والله ياختي اقري رد الاخت العقد الفريد ورد بمحله وعن تجربة شخصية خضتها وبالذات بها النقطة
((فزوجة صاحبنا عرفها عن طريق الإنترنت
أقرباؤه وأخوانه وأخواته كلهم يسيرون في طريق مستقيم إلا هو الوحيد الشاذ>> سيبقى يتذكر فعلته
ويزداد الضغط عليه يوماً بعد يوم..))

هذا الله يسلمك قب فترة اخترت وحدة من موقع زواج وكلمت اختي عالموضوع وخططنا للموضوع اساس انها صديقة اختي وخطبناهم وتمت الشوفة الشرعية
بس والله يوم بعد يوم وانا يزداد علي الضغط ليش انا شاذ وليش ماتزوج من اسرة نعرفهم وايش يضمني باخلاق البنت واسئلة كثير تدور ببالي وربي مارتاح من التفكير واخرتها فسخنا الخطبة بحكم ان البنت جاها بعثة لخارج المملكة ورفضت ابتعث كمحرم لها ولعله خيرة لي ولها

وبنفس الوقت مع الاخت ملامح قمر بردها
((انا مو مع التعارف وحب وهالحركات لكن لو شخص إبتلاه الله خلاص الزواج أحسن حل
وبالعكس ممكن حل ممتاز شخص عارفته وعارفها ومده طويله وعازمين علي الزواج وش فيها بالعكس نشد عليهم والله يوفقكم الحمدالله تركتو الحرام ورحتو للحلال

وفيه قصص كثير نجحو عن طريق زواج النت
صدقيني علي طبيعه الأشخاص ووعيهم وحب لبعض ))

تفكيره هو وعقليته هي الي تحدد نجاحكم من فشلة بس اغلب الظن ان الشاب بالبداية يجي مندفع للزواج بس اخرتها وبوقت الجد ويوم يقرب موعد الزواج يراجع نفسه ويفكر بعقليته مو بعاطفته ولا باندفاعه
ومن باب اولى واريح لك خلك عالزواج التقليدي
وممكن هذا الي تعرفتي عليه هو الي يسعدك بس بالاغلب الشك يسيطر عليهم او بمعنى اصح يبدء يفكر بعقل يوم يبدء الجد ويبدء يقيس حياته مع الي حوله ويحس انه شاذ وتقعد طول العمر سر بينه وبين نفسه
والله يكتبلك الي فيه الخير

ومعليش حيرناكي بالاستشارة بس هذي حياتك انتي شوفي المناسب بالاستشارة ويناسب ضروفك لان كل منا بيتكلم على وجهة نظره وحسب البيئة الي فيها وحسب شخصيته
من وجهة نظري شبابنا يتكلمو عن الحب والحب وهم من جنبها مافي حب الا بعد الزواج بس كبداية التعارف يجيك الشاب مندفع وكذا وكلام عسل واخرتها شك بشك الا من رحم ربي
وكمثال (( لما يجيك شاب مطول شعره وينصحوه بقصها يقول الرسول صلى الله عليه وسلم كان مربي شعره ومافيها شي))
طيب بس مو بكيفك تاخذ الشي وتترك شي يعني مربي شعر وثوبك يوصل للارض ويقولك مربيها عالسنة..؟
هذا مفهوم الحب عندنا لما نواجه الشخص يقول هذا حب والقلب والقلب والحب مو حرام ومن هالكلام
بس والله مايتقيدون بمفهوم الحب على اصوله ويعيشونه كما ينبغي الا من رحم ربي