السلام عليكمـ ورحمة اللهـ
ترددت كثير قبل أكتب ! العيادة مليانه والكل قبلي ! وقلت بلاش اسوي زحمة على الفاضي !
رجاء خاااص جداً أن كنت مشغول لا ترد علي ومقدرة ظروفك ولك كل العذر وجزيت خيراً لجهدك مع الجميع
اتكلم ولا بلاش ؟!
ألخص عقدتي بِــ( زوجة أبويه ) تزوجها أبويه قبل ما أنولد أنا ، ماني عارفة كيف أوضح ؟!
تعبت من المقارنة بينها وبين أمي الله يرحمها ، أمي أجمل بكثيييير والله مو عشانها أمي لا ، متدينة ، قائمة بكل حقوق
ابويه عاقلة حكيمة شاعرة ، في المقابل زوجة ابويه العكس تماماً ..!ومع هذا كان يميل لها بقوة ، ليش ؟!!
هنا العقدة الي تعبتني وضيعتني ، من طفولتي وانا افكر ليه ؟! تعبت من التفكير كل يوم اجيب سبب ! لكن ما وصلت
لسبب مقنع ابدا .!
أنا معجبة فيها بشدة بشدة بشدة ، طريقة حياتها لا مبالية مبسوووطة وسعيدة ومرتاحة وجرئية بوقاحة وعيالها مثلها ..
مع انها الآن كبيرة إلا أحسها مازلت بحيويتها و نفسيتها المتزنة خرجات وحفلات وصديقات ..!
وعشق و غزل مع ابويه و قدامنا ..؟!أمي مسكينة مالها حظ ! لو تزوجت غير ابويه ممكن تعيش مرتاحة لها مميزات جذااابة لكنــ.....!
شخصية أمي وحياتها ونصيبها صاروا مصدر رعب لي ، ما أبغى اكون مثلها !
ودي اكون ( محظيـــــة ) مثل زوجة ابويه سعيدة مرتاحة لا مبالية أنانية !
كبرت وهي قدوتي أحاول اقلدها مع أني عجزززت ، فوصلت لتفكير غبي جدا جداً ضيع حياتي و دمر مستقبلي
قررت أكون زوجة ثانية لأن الزوجة الثانية انطبع بذهني أن الحظوة لها في كل شيء !
وأن الأولى ماراح تكون إلا أمـــــي !
ما أنكر ابداً أني كنت غير مقتنعه بهالأمرلكن ظروفي دعمت إعتقادي حياتي معهم وبين زوجات اخواني والكبت
وكرهي الشديد لها وإفتقادي للهدوء النفسي و التقدير ووووو غيرها .. أيد موقفي .
والسبب الأهم شخصيتي وطموحي الكبير كان داعم لي :
حساسة جدا عاطفية بعمق متعلمة مثقفه شاعرة " وراثة من أمي " لي اسهامات في عدة ملتقيات شعرية ..
وكنت اطمح بالمزيد والمزيد " لكن أبويه ومجتمعي حد كثير من تقدمي " فأبغى حرية حررررية !
اقولك إش كنت أحلم ولا تضحك علي " ابغى اكون مغنية وبكلماتي انا " هيه من جد، واصير مشهورة لي استقلالي وحريتي
وحياتي بعيييد عن الماضي الكئيب ودي اطلع واعيش واستمتع بكل لحظة على طريقتي انا !
ولا كنت ابغى اتزوج لأني متيقنه تماما أن الشخص الي احلم فيه غير موجود بتاتاً ! وان الزواج تجربة حظ و تقييد !
جلست أحلم وأحلم وانمي مواهبي إلى ما تخرجت و بمجتمعنا ننتهي إلى هنا !
