حياك الله ...
الامور بخير الحمدلله ، بفضل الله ثم توجيهاتك الكريمة جزاك الله خير
فجر استعادة توازنها و تفاعلت معي بشكل جيد ..
لكن لظروف شغلي سافرت في منتصف العشر الاخيرة من رمضان و فجر راحت أمها ..
رجعت بعد العيد ، و أمها مخربة كل شغلي مع فجر ..!
رحت أخذ فجر فرفضت أمها بحجة انها تعبانة ، قلت أشوفها طيب ، رفضت تفابلني فجر
كنت عارف ان أمها مسويه شي ؟! و شكيت انها هي الي رافضه أني أشوفها
اصريت الا أشوفها و قالت لي أمها روح لها لغرفتها هي ما تطلع لاحد حتي إحنا ما تجلس معنا ..
رحت لها كانت فعلا تعبانة ، سألتها ليش ما تبغي تشوفني ؟! ما ردت ..!
أتكلم معها ولا ترد الا بكلمات بسيطه .. و رفضت تروح معي البيت ..!
سالت أمها اش الي حاصل ؟ تقول ولاشي وأبوها يقول قلت لك فجر تعبانه اتركها انت وأمها و خلوها بحالها
و لو تطلقها احسن لها ..! و أمها تصارخ عليه و مشادات بينهم ولا فهمت شي ..!
أخذت الوالده الله يطول لي بعمرها لام فجر تفهم منها ..
قالت انها ضاربتها و بعدها تعبت و قالت خلاص الحين تروح مع احمد ..
أنا رفضت أخذها بدون رضاها قلت بس اجلس معها ، سألتها اش الي صار من أمها ؟
و ما قالت لي الا انها ردت عليها و علي امل و ضربتها و الي فهمته انها مشكلة من امل عشان أخذت غرفة فجر
و زعلت فجر و علت صوتها علي امل و ناقشت أمها و عصبت أمها وضربتها ..!
و قلت لها تعالي معي البيت كله لك مو غرفة وحده .. جت معي و كانت بنفسيه غير جيدة
كله خائفة حتي لما تنام تقول لا تطفي النور .. و اذا راحت الحمام أكرمكم الله تصحيني ..!
و لا تبغاني اقرب منها ، توقعت ان حالتها القديمة رجعت لكن اكتشفت انها ما تبغاني اشوف جسمها لان ضرب أمها
معلم عليه و يبدو انها ضاربتها بشدة ..!
دقت أمها بعد يومين تسال عنها ، قلت لها تعالي شوفيها اش صاير فيها ..!
جت بسرعة ولما جت فجر جلست جنبي قالت لها أمها تعالي عندي يا فجر .. فمسكت فيني اكثر
و قالت لها يا ماما لا تخافي تعالي هنا قدامي وكلميني ..
ما ردت ..! قالت لها يا ماما انت الي فلتي أعصابي عليك و البنت المؤدبة ما ترد علي ماما ولا ترفع صوتها علي أختها
الي اكبر منها .. قامت فجر وراحت الغرفة ..
قالت أمها دير بالك عليها .. و بلاش تزيدها شحن علي وعلى أمها .. فجر ما كانت كذا ..!
صار نقاش طويل ولا طلعت معها بفائدة ..!
فجر رفضت كمان تروح لجلسات الاخصائيه و ما حبيت اشد عليها ..
فترة و الحمد لله عدت و الان أظنها هادية و صارت تقريبا طبيعيه ..
مشكلتنا الان أمها و عصبيتها المبالغ فيها ..! لو ما كانت أمها عرفت اتصرف لكن هذي أمها ..!
و فجر الحمدلله رغم كل هذا احسها عدت الموضوع و اتحملته بتوازن تقريبا وهذا بفضل دروسك بارك الله فيك