السلام عليكم المستشار رجل الرجال

اخر تحليل لك قلت لي أني راح اندم علي فضفضتي واكتب كلام ندم وبكاء ، لا أخفيك أني تمنيت ان اندم
لكن كان عقلي مقتنع تمام الاقتناع بكل كلمة قلتها ..
مع أني كنت اتالم داخليا لكن هذا الواقع ولا اقدر أغيره ..!!

قبل كم يوم جاني اتصال خارجي ، توقعت وحده من صديقاتي ، لكن كانت أمي << سبحان الله لما قلت ما أبغاها
جت هي ..؟! تسألني وتعاتبني ليش ما كلمتها ؟ وليش ما رديت علي رسايل اختي بالايميل ؟ وليش وليش ..!
بعد كل هذا قالت انها جايه عمرة هي وحده من أخواتي و تبغاني أحجز لها علي الخطوط السعودية و بتقيم عندي
اربع ايام او اكثر ..! كنت ادري انها تبغي شي ؟! و ان اتصالها مو عشاني أنا ..!

فكرت اقول لا ، لكن والله ما قدرت أبدا أبدا .. جت عندي هي واختي ، قامت تسال من متي وانا لوحدي ، وهل ابويا
يجلس عندي ، كيف اتزوجت وليش اطلقت ؟! وكيف صحتي مع المرض ؟! قامت تعتذر عن ظروفها وأنها ما نسيتني
واني بنتها البكر وأنها مطمنه علي لأني بنت رجل خليجي وحياتي امنه وووو كلام كثير ..

مادري هل هي تعتذر ؟! او لانها تبغي مساعدتي ..
هل أنا قبلت اعتذارها او لا ..؟!

لكن كنت متناقضه بداخلي شي و تصرفي شي ثاني ؟! كنت في منتهي الطاعة لها والأدب معها
و بداخلي غير كذا إحساس بااارد ناحيتها ..
هي ما زالت موجودة عندي ، و اختي بتتزوج و قالت احضر حفل زواجها
جبت لها هدية زواجها كانت أمي مبسوطة اكثر و قالت انها تتمني ان تحضر زواجي قريب
وأنها تتمني ان تشوف أحفادها مني وسيتكون سعيدة بهم << اعذرني علي اللغة لكن أتكلم زي ما كانت تتكلم أمي معي بالفصحي ..

أنا واختي طلعنا مع بعض أخذنا صور جماعية و أخذتها اختي معها ..
ما دري ليش سويت كل هذا ؟! و هل أنا صادقة معهم وهل هم صادقين معي ..!
إحساس غااامض و بغيض الحمد لله ..
هل أنا مذنبه او لا ؟!!
*

__________________
في صدري ضيقة ~~

جعلها في صدر منهو تسبب فيها ~~