الذهب قضى لكن الله بيعوضك ذهب ثاني بس انتبهي تكررين نفس الغلطة ,,, الحساسية انتي بيدك تحلين موضوعها كل ماجيتي بتسوين شيء فيه حساسية بينك وبين نفسك قولي لا هذا تحسس الموضوع عادي وبيمشي واصري انك تمشينها .. الهدايا انتببببببببببهي لاني وقعت في نفس غلطك مع اهلي مو مع احد غريب كنت اشتغل واعطيهم بدون حساب الحين بدون عمل ولما صرت مااعطي صرت بخيلة ووو والله حتى معاملتهم تغيرت فكيف انتي انتبهي مو كل سفرة تجيبين لهم شيء ولابعدين زوجك لو جاء بيسفرك بيفكر في المصاريف منها الهدايا وبيتراجع ولو كنتي مضطرة جيبي مثلا صحن حلاوة مشهور في نفس البلد وبس يعني شيء جماعي ومو مكلف ولاتفكرين في حياتك قبل هذا شيء راح وخلاص انتي الان بوضع مختلف .. الاستمتاع هاتي اذنك وبقولك كلمتين تخيلي انه وصلك خبر ان زوجك بيتزوج عليك لانك امراة مايسعدها شي ولاتعرف تنبسط وش بتصير ردة فعلك علشان تثبتين له العكس ؟؟ واقرأي على نفسك المعوذات وفكري بجمال الحياة الزوجية وكيف تستمتعين فيها بعدين يجونك اطفال وتكبر المسؤلية بتتمنين لو رجعت الايم وراء وقتها يكون ماينفع الندم كل يوم تصحين من النوم قولي انا سعيدة وش اسوي علشان اكون سعيدة اكثر وهكذا لين تتعودين افتحي منتديات شوفي البنات كيف يسوون ليالي رومنسية وحركات حلوة بشهر العسل طبقيها حتى لو مو قادرة تستمعين مع الايام بتلقين متعة ادخلي دورات بالنت تمشين الوقت وتنبسطين طبقي طبخات من النت خلي عندك كم صديقة سعيدات ومرحات لاتضيعين عمرك بالنكد بعدين بتندمين اسفة طولت عليكي وربي يسعدك وييسر امرك.

__________________
((رب اجعلني مباركا حيثما كنت.))