كيفك اليوم؟؟إن شاءالله تحسنتي انا كنت غائبه عن المنتدي منذ مده فا شفت سؤالك دحين
عندي سؤال وارجو انه ما يكون مزعج بس هل انتي حامل؟؟
هل رزتي طبيب مختص في جهاز الهضم؟؟
وهل في تحسن بعد اخذ الادويه المذكوره؟؟
اذا الحاله لسه زي ماهي يااريت تسألي اذا بتقدري تأخذي omeprazol او amoxacillin اساليه وشوفي اذا مناسب لحالتك

مرحبا بك يادكتورة والحمدلله على رجعتك لنا بالسلامه وأخبارك مع الإختبارات إن شاءالله كل أمورك تمام يارب.
وبارك الله فيك وجزاك الله خير على سؤالك عني ومد يد المساعدة لمن يحتاج مساعدةوهذا إن دل على شئ إنمايدل على طيبتك وحسن تربيتك وسمو أخلاقك العالية وبارك الله في من رباك ورعاك وأقر الله عينيه بك وبإخوانك وجزاه الله خيرا على تربية و إخراج إنسانه بمثل أخلاقك وصفاتك الجميلة والطيبة وأسأل الله عز وجل بأن يوفقك في جميع أمورك ويحفظك ويرعاك من كل شر وسوء وأن يسعدك في حياتك يارب إنك سميع مجيب .

بالنسبة لسؤالك الحمدالله اليوم احس بتحسن طفيف ولاكن عندي بعض الآلام تحت القص فوق رأس المعدة مباشرة وتحت القفص الصدري من الأسفل في جهة اليمين واليسار احيان تستمر وبعض الأوقات تروح وتأتي على فترات
بالنسبه للحمل ما أتوقع إن فيه هناك حمل لأن آخر دوره كانت لي قبل 16 يوم تقريبا وأنا بعد إصرار زوجي لأنه كان عنده شك إني حامل جاب لي جهاز إختبار الحمل وعملت الفحص وطلعت النتيجة سلبية يعني ما أتوقع إن فيه حمل بالنسبة لزيارة طبيب مختص بالجهاز الهضمي أنا قد سبق وذهبت لعدة أطباء مختصين في الجهاز الهضمي وكلهم قالوا لي عندك التهاب في المعدة ويصرفوا لي مثل الأدوية إللي ذكرتها سابقا وفي بعض الأحيان يعطوني دواء إسمه موكسال سوى شراب او حبوب مضغ وفيه دواء كمان ثاني عبارة عن أقراص إسمه zantac tablets حبة مرتين قبل الأكل يوميا وفيه أقراص أخرى أستخدمتها مضغ إسمها Disflatyl بعد الأكل ثلاث مرات وطبعا أنا كما أسلفت عندي جرثومة في المعدة من قبل فترة وما أخذت لها أي علاج بالبدايه تساهل مني أنا شخصيا وبعدها قدر الله وحملت باآخر حمل لي لما جيت أبغى أتعالج عملت تحليل وطلعت حامل فقال لي الدكتور ماينفع نعطيك دواء للجرثومه وأنتي حامل لأ ن العلاج عبارة عن مضادات حيوية وفيها خطورة على الجنين ولاكن بعد الولادة راجعينا ويصير خير طبعا بعد الولادة انا تعبت فترة واصبت بحالة نفسية سيئه كنت ما أبغى أولادي ولا زوجي ولا بيتي وكرهت الدنيا بأكملها لدرجة إني تمنيت الموت وحسيت إني مالي راحة إلا تحت التراب وجلست أتعالج مدة طويلة عند أطباء ومشائخ واستمريت أرقي نفسي بنفسي واستخدمت العسل وحبة البركة وماء مقروء عليه يوميا حتى الله عز وجل بفضله فرجها عليه *وتشافيت بقدرة الله القادر طبعا الأطباء فسروا حالتي بأنها حالة نفسية فوبيا بعد الولادة سبحان الله لما اذكر الظروف اللي مريت فيها يقشعر بدني وماني مصدقه إني كنت اسمع بكاء بنتي اللي عمرها أقل من أسبوع تبكي تبغى ترضع وأنا راميتها بغرفة إخوانها هي وأبوها وأولادي كلهم وأقفل غرفتي على نفسي وأتمنى الموت وقتها ما أبغى أسمع حسهم عندي في البيت وأحمد الله وأشكره لأنه رزقني الشفاء والعافية بعد كل مامريت فيه من ظروف نفسية طبعا أنا عارفه إن هاذا الكلام ماله دخل في موضوعي ولاكنه كان سبب من اسباب تأخري عن العلاج الخاص بالمعدة

والحين بسجل موعد إن شاء الله في المستشفى العسكري خلال هاذا الأسبوع وبرو ح لدكتور خاص بالجهاز الهضمي وأتابع عندهم بإذن الله عز وجل وكمان اليوم العصر بروح لعيادة خاصة بالباطنية وبسوي إشاعة تلفزيونية وأشوف ويش يقول لي الدكتور وابغاه يشوف الأدوية إللي أنا أستخدمها وكمان ابغى أسئله عن الأدوية إللي ذكرتيها لي وعن إمكانية إستخدامها في مثل حالتي .

وأنا شاكرة لك ومقدرة موقفك الطيب والنبيل وأتوقع بإذن الله عزوجل لك مستقبل جميل ومشرق في مهنتك الإنسانية و أنتي إنسانة تحمل بين أضلعها قلب طيب وحنون وأسأل الله أن يرفع قدرك وشأنك في الدنيا والآخرة واسأله عز وجل أن يلهمك العلم والمعرفة في عملك ودراستك ووظيفتك وان يوفقك في إختبارتك كلها ورضي الله على أب رعاك ورباك وعلى أم حملتك وتعبت من أجلك حفظهم الله لك وأدامهم في صحة وعافية وقر أعينهم بشوفتك يالغالية وتسلمين على إهتمامك في مواضيعنا الصحية ومانقدر نجازيك إلا بدعواتنا لك في ظهر الغيب بالنجاح والتوفيق في إختباراتك ودراستك ووظيفتك والسعادة في حياتك يارب وفقها في أمور حياتها وأدخل الفر ح والسرور إلى قلبها وأجمعنا بها في يوم لا ظل إلا ظلك اللهم آمين يارب .

أعتذر عن الإطالة وتقبلي تحياتي يالغلا .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله