ماما .. أخاف تموتين وتخليني! - منتدى عالم الأسرة والمجتمع

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

17-06-2011, 02:04 AM

#11

colors

عضو متألق

تاريخ التسجيل: Feb 2007

المشاركات: 2,121

ذكرتيني بموضوع قديم حطيته

سببت لبنتي عقدة من الموت

وليومك هذا الموضوع هذا صعب التعامل معاه على الأقل بالنسبة لي

صحيح بطلت تسألني بتموتين ولا تفكيرها إنها بتروح لأمي وأبوي إذا أنا وأبوها متنا

لكن مازال الموضوع يشغلها

وردة فعلها بعد ما مات حيوانها الأليف تصيح وتسألني بشوفه في الجنة

أقولها إن شاء الله

شوي تتذكره تصيح وتقول ما بقدر أشوفه مره ثانية خلاص

أقولها طيب راح الجنة تقول أدري بس أنا أشتاق له وكنت أحبه وهو صديقي ومن هذا الكلام

شوي تقول ليش راح وما مات الثاني أقولها انتهى عمره وكلنا بنروح بس محد يدري متى

وكل مره تبدأ لي بهذا الموال أحاول أسحبها لموضوع ثاني

بس أظن انه شعور طبيعي لسلطان بحكم الظروف اللي مر فيها يا قلبي عليه

وإحساسه انه ممكن يفقدك مخيف بالنسبة له ويحسها أقوى من اللي جربه الله يعينه

بس كيف تتعاملين بالضبط من غير كذب أو تأثير على نفسيته مادري

لأن مثل ماقلتي صعب تقولين له أنا ببقى وأصلا محد ضامن عمره

وما ودك يعيش بقلق يقول الدور الجاي على مين

الله يعينا بس يابنت الحلال ويخليك لعيالك ويخليهم لك

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 10:09 AM.

روابط سريعه