كتبت رد طويل مرررررررررره لكن مسحته خفت بصراحة الاعضاء يهجمون علي

الحل بسيط يا عزيزي

اولا: كمل كل نواقص المطبخ من بصل وطماط الخ الخ الخ واهم شئ الرز والدجاج الأخوين

ثانياً : اذا كملت الاغراض اعزم ابوها وانت بالدوام وقوله غصب وعلي الملازيم تجي تتغدا عندنا اليوم

ثالثاً : قول لزوجتك تحسب حساب ابوها على الغداء اذا مافيه غداء وجيب من المطعم عطها الضوء الاخضر وجيب من الطعم

اجلس مع ابوها وقوله بنتك مقصرة في كذا وكذا وكذا وكذا وشوفت عينك هالحال كل يوم الا بعض الأيام تطبخ لي وباقي الايام من مطعم

واطلع وخله يعطيها محاضرة محترمه ووانت غايب ورايح تجيب غداء وتغدى وعين من الله خير

بعدها بتتهاوشون اكيد شئ لابد منه بس خلها تتهاوش وترفع صوتها واتصل على ابوها وقوله تعال خذها بنتك ترفع صوتها علشان صار عندك خبر باللي يصير

بالنسبة لي انحلت مشكلة رفعة الصوت لما رفعت صوتها وحطيتها ببيت اهلها وقلت خلوها عندكم ماتحترم زوجها وترفع صوتها عليه على الطالعه والنازله مابيها

بعض الزوجات على نياتهم بعد ما تطيح الميانه مع رجلها تحسبه اخوها

رجعت تمام صار حتى التلفزيون لو صوته عالي تقصر تقول ما احب رفعة الصوت

الطبخ مازالت المشكله قائمة لكن بحلها بالغصب بعد ما ترجع من النفاس لأنها ولدت الطفل الثاني عقبال عندك

يا اخوان مو من حقوقه انها تطبخ له وتغسل المواعين وهو من حقوقه عليها انه يوديها مشاوير بالسياره

اذا زوجته مو خدامه هو بعد مو سواق ولا انا غلطان ؟؟؟