المهم تكون مقتنع مو مهم قناعة أهلك
لأنك أنت إللي بتعيش معهــا
بالنسبه لي أشوف عمر 18 سنه مو قد المسؤوليه
بحكم إني بنت و أشوف البنات
بنت 18 سنه أغلبهم كل همها الوناسه و صديقاتها
تفكيرها بسيط سطحي جداً
أنصحك تتزوج من 21 و فوق هالعمر مناسب للزواج
غير كذا مو بالضروره تتزوج من العائله
وصي خواتك خالاتك عماتك يشوفون لك بنت الحلال إللي تناسبك
و الأفضل يكون فيه شوفه شرعيه حتى تتزوج و أنت مرتاح و مقتنع
موفق إن شاء الله

__________________

اخي الكريم لاتتخلى عن النظرة الا اذا قالوا اهلك البنت ملكة جمال فقط وماعداه فلا
انا جربت خطبت وحده وعقدت بدون نظره احس اني مغبون فيها واحس بقهر طبعا كله من الشيطان
بعد فترة صارت مشاكل وطلقتها وخطبت ثانيه وشفتها واحس نفسيتي مرتاحه فقط لاني شفتها مع اني نسيت شكلها وكنت اسال اهلي بعد كذا كيف شكلها ؟؟

مسالة العمر البنات يختلفن والصغيرة مظنة قلة المعرفة والدرايه لذلك اسال اهلك عنها كثير ,,,
ونصيحتي لو تاخذ فوق عشرين لان سنتين بالجامعه راح تغير فيها كثير ,,,

الزواج يخليك اجتماعي لان عندك بيت وتعزم فيه ونظرة الناس لك تختلف وتقديرهم لك يزيد
ونفسيتك بتكون افضل فباذن الله راح تبتعد عن الانطوائية وتدخل بالناس ,,,

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

أشكر الجميع على ما أبديتوه من أراء حتما سأستفيد منها .........
حقيقه أنا عندما يذكروا لي أهلي من جمالها وأخلاقها ( بنت عمي).. لا توجد عندي ميول نحوها ونحو أهلها .. بمعنى لا أشعر أن هناك شعور يدفعني نحوهم ولا أجد في نفسي ارتياح نحو نسبهم ... وكنت قد أصرف نظري عنها ليبحثوا لي أهلي عن غيرها ...بسبب أولا تفارق العمر بيننا ... وثانيا لأن صورتها وشكلها في ذهني وهي صغيره لاتعجبني... ولكن بعد ردود الاعضاء ... صراحه اقتنعت بأن فارق العمر طبيعي وأنا يمكن بالغت في هذا الشئ ...أما بالنسبه لشكلها وجمالها ...فكانت هناك ردود غيرت كذلك تفكيري...منها ...

بواسطة ليه الغرور؟

ويااخي بقلك معلومه ...ترى البنت واي بنت اذا انت تخبرها وهي صغيره مو حلوه اذا كبرت تصير جميله لاتفتكر انها باقيه على نفس الشكل ...ومن جهه ثانيه البنت الحلوه وهي صغيره لاكبرت بتصير وحشه وهذ شي معروف وغالب على كثير من البنات...حط هاالشي في بالك...

بواسطة شذى 1404

البنت وهي صغيره يختلف شكلها تماما بعد مرحلة البلوغ


فقررت أتفق مع أختي لتنسيق زيارة وأشوفه خلسة على قولتكم ... تصدقون أحسها تكون نظره أفضل من النظرة الشرعية لأني سوف أشوفها على طبيعتها ...والله يكتب الذي فيه الخير ... وأشكر من أوصى بالاستخارة ...طبعا الخيرة فيما يختاره الله ...

شكلها وجمالها ربما عرفنا طريقه للتوصل إليه ...بس...بصراحة أنا أتمنى أن أعرف عن طباعها وعاداتها... وأنا في مرحلة قبل الخطبة يعني هذه معلومات أستحي أسأل أهلي عنها ...
كل الشكر لكم ... ونريد التوجيه من أهل الخبرة .. والله يكتب لكم الأجر

لاتتنازل عن النظره...حتى لو خلسه ...واحدى الاخوات قالت لايجوز ..لا يجوز ليش مايجوز يعني وش فرقت وهو وش ذنبه اذا ممنوع عندهم النظره. وهذي بنت عمه وهي اولى فيه من غيرها ..انا اشوف انه مافيها شي..ودايما تصير..

ويااخي انت شوفها بس واذا ارتحت لها وحسيت انك تميل لها..معناه انك راح تتقبل كل شي فيها..

وايضا عنك فترة الملكه راح تعرف فيها كل شي عن طباعها واخلاقها من خلال زيارتك لها ومكالماتك..

