ليش حياتنا ضييييقه ، وكل شي عييييب ؟ - منتدى عالم الأسرة والمجتمع

16-11-2011, 05:12 PM

#11

ملامح قمر ..]

عضو نشيط جدا

تاريخ التسجيل: Aug 2011

المشاركات: 1,002

اقتباس:

المشاركة الأصلية كتبت بواسطة لاتظلمونه

ماتحسين انك بالغتي ..لدرجة التشويه.؟؟!
واجحفتي كثيرا بسبب قناعاتك الجليه في اول موضوع كتبتيه هنا ..!؟

طيب أنا مبالغه وماعندي سالفه وأشوهه النظره للمجتمع السعودي
قولي لي بس وش عندنا أحنا السعوديات
أهم شي من أول ماتجين علي الحياه وأنتي نفس الموال لين طحتي عسى ماتتشوهين أنتي بنت وطبعا التشوهه هذا راح يعيق زواجك وكل شي زواج

مع مو لازم كل بنت تتزوج لكن احنا كل شي زواج وكل تفكيرنا متي نتزوج ولين تزوجت زوجي ومازوجي
ودليل علي كلامي روحي شوفي القسم كل والمنتديات أغلبها سعوديات

طيب ندرس في المدرسه والجامعه نتخرج كل بنات الشعب السعودي يتطاقون علي وظايف التدريس أتوقع لو يحسبون إلي تخرجو ويبون وظيفه من البنات بيكونون أكثر من عدد الطالبات

أنا من محيطي البنات إلي أعرفهم فوق 15 بنت بس هذولا إلي أعرفهم تخرجو وكلهن في البيوت إلي لها سنه وإلا لها سنتين كذا جالسات بلا هدف تقوم وتنوم وبس وش تسوي وظايف مافيه زواج مافيه تكمل دراسه مافيه طلعه ترفهه عن نفسها مافيه

عندنا الولد ياخذ الاول والتالي لو أجيب ولد أبو 18 سنه يسوي أشياء كثير أنتي ماتقدرين عليها مو تقليل في شانك أو قدرتك لكن لأنك أنثى

وعلي فكره قناعات المجتمع أقول نقطه بس عشان تعرفين مكانه المراة
مثلا الدكتوره مافيه أشرف من مهنه الطب لكن عندنا وش النظره لطبيبه السعوديه ؟؟!!
وش موقف أهلك لو تقولين بدخل طب
أنا جالسه أسولف مع البنات وحده من البنات تقول إيه زواج المسيار هذا للطبيبات بصراحه إستغربت هالنظره يعني خلاص طبيبه هاذي إنسانه مو شريفه ولا تتزوج إلا مسيار
ووحده ثانيه أخواها تزوج دكتوره
كنت اكلم صديقتي عن هالبنت إلي أخواها تزوج الدكتوره قالت إيه أني قلت لأخوي عن أخواها قال أكيد بينهم قصه حب وإلا متعرف عليها مافيه احد يتزوج دكتوره
شوفي بس كيف النظره خلاص أنتي في مهنه شريفه جدا وتستر علي حريمهم خلوك مو شريفه

طيب أقنعيني بغير هالكلام
الله يعافيكم أحد يقول كلامي غلط ويجيب الصح وأنا راح أتقبل
بصراحه أتمنى أن نظرتي الغلط مع للأسف إلي أشوف بعيني كذا

بالنسبه لموضوعي الأول وقناعات بصراحه أنا ماحبيت أرد بسبب أن الموضوع الله يعفو عني فيه إعتراض علي قضاءالله وقدره ولا أخفي أني ندمت علي كتابته بسبب هالشي وعشان كذا ماحبيت أرد
على كل من رد علي موضوعي
وكانت كل الردود مافيها شي يقنع بصراحه ووجدت التناقض

__________________

قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه