اهلين ام عمر

صدقيني كل الموضوع افتراضيات محد يدري ايش راح يصير

حتى اهلي عندهم توقعات والكل عنده توقعات
اللي يقول يتزوج يتغير واللي يقول يصير اسوا واللي يقول تطلقين وتسعدين واللي تطلقين وتتعسين

اما انا صرت كذا؟ زي هالعللامه خخخخ


توني مخلصة من محاضرة من الوالد وجدتي ويستم استئناف المفاوضات بعد شوي

يقنعوني ارجع لا ويقولون لا تدورين عنده غلا عيشي علشان عيالك وماعليك منه هو زوجته راح ترجعين وحقك محفوظ وكرامتك فوق واذا رجعتي له قولي له ترى مارجعت الا ﻻجل اطفالي وعلشان عمي واذا عليك انت ما ارجع لك

((( اذا انجلطت والا صار فيني شي ترى من اهلي)))

واذا على نفسيتي بالمرررره تعباااااانه وتفكيري مشوشر. ومرهق ومتعب

واهلي مو معطيني مساحه ارتاح وترتاح نفسيتي ولو اني ما اتكلم وانسى الا يكلموني في الموضوع ويذكروني الله يعيني بس


اما قراري فهو الانفصال طبعا الكل عارف ان الحضانه معي مالم اتزوج سواء قبل بلوغ الاطفال 7سنوات او بعدها

طبعا اهلي يعارضون قراري

وين خالتي بيتا........ ابي رايها بالموضوع ولها كل الشكر

الله يدلك علي إلي فيه خير لك
لكن عموما لو تطلقتي يقولون تتزوجين معدد حتي ألحين زوجك معدد يعني مافرقت
مااقول إلا الله يكتب لك إلي فيه خير لك ولعيالك

__________________

صح ............لكن الفرق ان زوجي ظالم لي ومقصرومايبني...والقاسم المشترك الأطفال

للأسف أنتي صبرتي لما جاء الأطفال
فعلا الأطفال ماراح يتحملهم أحد إلا ابوهم والطلاق ضرره علي ابنائك أنتي ماراح تخسرين شي
أصبري كم شهر لما تولدين وأجلسي شهرين أو ثلاثه عند أهلك وشوفي الوضع
وحاولي تقولين لاهلك هالكلام عشان تاخذين راحتك في التفكير وتقولين قرارك الأخير بعيد عن كل الضغوط
ولايكون قرارك متسرع إضافه لكذا عشان أهلك يخلونك في حالك
و المفروض رجوعك يكون شرطه بيت مستقل لك ولأبنائك + مصروف شهري لك ولعيالك لايقل عن 1000
وماترجعين قبل مايكون البيت جهاز والمصروف محول للحساب
و زوجك علاقتك معه وتعاملك المفروض تتغير ولاتتنازلين عن أي شي من حقوقك

وحقوقك إلي ضاعت من بيرجعها ؟!

غاليتي أبعدي عن كلام أهلك وزنهم وحكمي عقلك وشوفي القرار إلي أضراره أقل و ترتاحين له أكثر
الراحه تشتراء وألزم ما علي الإنسان راحته وعيالك عندك لما 7 سنوات وبعد زواجك الأفضل مع أبوهم
مثل ماقلت لك أجلسي عند أهلك وأنسي الموضوع شوي وقولي لأهلك يتركون الكلام فيه وعيشي لنفسك ولو تكلمون قومي وأتركيهم وقولي أسفه مااريد أتكلم في الموضوع
أنتي ألحين في وضع المفروض راحتك قبل كل شي وصدقيني لاتضحين بصحتك وحافظي علي نفسك محد راح ينفعك بعدين
والهم يقتل عشان كذا أرتاحي
وتأكدي في كل الاحول مو خسرانه شي
وحبيبتي قوي علاقتك بربك وتوكلي علي الله وأكثري من قراءة القران
والحمدالله عندك أطفالك و الولد والعيال أكبر نعمه للإنسان وكم من رجال وحرمه يتمنون العيال

__________________

وشذا الرجال غريب حسبي الله علية
اختي دوري لك وظيفه كدي بها علي نفسك وعيالك وربي بيرزقك وان كان ماقلتي صح 100% وانتي مالحقك اي خطأ تسببتي فيه انتي فانا اراه لايستحقك وهو ظالمك واسالي اهل العلم يفيدونك

وفقك الله

__________________

When you're out of my dreams
I will be in the best case

ملامح قمر

فعلا للاسف انجبت اطفال لكن قدر الله وماشاء فعل

للان ماقررت وقراري راح يكون بعد الحمل علشان نفسيتي تستقر

وفي حال رجعت مستحيل ارجع الا ونفذ كل الشروط

لكن بسالك كيف تتغير معاملتي معاه؟


احب ربي
جاري البحث عن وظيفة الله يرزقني يااارب

هلا حبيبتي
متابعة موضوعك بصمت .. الموضوع منتهي وما أظن أقدر افيدك بشي ...

إذا سؤالك عن رجوعك له أو لأ فكيف ممكن ترجعي لشخص سقطت كل أسهمه عندك!! ..
ترجعي وتعيشي على الهامش عشان أولادك شيء خيالي وغير قابل للتطبيق ومجرد وجودك ببيته راح ينتج عنه مشاكل وضغط على نفسيتك .

إذا رجعتي لازم يكون عشان عندك أمل تصلحي حياتك معاه ... أو انه عندك استعداد تعيشي حياة الاستفزاز والنكد على طول العمر

من كم يوم وببالي كلمة مترددة أكتبها .. أخاف تزعلي وانتي بحال صعبة وتحت ضغوط ومو ناقصك

يمكن اللي أبغى أطلبه منك يكون مثالي وما يقدر عليه أغلب الناس لكني أشوفك انسانة مميزة وغير عن أغلب الناس وسؤالك عني شجعني أكتب

حبيبتي .. حاولي تذكري محاسن زوجك الى جانب مساوئه . لا تخلي الغضب يغلب عليك .. مو عشانه أبدا .. لكن أخاف تاخذي اثم فيه .. لا تكوني ممن يكفرن العشير وما يذكرن إلا سيئات أزواجهن ...

لا تفترضي من عندك تفسير لتصرفاته وتحاكميه بناءا على تفسيرك ...

لا تذكري كلمته أكرهك وتزوجتك غصب وتتجاهلي كلمته بعدها حبيتك وما أبغى أطلق ..

اكسبي ثواب الستر على عيوبه وإذا مضطرة تشرحي موقف صار بينكم حاولي تتخيلي وكأنه موجود معاكي لما تجاوبي على أي سؤال .. جاوبي من وجهة نظرك ومن وجهة نظره حتى تكوني منصفة .

وصلتوا لقرار طلاق وانتهى الأمر فحاولي يكون طلاق ناعم خالي من الأحقاد .. مهما كان يظل والد أولادك وكمان كم سنة راح يسألوكي .. ليش بابا مو معنا ؟؟؟ أكيد بتقولي لهم تركنا بعض لأننا ما تفاهمنا مثل كثير ناس ... بابا كويس ورجال ويحبكم لكن ما قدر يفهمني وانا ما قدرت أفهمه وكل شوي تصير مشاكل بيننا فتركنا بعض .

لا تتركي الدعاء ليل نهار يا أمل .. مافي مثل ربنا عادل وقادر .. فهمتي علي ؟؟ عادل وما يرضى الظلم لك وقادر يزوجك بأحسن الناس وقادر يسخر لك زوجك .. بس ادعي واطلبي منه
ربي ييسر لك الخير ويوفقك ...
سواء رجعتي أو تركتي فلا تنسي انك طلعتي بطفلين مثل العسل .. حبهم لك لا نهائي وغير مشروط .. أحلى من حب كل الناس ..

__________________

هلا خالتي بيتا نورتي موضوعي

انا ماراح ازعل من كلمة الحق .... هو فعلا له ايجابيات لكن اذا تذكرت كلمة اجاملك انساهم واقول كان يخدعني...

للان مو مقرره ارجع او لا لكن في حال رجعت اكيد بحاول اصلح الوضع .... اما اعيش ع الهامش وبالنكد فلا طبعا هنا باختار الطلاق...

الان هو ماحاول يرجع كل المحاولات من ابوه من طرفه ومن اهلي من طرفي لاجل الاطفال... الله ييسر مافيه خير لي ولاطفالي...

حياتي انتي .. احمدي ربك عندك ولد ويارب الجاي يكون ولد عشان تضمنينهم بحضانتك ..
انا جبت بنوته وفرحانه فيها بس افكر لو تطلقنا كيف ؟ بياخذها مني ؟ واهلي يزنون على راسي بس طلبت منهم مايضغطون علي بالرجعه يعني اتنازل عن الخلع واجلس معلقه لحد مايمل ويطلقني لانه اكيد راح يفكر بالزواج من ثانيه ..

بالنسبة لامك صدقيني رح تاخذ الحضانة بس هي تقول لك ماتبيهم عشان تبغاك تخافين وترجعين لزوجك
مافي اهل يبغون بنتهم ترجع مطلقه صدقيني .. وانا اهلي مثل اهلك .. رغم ان زوجي زاني وراعي بنات وخرابيط ومستحيل يتوووب .. مدلعني ويمشيني ويصرف علي بس كرهتـــــه لانه زااااااني وراعي بنات مستحيل ارجع له واتعب نفسياً وجسدياً ويمكن يجيني ايدز .. ماحد نافعني ساعتها .. وماتهون علي نفسي .. يعني الناس تمدحني وتقدرني وفيه من يتمنى ظفري .. ماتهون علي نفسي اجلس مع واحد مايقدر الجوهره اللي عنده واللي تصونه .. ويروح يطالع غيرها..
صح هو ندمان وميت قهر ويحاول يصلح ويبي يحلف عالمصحف انه مايخون بس والله كرامتي ماتسمح لي ..

لاتضعفين حبيبتي .. انتبهي اهلك يخلونك تضعفين هذي حياتك وسعادتك .. لو تجلسين معلقه سنه ثم تطلبين الخلع ..
بس يخلونك بحالك .. وقفي جوالك واقطعي اتصالاتك باهل زوجك .. وعيشي حياتك ادرسي وتوظفي ولاتهتمين ..
وروحي سجلي بالضمان ان زوجك هاجرك ولا يصرف عليك .. رح يمشون مصروف لك ولعيالك .. لمدة سنتين

وطمنيني عنك