وبسالك سؤال..هل بنت عمك هذي عندها خوات كبار متزوجات؟؟؟ لان يقولون اذا تبي ترتبط في فتاه وتبي تعرف اخلاقها وتعاملها انظر الى اخواتها المتزوجات اذا انهم ماشين مع ازواجهم وبدون مشاكل مع الزوجه ومع اهلها معناه ان اختهم زيهم وهم قدوه لها..طبعا هذا الشي ماينطبق على كل العوائل لكن الاغلبيه بينطبق عليهم..

ولاتنسى تبشرنا باخبارك...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

والله ورطه

بس شوف اذا عندها اخوان .... وكانو حلوين اكيد بتكون هي حلوة

ماتابعت حلقة طاش ماطاش لما ناصر راح يخطب ويبغى يشوف نظرة شرعيه

عبد الله السدحان كان ابو البنت وجاب لناصر بنت صغيره وقال يلا ناظر نفس البوهه
عاد هو جاب له بنت عمرها 8 سنوات

يعني مالك الا كذا تشوف اخوانها الصغار

ومش مع النظر خلسه ..يمكن البنت تكتشف الموضوع وتفهم خطاء وينقلب الموضوع ضدك

وتخسر البنت واهلها ويمكن تصير مشاكل لأن اهل البنت رافضين النظره الشرعيه من ألأساس

فمابالك انك بتستخدم طريقة ملتويه

والرجال وانا اخوك يعطي بوجهه وياخذ بوجهه

اذا الله وفقك وخطبت و وافقو كلم ابو البنت قل ابغى اشوفها .... تكلم معه وجه لوجه

اذا مش عشانك عشان البنت .... يمكن البنت تشوفك ومانعجبها لأن النظره مش بس لرجل

وتاكد ياحبيبي ان الجمال مش مهم ولاتعطيه ذاك ألأهتمام

اذا هي من بيت طيب واهلها تتشرف بنسبهم فتوكل على الله بعد ألأستخاره وبعد استشارة ألأهل ورضاهم يجي في المقام ألأول


ولاتركز ع الجمال

مره واحد شايب قال لي جملة اعتبرها حكمه

يقول شوف وش احسن شي بزوجتك وركز عليه

يعني مافي شي كامل الا وجهه

وتأكد اذا مهيب جميله ..ان فيها شي يغطي على جمالها كتعاملها وحبها وهذا شي يغطي ع الجمال برأيي

واذا هي جميله يمكن تعاملها جاف فركز ع جمالها ... وكذا


الله يوفقك ويكتب لك الصالح وييسر امرك

وبالنسبه للعمر ... ممتاز

لاحب بعد اليوم....بخصوص انه يناظر اخوانها الصغار ويشوف اذا حلوين ولا لا ..انت ماسمعت المثل الي يقول..

.....اذا كان القرد برا البيت الغزال داخله واذا الغزال برا البيت بيكون القرد داخله...

ومافي حل غير النظره الشرعيه ودام النظره ممنوع عندهم ماله غير يشوفها خلسه ...ومافيها شي لانها تعتبر نظره شرعيه ومن حقه يشوفها عشان يرتاح من الحيره الي هو فيها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

أنا رأيي من رأي أختي ليه الغرور، يعني يحاول يشوفها خلسة ويتفق مع واحدة من خواته مافي داعي الكل يعرف ويكون هذا الموضوع بينهم فقط.
وبعدين الهدف من النظر لها هو الزواج مو عشان بس يناظر في بنات الناس ، وين المشكلة؟.
يارب تتوفق ويتيسر أمرك.

الشوفة الشرعية ابعادها اكبر بكثير من ان يرى ان كانت البنت حلوة او مش حلوة

في شيء اسمه تجاذب كيميائي وتجاذب ارواح

سبحان الله يمكن تكون ملكة جمال وما تدخل قلبه !

لا تتنازل عن الرؤية الشرعية فهي حقك اخي الفاضل

وفقك الله ورعاك

شكرا لتفاعلكم
للاسف هي أكبر أخواتها.

..بس تصدقون فيه مشكله ثانيه طلعت ..الاوهي ان عمي عنده كثير من الاولاد والبنات... كلهم سليمين ما عدا وحده من اخواتها معاقه ... لاتسمع لاتكلم لاتمشي ...ويقال ان السبب من خوال البنت فيهم شبه مرض وراثي....وأنا متخوف من هذه النقطة ...وما أدري هل تحليل ما قبل الزواج كافي للاطمئنان بأن اولادك في المستقبل لن يصيبهم شئ بمشيئة الله ؟؟؟؟؟ ....

الحاجة اللي ماأقدر اتنازل عنها هي الجماااااااااااااااااااااااااااااااااااااااااااااا اااااااااال
طمنتني الله يطمنك على ان العمر مناسب