أدري حبيبتي .. أدري صعوبة النقد الدائم وكم محبط ومدمر للنفسية ولثقتك بنفسك
وأكيد نفسيتك تنعكس على البيت والأولاد .
ومن المؤكد انك بيوم راح تصارحيه وتفتحي كل الملفات .. بتجي لحظة تنفجري فيها بدون شعور وما تقدري تمسكي نفسك أكثر وأشوف انه الأفضل انك تجهزي نفسك لذاك الموقف ... فكري شنو ممكن تقولي ورتبي أفكارك ... حطيها بشكل نقاط وكرريها بغقلك حتى ما تروح منك وقت تحتاجيها ... فكري شنو ممكن يرد حتى تحضري ردك عليه ..
والأفضل انك تفتحي الموضوع قبل ما توصلي لمرحلة الانفجار عشان تكوني متمالكة لنفسك وعشان تعطي نفسك فرصة تقرئي الكرسي والمعوذات قبل ما تفتحي الموضوع حتى تبعدي الشيطان من مجلسكم ذاك وهذي نقطة مهمة .
انتي عارفه أسلوبه هو التجريح وعارفه انه هذا الاسلوب هو درعه اللي يحمي فيه نفسه منك لأنك أقوى منه وسبب نقده لك لأنه يشعر بالضعف أمامك وحتى يشتت أفكارك ويبعدك عن موضوعكم الاساسي ... وبالتالي لا تنهزي إذا بدأ يجرحك وبكل هدوء قولي له لا تطلع عن الموضوع وناقشيه بكل هدوء وثقة ..
ممكن ما يقول اللي عنده بأول مرة تناقشوا فيها .. لكن ارجعي وحاولي مرة ثانية الى أن يقول اللي عنده وسبب التغيير .. اشرحي له تأثير وضعكم على الأولاد وعليكم كأسرة . ذكريه بأيام زمان الحلوة .. امدحي بمحاسنه قبل ما تبدئي بطرحك . من حقك تعرفي سبب اللي جد بحياتكم
وصدقيني للقرءان والذكر أسرار عجيبة
وبنكون معاك على طول ودعواتنا لك ... وننتظر مستجداتك ربي يسعدك
__________________
24-09-2011, 09:48 PM
ضوابط المشاركة
العرض الشجري