمامكم طويلة وشاقة في رحلة الحياة وتحتاج منكم إلى صبر وقدرة في التحمل فلا تجعلوا مثل هاذي الخلافات البسيطة تؤثر في حياتكم من الآن وتذكر أن البيوت التي تؤسس وتبنى على طاعة الله أولا ومن ثم تبنى على الصراحة والتفاهم والإحترام والمودة والمحبة والتعان والتغاضي عن بعض الأخطاء البسيطة التي تحصل بين الأزواج تأكد بأن هاذي البيوت هي الأفضل وهي الأجمل وهي الأطول عمرا والأدوم سعادة من بين البيوت ولونظرت لمشكلتك بتأني ونظرت إلى مشاكل غيرك من الناس في هاذا القسم لقلت الحمدالله الذي عافانا من ما أصابهم من هم وضيق وحزن في حياتهم الأسرية وانا أشوف إن زوجتك لايوجد مايعيبها حسب مافهمته من وصفك لها سوى رفعة صوتها عليك وهاذي إنشاء الله تقدر تحلها بكل هدوء وفي جلسة حوار ونقاش هادئ بينكما وتتوصلوا فيها لحل وكما يبدوا لي إن زوجتك تحب الإنضباط والترتيب وتبغى ترتب وتنظم بدون ما أحد يحوس شغلها اللي ضبطته وصدقني لو بحثت في موضوع تضايقها وعصبيتها لوجدت إن هاذا طبع يوجد بها من بيت أهلها وتجد إنها كانت عند أهلها ترتب وتشتغل وتنظف وبعدها يأتي من من هم إخوانها يحوسوا البيت حوس وتلاقيها تصارخ وتعصب ويرتفع ضغطها عليهم ولماجاءت لبيت الزوجيه ماقدرت تتخلص من هاذا الأسلوب وتفرق بين زوجها وإخوانها في التعامل من هاذي الناحية ولأن هاذا طبع فيها يجب عليك أنت كزو ج مساعدتها لتخلص منه وبقول لك كلمة ياخوي وارجو إنها ماتضايقك يا أخي ترى حنا الحريم مانحب نجلس نرتب وننظف ونتعب ونبذل كل مجهودنا في بيوتنا ونحط نظام في البيت ويجي الزو ج او الأبناء يخربواهاذا النظام ويحوسوا الدنيا في البيت حوس ويسببوا فوضى في البيت وبعد دقايق معدودة نلاقي كل تعبنا ومجهودنا إللي بذلناه ووقتنا اللي راح وحنى نتعب وننظف ونرتب في دقايق وساعات والله ياخوي حينها إنا مانصبر ولا نحتمل وتطلع شياطيننا على عيالنا ونطفش ونعصب هاذا إذا ماكل واحد فيهم أكل له قتله على إللي سواه وأنا عندي اولاد اكبرهم 14 سنة وعندي إخوان عزابية وشفت كيف يحوسو ا البيت حوس حتى لو على شراريب ضايعه يقلبو الخزانة فوقاني تحتاني بالرغم من إني مخصصة لكل واحد فيهم خزانة إلى إن الفوضى حاصلة حاصلة لاكني أجلس على روسهم حتى كل واحد يرتب إللي خربه وبعدها اعطيه محاضرة اكبر من محاضرتي هاذي وترى بعض الشباب حياتهم وهما عزابيه فوضى وبعد مايتزو ج يستمر في فوضويته مايحاول يغير من نفسه ويعودها على الترتيب والإنضباط في حياته ومنزله والتعاون بين الأزواج شئ ضروري ومهم فالزوجة في كثير من الأوقات تتعرض لظروف خاصة كالمرض والحمل والولادة والدورة الشهرية وتحتاج فيها لمن يساعدها ويخفف عنها ولو أتت المساعدة من شريك حياتها فهي بلا شك شئ جميل ورائع ولن تنسى لك تلك المساعدة والوقفات وهي تمر بمثل هاذي الظروف وانت لا تتضجر ولا تغضب من مساعدتك لزوجتك مساعدتك لها تقربك منها أكثر واتوقع إنها بكثرة حديثها لك عن النظافة والغسيل والطبخ إنها بتوصل لك رسالة مفادها إنها ( شوف ترى أنا أنظف واتعب فلا تحوس لي الدنيا ) فلما صار ومافهمتها رجعت للأسلوب الثاني وهو الصراخ والعصبية بعدين يا أخي أنت توك شاب وفي مقتبل العمر كلك نشاط وحيوية ليش الكسل ساعد زوجتك مافيها شئ أنا زوجي عمره حول 46 سنة شايب لحيته نصفها شيب لو بكيفه يجيب فراشه وينام في المطبخ من كثر حبه لشغل المطبخ والله إن بعض الأوقات نفسي أسحبه سحب من المطبخ وأطلعه يخرب عليه شغلي لو جاء وأنا أطبخ وجبة اكل وشفته زودها اترك له المطبخ واطلع وهو لحاله يحوس ويدوس حتى يجهز الأكل لا وهاذا بعد وهو باقي ماتقاعد باقي بالوظيفة لو تقاعد وش عاد بيصير شكلي بخليه يفتح له مطعم ويمارس فيه كل هواياته المطبخية وعلا فكرة مو طبخ وبس إلا يغسل المواعين ويرتب وينظف الله يحفظه ليه ويخليه وكمان يساعدني بتربية العيال ومايقصر وكل هاذا مانقص منه شئ رجل شخصيته و له مكانته وقدره وإحترامه في عمله وبين اهله وأصدقاءه والعائلة كلها واذكر مرة من المرات قالت لي واحدة من الحريم إللي أعرفهم تكفين يفلانة زوجك إذا شاف زوجي خليه ينفث عليه أنا قلت في نفسي خير إنشاء الله ليكون إن زوجهافيه شئ من العين والحسد وشاكين إن زوجي هو السبب في ذلك فسألتها ليش خير إن شاء الله عسى ماشر زوجك مريض قالت لا لا فال الله ولا فالك أنا أبغاه ينفث عليه علشان يصير شبيه له في البيت قالت طفشني حتى بيالة الشاي مايرفعها لو بموت مايساعدني في شئ ولو طلع مع أصحابه لحالهم هو الشيف تبعهم .

وانت ياخوي ساعد زوجتك تكسب حبها وتكسبها بعدين مثل ماقالوا الأعضاء كلها ملعقتين وصحنين وقدرين كان أختصرتها قدر واحد يكفي وغسلتها ويادار ما دخلك شر بالنسبة للملابس إذامابغيت تحوسها قول لها هي تجيب لك ملابسك ماضنتي إنها بترفض طلبك وبتجيبها لك وهي مبسوطة وفرحانه بعد ولا تكدر عمرك ولا تزعلها عيشوا الحياة واستمتعوا فيها والله يوفقكم ويسعدكم في حياتكم ويرزقكم الذرية الصالحة يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله