السلام عليكم
أختي ابي اقولك ان هذا اللي تمري في شي طبيعي ..
انا كنت مثلك ويمكن أعظم منك بعد هههههه وكان حييييييل الموضوع زاعجني
مع اهلي وزوجي وصديقاتي اكون عادي اتكلم بعفوية واضحك واشاركهم احاديثهم ولكن اذا بيت اهل زوجي مجتمعين (مع اهل زوجي اخواته وامه اتكلم وياهم شوي يعني ولكن هم دائما يجتمعوا مع عماتهم وخالاتهم وبناتهم ) مع اهلهم وكذا عادة يجتمعوا كل اسبوع اصير مثلك ..احس مااعرف اتكلم ..احس اني حيييل ابي اتكلم واضحك واشارك معهم بس مااعرف شنو اقول ..احس اني اعصر مخي بس مااعرف ...وايضا اذا ضحكوا احس اني اضحك غصبا عني لأني احس سوالفهم ماتضحك هههه ..لأني كنت كذا صرت اغيب عن اجتماعاتهم كثير ولا احب احضر اجتماعاتهم ..بس ازور بيت زوجي وخواته ولكن اذا جو اهله عماته وبناتهم وخالاته وبناتهم اطلع اروح بيت اهلي او اقول حق زوجي تعبانه ..بعدها تغربنا ان وزوجي للدراسة والمفاجأة اذا رجعنا للزيارة احس اني تغيرت كثير ..مثلا احس عيالهم واطفالهم كبروا فإذا اجتمعنا اقول ماشاء الله هذا ولدك كبر كم صار عمره ؟ ( اسألهم عن عيالهم ) وهم بعد صاروا يبغوا يعرفوا اخباري فيظلوا يسألوني ..واذا سألوني احاول ان اجابتي تكون طويلة فأظل اسولف معهم ..واذا اتكلموا في سالفة انا ماادري عنها احاول اني اشاركهم فأبدإ بسؤالهم مثلا من هي هذي اللي تتكلموا عنها ؟ هههه ويقولوا لي واقول لهم بنت مين وكذا واظل اسأل وخلاص وبعدها اندمج معهم في السوالف ...بس يمكن الفرق بيني وبينج اني في البداية كنت صحيح مااتكلم بس دائما مبتسمة ههههه حتى اوقات احس انس تعبت من الإبتسامه هههه ..واتذكر اني يوم تعبت من حالتي سألت وحدة من قرايبي هل هذا الشي طبيعي وقالت ايوه حتى هي صار لها نفس الشي ..فعادي ان شاء الله مع مرور الوقت راح تتعودي عليهم ..بس انتي حاولي ...
27-05-2011, 08:06 PM
ضوابط المشاركة
العرض الشجري