شوفي نواره
الحقيقه مرره ولا اتوقع ان فيه احد بيعطيك السبب الحقيقي

لاكن انا بما اني عزوبي بقولها لك
انا نظرتي للمطلقه نظره مختلفه بتقولين لي وشو نظرتك اقولك كتالي

اول شي الممطلقه
ماراح تعطيني كارجل كل الي ابيه واحبه
بلعكس راح تكون حذره معي وراح تسوي امور هي بعتقادها صح ولا في الحقيقه خطأ

والاهم من هذا راح يكون فيها عقده من طلاقها الاول
وراح تتعبني وتتعب هي بنفسها

هذا على صعيد الزوجه


اما على صعيد الرجل كتالي
فقط مجرد تخيل الرجل ان هذه المراه كانت بين احضان رجل ثاني هذي صعبه على الرجل الشرقي
وفوق هذا رحم البنت المطلقه يختلف اختلاف كلي عن البنت البكر

اعتقد فهمتي وش اقصد

هذا بحد ذاته يجعل الرجل
يتوجه الى البنت البكرر بنت جديده على قولتهم

وهذا الكلام انا متأكد محد يقدر يقوله بس هذا الصدق

أخوي أنا متأكد انك متأثر بكلام المجتمع أسئل مجرب ولا تسئل طبيب البنت البكر كلها أسبوع أو أقل

وتصير مثل المطلقه وهذا والله العظيم انه الواقع لم احبب التكلم في هذي النقطه ولاكن بماأنك ذكرتها

حبيت أوضحلك كلها ثقافات مجتمع يحكي ليس من واقع بل من خيال ..........شااااب

أختي الفاضله ..
أنت بنفسك أجبتي على سؤالك في موضوع آخر :

http://www.66n.com/forums/showthread.php?t=229947

لأنها تتظاهر بالحب حسب قولك وهذا يعني أنها ليست صادقة
ولأنها لا تحب سوى أول رجل في حياتها , وهذا يعني أنها ستعيش مع زوجها الثاني جسداً بلا روح وحبها لغيره
وبما أنها قد تتجاوز حب الرجل الأول , إذا كان الآخر أفضل خلقاً - وقد تعني احتمال ضعيف -
ولأن ليس كل رجل يضمن بأنه سيكون أفضل أخلاقاً من طليق المطلقة , لذلك لن يغامر بالزواج من مطلقة .

أنا أجبت بناءاً على كلامك المقتبس أعلاه .

تتظاهر بالحب وحتى البكر كذلك .. حتى يمكن الله حبه من قلبها .. وهو كذلك لايحبها إلا مع المعاشرة ..ويا أخي إذا قسنا الأمور بالعاطفة .. فما راح تمشي الحياة.. لا تخاف إنت بس تعامل كويس مع الآدمية .. وإهي لم توافق على القرب منك إلا أنها تريدك أن تنسيها كل آلام حياتها .. ومنها هذا الحب الخاطئ.. اجعلها تحب من يستحقها يا أخي أنت من يستحقها أليس كذلك .. وكما قلت المرأة لايوجد أرق ولا ألطف منها ..وبسرعة تنسى وتتجاوب مع الحنان والاحترام .. أما إن كنت نتعلم أنك عاجز عن الإحسان لها ولاتملك القدرة على خطف قلبها .. فهذا لعدم ثقتك بنفسك ..[SIZE=4][COLOR=blue]





بل ستحبه مع الوقت .. ولاتنسى في هذا الزمن أغلب البنات عندها عشيق أو قريب معجبة به .. وبعد الزواج تنساه .. إذا وجدت في زوجها الجديد ماتحلم به وتتمناه .. وقد لاتنساه مهما كان يملك هذا الزوج من حسن خلق واحترام.


