اريد زواج خاص وعائلي ولكن .. - منتدى عالم الأسرة والمجتمع

19-11-2011, 05:17 AM

#36

ليه الغرور؟

عضو مميز

تاريخ التسجيل: Jun 2010

المشاركات: 1,830

نصيحه لاتفتحين الموضوع مع زوجك مره ثانيه عشان لاتضغطين عليه ويطفش وتحرجينه اكثركفايه احراج وهو مقبل على زواج يعني المفروض ماتشوشين افكاره بهذا الطلب خصوصا انه هم الي بيتكفلون فيه..وهو يبدو انه مقتنع بالعرس الكبير وفرصه له يعزم اصدقائه واحبابه..والفرح معروف دائما للاهل اساسا.. قبل لايكون للعريس او العروسه

اختي اصلا عيب تطلبين منهم كيف يكون العرس...هم المسؤلين عن العرس وانتوا الضيوف..المعروف انه العريس هو الي يحدد مو اهل البنت ودامهم قادرين خلاص ليش يحرمون انفسهم من الفرحه وهذا شي طيب ومو حرام ولا جريمه..هذا ولدهم ومن حقهم يفرحون فيه وش الي ناقصه عن باقي العرسان عشان مايسون له فرح كبير..وانتي وش ناقصك عن البنات عشان تلغين زفتك..وماتنزفين..

مايصير يااختي كذا...اهل زوجك يبون يفرحون فولدهم وبعدين يمكن ابوه من النوع الي مايقصر مع الناس يحضر افراحهم ويقوم بالواجب فليش تطلبين منه عرس عائلي وبالتالي محد بيحضر ولاحد بيرد لابوه الواجب ..

ببالنسبه انه امه واخواته مايعرفون يتصرفون..طيب انتي كيف تبينهم يتصرفون يعني ..القاعه فيها خدم ومشرفات يقومون بكل شي من الى ويباشرون الضيوف وايضا عند الرجال..وام العريس وام العروسه ماعليها الا انها تجي وتجلس عند الباب تستقبل الضيوف وبس...يعني مافيه شي صعب مطلوب منها..وانتي راح تكون معاك مشرفه في القاعه مسؤله عنك وتشوف طلباتك حتى شريط الزفه هي تنسق معك موعد الزفه...هذا طبعا نظام القصور..

ودام هم الي بيتكفلون ليش زعلانه؟؟ اسراف وتبذير هذي الكلمه ماني لاقيه لها تفسير..يااختي اي اسراف اذا كان قصدك الاكل..ترى المعازيم يتعشون والي يزيد بياخدونه الخدم الي في القاعه لاتشلين هم انه بيرنمي في الزباله..
وكلنا سووينا عرس كبير والحمدلله مبسوطين والتوفيق بيد الله ماله علاقه بشكل العرس..

ونصيحه..هذي ليلة في العمر ماتتكرر..لاتحرمين نفسك من الزفه صدقيني لو ماانزفيتي راح تندمين بعد سنه من زواجك وتشوفين كل البنات انزفوا الا انتي كانك من ايام جداتنا..ليش وش ناقصك ماتنزفين..كل البنات يحلمون بالزفه وش ناقصك عنهم..صدقيني راح تندمين انك ماسويتي زفه خصوصا انه ذكريات ليلة حفل االزواج ماتتكرر مره ثانيه عيشيها بكل تفاصيلها ولحظاتها..على الاقل خلي امك تفرح بشوفتك بالفستان وتنزفين..صدقيني مالها علاقه بالمظاهر الكذابه..هذي عاداتنا في الافراح..

اختي انا ماني مقتنعه بالاسباب الي ذكرتيها...ياليت تذكرين اسبابك الحقيقيه لعدم رغبة في العرس الكبير والزفه؟؟

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

التعديل الأخير تم بواسطة ليه الغرور؟ ; 19-11-2011 الساعة 05:37 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه