يا أخوات والله هذي الحالة دايم تصير ، والسبب اختلاف طبيعة الرجل عن المرأة ، وفي المنتدى هذا مواضيع كثير كذا ، الرجل ما يميل للكلام كثير ، بعكس المرأة اللي يعني لها الكلام كل شيء ، الرجل أهم شيء عنده أنه يملك المرأة إذا ملكها ما يفكر بعد كذا إلا بأنه يتزوجها وياخذها بيته ، أما الكلام فما يهمه بقدر ما يهم المرأة ، واللي يحصل دايم أنه البنت تبي تكلمه أربعة وعشرين ساعة وهو بالإضافة إلى أنه ما يقدر يتكلم هذي الوقت كله أيضا يكون مشغول بالتجهيز للزواج وعنده مليون شغلة ، وبالتالي ينشغل عن المكالمات وتلح عليه البنت وهذا مو في صالحها لأنها كذا تقلل من قيمتها ..

بأقول لك قصة صديق عزيز لي : صديقي كان يعشق فتاة قريبة له وتقدم لخطبتها وصار كل شيء لكن ما صار الزواج إلى الحين ، ويقول لي أنه كان في البداية يكلمها يقول بعد ثاني أسبوع صارت ترسل له أنه يتصل عليها يقول أرجع من العمل ترسل لي وأنا أنحرج وأكلمها إلين العصر وأنام يعني ساعتين ونص متواصلة ، يقول بعد العشاء تبدأ ترسل لي وأنا أكون في هذا الوقت مشغول وتزعل على طول يقول وأنا ما أقدر أتصل بها إلا الساعة عشرة وإذا اتصلت بها ما تخليني أنهي المكالمة إلا الساعة ثنتين يعني أربع ساعات ويقول إذا صحيت الفجر تقول لازم تصبح علي وأتصل عليها أكلمها ساعة ، يعني صار المجموع 7 ساعات ونص ، يقول لمدة شهرين على هذا الحال يقول والله مليت منها وطفشت منها ويقول إلى الآن تزعل مني لأني ما أكلمها إلا ساعتين في اليوم !
يقول خلتني أمل منها من البداية !

فأنتي يا أختي أثقلي عليه ، لا تمنعيه من حق له لكن بحدود وإن شاء الله أنه ترجع الأوضاع زي أول وأحسن .

__________________