زوجتك غلطانه بتصرفها 100% ولاادري وش الثقه بهالصديقه ...
والله يانا بخلي صديقتي تكلم زوجي وبعد تدلع وتغزل ,, لو على موتي ماسويها ..
واللي تقول عادي هذي حركات البنات المخطوبات الا وانتن الصادقات حركات الغبيات ..
وش اللي تخلي صديقتها تكلم زوجها وتغزل فيه !!!! وين الغيره ؟؟؟
اذا بتسوي اختبار تقوم تغير صوتها وتكلم زوجها من رقم ثاني ...
الحركة هذي معصية لربها قبل كل شئ ..
من اللي سمح لها تعين صديقتها على محادثة الرجل الاجنبي ؟؟؟ بدل ماتنصحها وتوجهها ,,تعينها عليه بحجة اختبار وخرابيط ..
نصيحتي /
خلك على ماعزمت عليه من التوجه لوالدها واخباره من طق طق لسلام عليكم .. ونبهه ينتبه لبنته من هالصديقه
بس طلاق لا تطلق ...
انت عقب ماتأدبها وتبين لها خطورة موقفها تطلق !!!, وتادبها لغيرك
وبعد ماتكون معها صارم وحازم وحبذا تطلع كل اللي بقلبك على خطيبتك وتتركها فتره لااتصال ولا رساله ..
الطلاق لاتطلق إلا اذا انت من الاساس مو مقتنع فيها , ولا دخلت قلبك ولا حبيتها ..
ونصيحة اخت لاخوها ///
قال الرسول عليه الصلاة والسلام ( لا يفرك مؤمن مؤمنه , ان كره منها خلق رضي منها بخلق اخر)
لابد يجي مواقف واخلاق من الزوجه يكرهها الزوج ... لو بدور على نساء الارض ما حصلت المثاليه ..
وياكثر مانغلط على ازواجنا ويعدونها , ويا كثر مايغلطون عليها ونعديها ..
هذي هي الحياة ..
22-11-2011, 01:37 PM
ضوابط المشاركة
العرض الشجري