راجيه عفو ربي
هذي النقطه مشبعينه بها ماشاء الله عليه يفهم كثير فالاجهزه الالكترونيه فدائما نطلب منه يصلح اي شي يعطل فالبيت
زي التلفزيون مثلا يفصل علينا ويحاول ابوه مايقدر يجي هوه يسويه مره قاله ولدخالته كرت الذاكره تبع السوني خربان من زمان
قاله انا اشغله لك قاله اتحداك ولو سويته راح اعطيك اي شريط تبغاه طبعا اطفال على قدهم وجابله الكرت وكنت واقفه عنده بشوف اش نهايته وفعلا الله يحفظه شغله له وكلنا صفقنا وصرخنا نشجعه لانه كسب التحدي
اجهزة الجوالات الذكيه يعرف فيها شغلات كثيره
احيان يعلق جهازي يجي يقولي منهذا وقفلي ذا وشغلي ذا ادخلي من هنا واضغطي كذا وكذا
عنده معرف فالفيس بوك يلعب العاب فيها واصل مراحل فيه اكبر منه ماوصلوها
متفوق في دراسته من الاوائل حنون علي وعلى ابوه يحب الكبار فالسن بشكل ملفت اذا شاف احد تعبان يجي يقولي ويوصفلي حالته
ويحزن عليه احيان يقولنا ساعدوه حتى لو كنا مانعرفه يعني فيه صفات حلوه كثيره
بس كمان ياذي بشكل كبير ومايخاف ..الله يهديه