بحاول اكتب بس توقع في اي لحظه اخرج ولاعاد ارجع
بوضح عدد افراد الاسره قبل لاابدا عددنا 4 بنات وخمس عيال كلنا مابيننا الا سنه او سنتين فقط يمكن هذا اللي زاد الضغط على امي
ابدا بامي اتذكر لما كنا صغار والى الان وانا كبيره ومتزوجه تتريق علينا وتحتقرنا وتقلنا كلمات تجرح كثير زي مثلا تحسبين بتصرفك هذا عاجبه الناس وتقوله بصوت مرتفع جدا وبجراه كبيره اي شي مايعجبها تعطي بالكلام اللي يسم البدن الين تلقط وجهكوتحس انك سخيف جدا كان كل شي عندها مسموح حتى الضرب حتى واحنا متزوجات تعطي كفوف لكن خفت بعد ماتزوجنا عن قبل بكثير بس احس في داخلي كره لها مع انها تتالم كثير من الوالد ومن تعامل الوالد معها والتنفيس يكون فينا على طول معصبه و24 ساعه لازم نجلس هادين ولاتضربنا
الان انا اخجل اتكلم امام الناس احس كان احد بيترق علي مقدر حتى ارفع صوتي وافرح لما تخلص السالفه عشان اسكت
كانت لما تصحينا تدفنا برجولها عشان نصحى ماهمها اهانه مو اهانه عادي عندها وتجلس تلعن فينا مع اننا ماسوينا شي كنا نايمين وتولع النور وتفتح باب البلكونه وتقفل المكيف دايما التعذيب هذا كانت تصحينا يوميا حتى في الصيفيه وخميس وجمعه الساعه 8 الصباح كل البيت يصحون والله ماانساها كنا ننام تحت الاسره وفي الحمامات من دون لاتدري خايفين منها عشان لاتضربنا كان الضرب عندها شي اقل من عادي لدرجة ان واحد يغلط في البيت كل الباقين ينضربون دايما مع اننا ماسوينا شي وتضرب باي شي يعني تخيل مره رمت فنجان الشاي وهو فيه شاهي حار رمته في وجه اختي بس كانت بعيده وطاح وانكسر
كانت تصرع امامنا وكان اللي متلبسها يتكلم على لسانها بس كانوا يخرجونا من الغرفه كانت تبغانا ننام معاها في الغرفه لانها خايفه بس احنا نجلي معاها واذا نامت نخرج من الغرفه لاننا خايفين منها وتقلنا الان انها ماتنسى لما كانت تبغاناننام معاها واذا نامت نخرج تقول انا ماكنت نايمه واحسها تكرهنا عشان الموقف هذا وتدعي علينا
كانت 24 ساعه تدعي علينا الى الان وهي تدعي بدعوات تخوف زي مثلا الله يطرحك في واحد يصق في وجهك وقفاك ويردك لي او الله يجعلكم تتقلبون من اعلى الجبل وافتك منكم

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى