حسبنا الله ونعم الوكيل ... يعني حنا الشباب العزابيه ما نقدر نحكم على البنت اللي نحلم فيها الا عن طريق النظره الشرعيه ...
ثم يقومون يلعبوا علينا بهذي المساحيق .... صراحه أنا شخصيا مقبل على خطوبه ان شاءالله ... وسوف اشرط عدم وضع المساحيق .... أنصحك أخوي بأنك تنظر للبنت مره ثانيه شرط عدم وجود المساحيق ... وبعدها أنت أحكم ....

من حقك
ومن حق الفتاة ان تدخل عليها ايضاً بدون شماغ يغطي الصلعه او الشعر الخفيف _كما حدث مع احدى صديقاتي _ وبدون حلاقة تهندم ملامح وجهك وبدون مكياج كما يطلب بعض الشباب من الحلاقين
والاهم بدون الثوب السعودي اللي يغطي الكرشة وبلاوي الجسم
يعني خش بالفانيلة والسروال وهي تخش بتنورة وبلوزة ساده
كذا استوينا

ترى ما افزع مع السمراوات حبيباتي هن , بس الحق يقال

ههههه .... انا معاكي ولابد للبنت كذلك ان تنظر لخطيبها زين >> هذا اذا تغلبت على حياها
لكن كل الاشياء اللي ذكرتيها لا تغير من شكل الرجل ...
فاذا كان متين راح يبين عليه حتى لو لبس ثوب وسيع ... المتين مفضوح
ولو ظبط وجه الحلاق بصنفره على تنظيف بشره يظل شكله وجهه وملامحه ماتغير بشكل كبير ...
لكن مساحيق الحريم شئ ثااني ... والدليل ماني رايح بعيد... هذا الموضوع اللي نقرا فيه ...
صراحه انا ودي اشرط وقت النظره الشرعيه يكون المكياج خفيف ؟؟ بس ما ادري هل يتقبلوه ولا لا ؟؟؟

اولاً مساحيق التجميل اللي تغير البنت كما تقول هي مكياج الزواجات
يعني ظل الوان قوس قزح ومترين فوق العين
ولمعه وروج احمر وتركب رموش وعدسات او غيره من الاوان الصارخه
وغير ذلك
هذا المكياج اللي يغير , اما المكياج العادي فلايغير الملامح على الاطلاق
وانا اجزم بان العروس في موضوعنا هذا لم تضع مكياج الافراح لانه ببساطة لايوجد اهل يرضون على ابنتهم ذلك
الشيء الاخر
الثوب السعودي
من قال انه لايغير الشكل ؟ شكلك ماسافرت للخارج والله تشوف عالم تحف يازينهم بالسعودية , الثوب مغطي البلاوي كلها
احنا ماقلنا متن ؟ المشكلة بربعنا يجيك نحيييف وش زينة بس في المنتصف كذا ( ) ــ<< كرشة
وبعدين الشماغ اللي يغطي الصلعة
والحلاقة من قالك ماتغير والله اننا مانعرف ربعنا بالعيد يصيرون
ونص الشباب يحطون مكياج بالمناسبات عند الحلاقين لاتقول غير صحيح
ببساطة زبدة كلامي انا اقول من حق الولد هالشيء
ومن حق البنت ايضاَ
واذا كنتم بتقيسون الامور بالسانتي وتتفحصون البنات مثل البضائع
برضو البنات لهم حق يتفحصونكم ايضاً
وعلى فكرة المرأة اكثر احساساً يالجمال , واكثر تأثراً به وترغب به اكثر من الرجل
ولكن مجتمعنا يقنعنا بعكس هالكلام
وفي حالتك تقدر تقول لاهلها هالشيء , وببساطةراح يوافقون اذا انت تقيدت به
يعني قولهم ياعمي انا راح ايجيكم بدون حلاقة وبدون شماغ وبسروال وفنيلة عشان البنت تشوفني ع الطبيعه بدون ايه رتوش , واتمنى ان تفعل هي كذلك
عني .. لو قالي الخطيب كذا بنبسط وبسوي اللي يبيه , اقله من باب الاحراج , حتى لوكنت غير راغبة
سويها وتوكل على الله وبلغنا بالنتايج

.........أولا لنتفق على قاعده عامه ....

