اختي لحظة

طيب ارجعي كلمي عمك اللي تقولي عليه وفهميه انو انتي حاولتي طول السنوات الماضية اعدل في الرجال وما اتعدل والنتيجة اني رجعت باطفال فاحسنلي انفصل وعندي هادو الاولاد ولا يزيدوا كمان

واذا انتي في بالك حترجعي عشان اولادك فانا اقولك انتي برضه اللي تحكمي هو زوجك كيف كانت علاقته باولاطه يعني اولاده متعلقين فيه مرة وانو اذا ابتعده نفسيتهم حتتعب ولا علاقتهم عادي يعني انتي اللي تقيمي نفسيتهم كيف وهل العلاقة او التقارب بين الاب واولاده تخليكي تضحي انك ترجعي عشانهم ولاهو مو الاساس مهملهم


ملاحظة :في كل رد ترديه لاي عضو من الاعضاء تذكري حكاية انو احتمال تتزوجي ..محد عالم بالغيب بس انتي ليش مرة متاكدة انك راح تتزوجي ومخليته عائق قدامك هل لانك واثقة انو في احد يستانكي تتطلقي وتتزوجيه
او لانه املك بالله كبير
عموما انا ما ابغى اشكك فيكي او في تفكيرك بس انا لاحظت الشي دا في كل ردودك وكانك متاكدة مية بالنية انك راح تتزوجي. .. وكلامي ما يعارض انو الوحدة تتفاءل وتحسن الظن بربها بس انتي مخلية الشي دا قدام عيونك ومانتي راضية تشيلي من بالك ..يعني اتوقع انو لو انتي ما جبتي سيرةانك تتزوجي والحضانة والكلام دا كان اهلك ما عارضوكي بالشدة دي

عموما اتنمى انك ما تزعلي مني بس لاني حابة افيدك واذا كلامي ضايقك في اي شي اعتذر وماراح ارد تاني