ابنتي الكريمة المنصدمة: إجابة الرد رقم 5
السؤال: (من خلال قراءتي قرأت أن عاطفة المرأة أكبر من عقل الرجل ! هل هذا صحيح ؟ أم أنها مبالغة ؟ !)
الجواب :
لا بد أن يكون الشئآن متسويان في النوع لكي نقول هذا أكبر من هذا و عاطفة المرأة شيء وعقل الرجل شيء آخر ولكن نقول أن عاطفة المرأة أعظم من عاطفة الرجل وعقل الرجل أتم من عقل المرأة وتغلب عاطفة المرأة عقل الرجل من باب أن العقل يعلم أن هذا التنازل مخالف لمنطقه ولكنه من باب الرحمة والحب ونحوها من المشاعر تجعله يقبل بما لا يتفق ومنطقه.
السؤال: (من خلال قراءتي / يجب أن تعامل المرأة الرجل كالطفل من ناحية الحنان والأهتمام والكلام المعسول فهو يحتاج لهذه الاشياء الثلاثة كحاجة العطشان للماء !.هل هذا صحيح أم أنها مجرد مبالغة ؟ !).
الجواب: الرجل يعمل عقله في الغالب ويتعب بفعل الأسباب خارج المنزل ثم يأتي للمنزل وأهل المنزل لا يعلمون ما فعل من أجلهم وما تلقى في سبيل تأمين معيشتهم وراحتهم ويبحث عن تقدير الذات أمام الذات وخاصة ممن يستفيدون من فعله من أجلهم لذليبحث عن الاحتواء العميق ليحقق له أهله كلمة أن البيت سكن وهم يبحثون عن حنانه كذلك لأنهم يسروا له المنزل وما فيه ولم يهتم بذلك في الغالب ولعل المشكلة في عدم إيصال الرسائل واضحه بين الطرفين فكل طرف يرغب أن يبادر الآخر له دون أن يبادر هو بذلك أو لا يتفاهمان على تنسيق المبادرات.
السؤال: لو أردت حاجة من الرجل مثلا فلوس أو يوديني للمكان الفلاني كيف أخلية يسوي هالشيء بدون نقاش غير الطرق المعتادة اللي أسويها مثلا لو كان أبوي أرسل له رسالة بورقة < أسرع من الجوال مايشوفها إلا وقت النوم
طابعا رسالتي تكون عاطفية جداً جداً مثلا أقول له ( يبه الله يحفظك ويخليك لنا طلبتك الله يسعدك ودي أروح ..... أحدد المكان أو الطلب تكفى يبة الله يخليك وووووو ويبدأ الترجي إذا وديتني الله يسعدك وإذا ماوديتني الله يوفقك بعدين أحط خانتين موافق غير موافق ) الحمدلله إذا سويت هالحركة على طوول موافق ويستانس بس ودي بحركات ثانية وغير الكلام المباشر لأني أحياناً أقول هالكلام بشكل مباشر
الجواب:
حسب حالتك: وكبنت فتدللي فقط حافظي على ثقة الوالد فيكِ فأنتِ أضعف نقطه عنده وتأكدي أن أي انكسار عاطفي عندك يؤثر فيه بقوة وعندما تتزوجين تعالي هنا ويكون خير.
السؤال: عن الذكور بشكل عام ؟
أخواني آهـ يا أخواني تعبت منهم الله يهديهم متعبييييين أخواني أثنين ومراهقين
عندهم أشياء تعلموها من الشارع أبد ماكانوا كذا أخواني : (
عندين من الدرجة الاولى
الرحمة عندهم صفففر : ( ظاهريا داخليا يرحمون بالحييييل بس أبد مايبينون لكني عارفة حركات أخواني لاصاروا راحميني لاجاني شيء أو أحد خواتي ومايبغون يضهرون رحمتهم
ألسنتهم للأسف يبيلها قص أبووووي شخصيتة قوية بالحييييل لكن مايهاوشهم لأنهم ماشاء الله ملائكة قدامة : ( وإذا قلت شيء يسكت أو يهوجس ولا يرد علي طابعا هو ماعندة دليل علشان يضربهم إذا قلت له أخواني يلعنون ضربهم من وين جبتوا اللعان ويضرب لما الواحد يصيح وضرب أبوي صراحة قووي بس فية أشياء ثانية يقولونها ويسكت طابعا أخواني ما أقول لك أنه عندهم كلامات بذيئة لا الحمدلله بس ماعندهم إحترام أبد أبببد الله يهديهم
يعني الاحترام صفففر من الدرجة الاولى
حتى أمي مايحترمونها آوكي أنا لاتحترموني طقق ما أبي منكم إحترام بس أحترموا أمي اللي تعبت علشان تجيبكم
وعند أبوي يقولون لأمي سمعاً وطاعة
وعارفة لو بقول لأبوي فعل واحد من أفعالهم لأمي بيضربهم أبوي ضرب تطلع روحهم منه علشان كذا ساكتة
يضربون خواتي الصغار والله إني أرحمهن تعرف العيال لا إله إلا الله عندهم قوة أنا ما أقواهم علشان خواتي الصغار يقوونهم
بثرين من الدرجة الاولى هوايتهم تكسير وتخريب الاشياء
ودي أتعامل معهم بلطف بس مافية مجال يقهرون يرفعون ظغطي
حاولت أكسبهم مافية أمل ودي أكسبهم بطريقة غير الكلام الحلو والحركات الحلوة الواضحة إلا إذا كانت بسيطة ومفعولها يطول ماعندي مشكلة أسويها
جربت طريقة الفلوس إذا بغوا فلوس وصارت أمي مامعها وحنا برا البيت أقول أنا معي وأعطيهم بعدين بالبيت تقول أمي لي قدامهم دوك هذي فلوسك اللي عطتيهم أقول لا ما أبغى شيء مب سلف هي يفرحون بذيك الدقية بس بعد دقيقتين تجيني قلة أدبهم تعبت منهم بالحيل تغيروا السنة هذي بالذات
أعمارهم
الكبير : 14 سنة راح السنة هذي لثالث متوسط
الصغير : 12 ونص راح السنة هذي لأول متوسط)
الجواب بحكم السن والرغبة من التخلص من قيود الطفولة الضاغطة عليهم يحبون أن يثبتوا لأنفيسهم طعم الرجولة فيهم برفض الأضغف فالأضعف وبالترتيب أنتي وأخواتك في نظرهم الأضعف ثم الوالده ثم الحبيب من إخوانك حتى الوصول للوالد ولعل أفضل وسيلة لهم هي التشجيع وإشباع المعاني التي يستمتعون بها فهم الآن مثل الياي ( السبرنق) كل ما تضغطين يزدادون قوة ولكن لو تركو لامتدوا لمسافة وتوقفوا فشجعيهم واكسبي رجولتهم ضدهم بتكبيرها نسأل الله للجميع الهداية.
(الله يوفقك ويسعدك أخ رجل الرجال .) ويسعدك ويسعد الجميع ومن يحبون.
__________________
لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.
31-07-2011, 12:27 PM
ضوابط المشاركة
العرض الشجري