من الصفات التي تجذب الرجل للفتاه... دينها و نسبها و مالها وجمالها ... وذلك مصداقا لحديث الرسول عليه الصلاة والسلام ... يعني موضوع الجمال بالنسبه للمراءه يعتبر اهم ...

ومن الصفات التي تجذب الفتاه لرجل ... دينه وخلقه وكرمه ومروءته ... وذلك مصداقا لحديث الرسول عليه الصلاه والسلام ... من جاءكم ترضون دينه وخلقه فزوجوه ...

فيعني لو طلب الشاب من الفتاه عدم وضع المساحيق وعدم المبالغه في المكياج .. فهو يطلب حق من حقوقه وأن 25% من قرار زواجه مبني على جمال الفتاه.

أما انه يجي الخطيب بسروال وفنيله <<< ياشينها والله ما سويها لو ما اعرس
عشان تتاكد انه ما هو صاحب كرش ... وبدون شماغ عشان الصلعه ...اشوف انه مبالغ فيها ...
يعني عندما تعلم الفتاه وزن الشاب وطوله ... مع شكله العام وقت النظره... فهو يكفي
لان الجمال ليس شرط لقبول الرجل

اخوي بدي افهم ليش انتو الشباب بتعتقدوا انه من حقكم انكو تشترطو على الفتاة انها تكون كاملة والكمال لله وحده ,

وان البنت اول واحد يطرق بابها لازم تقبل فيه مهما كان شكلو وكتر خيرو انه رضي فيها .

الشباب فيهم غرور غريب كل واحد مفكر حالو انه ملك جمال العالم ومافي وحدة في العالم جابت متلو .

انا كنت بكلم شاب بالتلفون ولما كان بيوصفلي حالو ,وبتقة كبيرة, كنت اتخيلو احلى من توم كروز بكتير.

بس لما اجا يخطبني والله اني انصدمت فيه صدمة قوية , نحيف جدا واسمر ويبين اكبر من عمره بكتيييير ومافيه ولا ذرة جمال , اسفة على الوصف.

بنالسبة لاخي صاحب الموضوع فيه بنات سمروات احلى من الي لونهم ابيض.

اكثر شيء يعجبني في الرجل السعودي عندما يشطح بالدين في امور الزواج فقط
اولأ الرسول قدم تصور لما يحصل في ذلك الوقت , ولم يقدم امر ديني واجب الالتزام
ثانياً الرسول يملك ربع جمال الخلق , بأبي هو وأمي
والنبي يوسف نص جمال الخلق
والربع المتبقي موزع على جميع البشر منذ بدء الخليقة
ومع ذلك
اول بخته كان ثيب لأكثر من مرة , اكبر منه بعشرين سنة او تزيد , منجبة من رجال سابقين (وطبعا تعرف تأثير السنين والانجاب على الشكل
ومع ذلك لم يتزوج عليها مع كثرة ازواجه , وبقي بعد وفاتها سنتين بدون زوج وفاء لها وكمداً عليها
هذا فيما يتعلق بإستشهادك الديني
اما فيما يتعلق بإستحالة خلعك للشماغ مثلاً لتعرف الفتاة انك اصلع اولاً
وتحدثك بأسم الفتاة المخطوبة وقولك
تعرف الطول والوزن , ويكفي
وكأنه فضل وتكرم
وكأنك تحدد خياراتها ومايكفيها ومايخب عليها
فهذا الشيء راجع لثقافتك
ونظرتك للمرأة
تمناتي لك بفاتنة تناسب مقام جمالكم

مع هدا الراي وبقوة. , يسلم فمك

احييك على هذا الرد الجريء والمنطقي