تمنيت لو أني بمجتمع أجنبي لي حرية كاااملة ، لكن لقيت نفسي مقيدة بقوة ، وتحت سلطة زوجة ابويهـ و زوجات أخواني
و غيرة النساء ! وأب غير منصف واخوان بلا شخصية إمعه مع زوجاتهم !وتلاعب بمصيري حتى في الزواج يخضع لراي
زوجة ابويه رغم جهلها و سفاهتها و زوجات اخواني كل وحده تدلي بدلوها ! وانا بلا رأي ! وكلهم لا يبلغون نصف علمي
و تقدمي ومع هذا مصيري بيدهم !
انا وطموحي وحياتي ضحية ! فكرت بمخرج سرررريع وعاجل منهم ، و تقدم لي معدد ، رفضته العائلة الكريمة كالعادة
لكن هالمرة لكونه معدد تمسكت فيه ( عشان عقدتي القديمة ) الكل تعجب ليه هو بذات ؟!
معدد أربعيني عنده عيال وزوجة سليطة ، مزواج ، تزوجته بعد عناء مع ابويه وواسطات كثيرة ، و تطلقت بثالث يوم من زفافي
بدون دخول لأنه مسحور وعرفت بيوم الزواج لكن ما صدقت حتى شفت بنفسي عجزه !
سنه مرت و تقدم لي معدد ستيني (66 سنه) عمره ، عنده زوجتين ، و10 اولاد و 3 بنات ، واحفاد مادري كم عددهم ،
وانا عمري 26سنه اصغر من اصغر بناته ! لكن تزوجته !
كان مبسووط فيه و مستعد ينفذ لي كل طلباتي ، بس انا كنت قنووعة جداً( وتقمصت شخصية أمي بدون شعور للأسف ) كل همي الحرية ، واكون سعيدة زي زوجة ابويه ما طلبت كثير ولا شفت حتى زوجاته ولا عياله شرطي الوحيد أكون بعيد عن أهله !
بعد الزواج عرفت شخصيته بشكل واضح ! كذاااب بدرجة كبيرة ، حتى في ابسط الأشياء لا يمكن يصدق رغم كبر سنه !
يخبي عني أي شيء يخص أملاكه وفلوسه وفلوس عياله ! ما عرفت إلا لما فتحت أوراقه في غيابه !
كل همه عياله ، وبنته الكبيرة يستشيرها بأدق أموري ( طلعت من زوجة ابويه وحريم اخواني وطحت ببنته و أمها ) بحجة أني
صغيرة وما عندي خبرة وبنته كبيرة وفاهمة !
ما اطلب شيء إلا يرسل عياله يجيبوه وانا لا يمكن اروح اجيبه بنفسي بحجة أنهم اعرف !
لا طلعات لا تمشيات لا سوق ! صحيح انه ما يرفض إذا كنت معاه ، لكن يتعب و يضيع الطريق إلا اذكره !
اذا مرض عياله كلهم جوا مع عيالهم وحريمهم ! وانا الي اتعب !
صعب التفاهم معاه صعب جداً ! تزوجته من سنة وعندي الآن بنوته عمرها شهر !
تغيرت فيني اشياء كثير ، و صرت احس بجوع عاااطفي كبير ما كنت احس فيه زمان ابدا ! افكر ببنتي ! و اقارن نفسي
بأخواتي و بنات عمي ! الكل افضل مني ! ليه انا بذات ؟!
والعقدة الأكبر زااااد إعجابي بزوجة ابويه خاصة اني اشوفها الى الان اسعد حالاً مني !افكر فيها ليل نهار! اراقب تصرفاتها
لا ارادياً ! واكثرت من كتابة الشعر وشعر الغزل تحديدا الشي الي يخلي زوجي يثوور !
طموحي راح ، و شعري ما صرت اكتبه واكتفي بقوله بيني وبين نفسي ! اتابع اخبار المغنيات بشراهه !افكر بالطلاق لكن بنتي !
طولت ادري ! لكن هل تعتقد إني ممكن ابدا من جديد ! واحقق ذاتي بطريقتي !
05-09-2011, 04:40 AM
ضوابط المشاركة
العرض الشجري