-مسكت علي (قد) وبنيت عليها تحليلاتك الخاصة .. هداك الله يا أبا حكيم .. ماهكذا تورد الأبل !!
-لم أقتنع بكلامك فسامحني .. لأنه مبني على أمور نفسية بحته.. وفيه استقصاء حاد لي ..أي أن الموضوع كأنه شخصي بيني وبينك ..بهذه الندية وبناء وجهة نظرك حسب كلامي ..ولم تعطينا وجهة نظرك الحقيقية ..
-ثم إن ماقلته أنا ليس شرطا أن يكون صحيح .. وعلى فكرة كتبته بحالة تأثر شديد .. أليس من حسن التعامل ألا نأتي بكلام شخص منفعل ونعاتبه به .. تأثرت بحركتك هذه .. أرجو ألا تقسو على المطلقات بهذا الشكل ..ترى فيهم اللي مكفيهم ..
-شكرا لكل هذا الاجتهاد في تقصي مشاركاتي .. لكن نحن بموضوع مختلف .. فلا تربط موضوع بموضوع إن أردت يا سيدي أبا حكيم ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

-بالعكس المرأة مخلوق هين لين .. وتحب أي رجل يعطيها وجه وتضعف قدامه .. كيف لو كان زوجها .. والله والله تشيله بعيونها وتداريه .. بس يعطيها الحنان والحب وينسيها بأسلوبه صدمتها .. ويتحملها إذا كان يحبها .. وترى البنت تتغير بسرعة ومالها قناعة معينة .. دايم الزوج هو اللي يسيطر على تفكيرها ويأثر فيها ..
.. وإلا كان ماشفت كيف يقدر أي رجل يطرح أي بنت يبيها .. حتى لو كانت ملتزمة إلا مارحم ربي .. أنا بنت وأحس وأتكلم لك من قلبي .. لو لقيت رجل حنون ويخاف الله .. والله لاحبه وأعطيه اللي يحلم به وفوق اللي يحلم به .. وانسى الأول مهما كنت أحبه .. بالذات إذا كان ظالمني ..الله سبحانه ما سن الزواج للمطلقة إلا إنه يعلم إن هالشي هو الأصلح لها.. يعني خلاص يضيع شبابها .. وتعيش محرومة من شريك .. عشان ذنب مالها يد فيه ..
-وش ذنب البنت إنها تطلقت تنحرم من الزواج .. ويصير الرجال يطالعونها بنفس نظرتك ..
أخوي معليش سامحني بقولك شي : نظرتك خاطئة وقاسية جدا .. وربي بكيت من كلامك وكل ما قريت كلامك بتأثر وكل بنت تمر بكلامك بتبكي وتتأثر ..


-ليش وانت يالمطلق أو الأرمل ماكان بين يديك بنت قبلي .. بل قد يكون بعضهم راعي بنات وعلاقات وقبل يتزوج بطل أو تاب .. وأحيانا يستمر بعلاقاته ومليون بنت تمر بحضنه .. ومع كذا نصبر ونتحمل وندعي ربي يثبتنا.. ليش المرأة دايم تقهر وتقهر ومحد يحس بها .. غير عيال الحرام ..هم اللي يتعاطفو معاها ويطبطبوا عليها .. بس لأنهم يبغوا خرابها ودمارها .. أرجوك أيها العفيف .. الغيور .. قبل تجلس قدام الكاميرات .. وخلف الشاشات تتكلم عن العلاقات وعن وعن .. غير تفكيرك العقيم .. والكلام هذا موجه للرجال وليس لك أخي سكوت ..
-أما بخصوص الرحم وغيره .. ترى إحنا بجيل التطور والعلم والطب .. كلها كم غرزة وترجع الثيب كالبكر .. وهناك رجال أصحاب تجربة .. ولعلمك ترى البنت حسب ماتعطي وليس حسب ماتملك .. وأساسا .. أتحدى أي أعزب يميز المطلقة من البكر إذا كان مو راعي علاقات وسوالف .. الفارق جدا بسيط .. وغير محسوس والا كان مايرجع الرجل لزوجته بعد الولادة وخروج آدمي منها .. أرجو أن يرتقي تفكيرك يا أخي .. وماتصدق كلام مجتمعك المسموم ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !