معقول يازوجي ترفض هديتي !!!!!! - منتدى عالم الأسرة والمجتمع

28-05-2011, 09:04 PM

#19

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

يا حبيبتي يا دلوعة زوجها ( مستغربة من معرفك

شفتي أغلب الردود أكدوا لك أنه أغلب الرجال هذي طريقتهم فلا تكبري الموضوع ولا تحمليه أكثر مما يحتمل .. المسألة مالها علاقة بقوة حبه لك أو تقديره لك ... صدقيني زوجك تصرف معاك على سجيته لانك زوجته ..
صحيح اننا نتمنى أحيانا انهم يجاملونا ويعاملونا بتحفظ لكن لو صار وعاملونا مثل زميلتهم مثلا وما كانوا على طبيعتهم معانا راح نتضايق أكثر ... يعني هو طلع اللي بقلبه بدون ما يجاملك فلا تلوميه .. هذي هي طريقة تفكيره وهذي هي نظرته لمثل هذي الأمور ..

المسألة مو ضدك انت شخصيا ... في رجال تشوف هذي الشغلات ترف زايد أو يشوفوا نفسهم كبروا عليها ...

يشوف نفسه كبر عليها أحسن لك من انه يشوف نفسه عريس ويستاهل الثانية والثالثة

صدقيني انه حس انه جرحك ومتضايق من نفسه لكن الرجال ما يعرفوا كيف يصلحوا غلطهم ولا كيف يعتذروا .. خل أقول أغلبهم عشان ما يجيني هجوم ساحق ماحق من الأعضاء .

لكن حتى لو ما اعتذر راح يحسبها لك وحدة عنده ويسجلها بدفتر النوايا الحسنة .

عديها واعتبريها من حسن التبعل وأخذتي عليها الثواب من رب العباد

وخليني أعطيكي طريقة أستعملها مع زوجي لانه ملتزم مثل زوجك ويفكر بطريقته بخصوص الترفيه ... أطلب منه نطلع عمره وأعرفه ما يقدر ينزل الا بأحسن الفنادق ...
وأكيد ما دام أخذتي الفندق قريب من الحرم بتروحي المناسك وتروحي الحرم .. وباقي الوقت تستغليه بالترفيه ... يعني تكوني وصلتي للي بدك اياه وهو اللي يدفع وبدون ما يعترض على الرحلة لانه ما حسبها من ضمن الترفيه .

تظل مسأله الهدية ورفضه لها مهما كانت قيمتها ... أتصور لو اشتريتي له سبحة بخمسين ريال برضه بيطلع فيها شي .. في ناس تحسب أي شيء يشتريه أحد غيرهم صفقة مغشوشة وما أحد شاطر مثلهم ....

أنا اشتريت لزوجي سبحة بعشر يالات هدية زواجنا وكفاها الله ... ريحته وريحت نفسي

__________________

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:34 AM.

روابط سريعه