هل انضربت بيوم و إنت طفل ؟؟؟ - منتدى عالم الأسرة والمجتمع

25-05-2011, 03:09 AM

#11

روح الطير

كبار شخصيات المنتدى

تاريخ التسجيل: May 2005

المشاركات: 12,052

ذكريات لا تغيب ..

المشكلة عندي إنه ولدي إذا غلط غلط بسيييييط حتى لو من غير قصد ،.
فتلاقي أبوه ما يصدق .. و زوجي صحيح ( هادي و بارد ) و أنا ( حارة ) ..
بس زوجي من الناس اللي ينفس غضبه في الولد و الحمد لله أنا عكسه في التعامل مع الأطفال ..

لدرجة إنه دايما أمي كانت تقولي و أنا في الغربة :
أخاف على ولدك منك ، تحطي حرتك فيه .. و متطمنة لإنه زوجك هادي ..
أقول لها :
و الله ما تدري إنه العكس هو الصحيح و إني أدلعه اخر دلع ..

اقتباس:

يبغالك طولة بااااااال وتطنيش..
وتكرار الشيء 1000000 مره .. علشان يستوعبون
والدعاء لهم بالصلاح..

جبتيها و الله ،، الدعاء و التكرار .. دايما أدعيله بالسعادة في الدارين ،.
و من ناحية طولة البال و التطنيش ، فشكلي لازم أخفف منهم شوي ..
لإنه ولدي تعود مني الشيئين هذولا ..

....................................

روح المساء ..

ايوة أفتكر البرنامج كانوا يجيبوه زمان و مرة كان خطير ،،
مادري إذا يعرضوه دحين و لا لأ .. من جد حابة يعيدوه لنا ؟؟؟
بس ولدي الحمد لله ما وصل لدرجة الأطفال اللي يعرضوهم في البرامج من الجنان و الصياح

بس إنه مرات ( عنيد ) ..

.
.

طبعا اليوم ولدي رفض ياكل و دايما ما يرضى ياكل غير اللي بمزاجه و متعبني مرة في أكله ..
و ياكل بس أكلات ماهي مفيدة أبدااااااااااااااا .. لدرجة إنه مرررررة نحف الأيام هذه و وزنه نزل ..
و خفت عليه يمرض و يدخل المستشفى لاا سمح الله

في الأخير اشتكيت لأبوه و قلت له : ولدك يسمع كلامك .. شوف خليه ياكل ، من جد تعبني ،،
من كم يوم ما بياكل شئ .. و كل ما أعطيه لقمة ، يخرجه من فمه ..

أبوه جاب الحزام - و أنا انفجعت و أشرت لزوجي بعيني ، لا تضربه - ..

المهم ، بس خوفه بالحزام و رضي ولدي ياكل في الأخير و الدموووووع تنزل من عيونه زي السيل ..

و اليوم عالعشاء و لأول مرة في حياة ولدي ، جلس و أكل ( بيض مقلي ) و عجبه مررررة ..
و مرررررة فرحت له ..
شكله التخويف بالحزام جاب نتيجة ..

و إن شاء الله إذا تزوجتي ،.
زوجك يعوضك عن الحرمان اللي فقدتيه ..

...............................................

أنفاس العطور ..

معاك حق .. في النقطة هذه ..

اقتباس:

فلما تكوني تضربي دائما ماراح يفرق معه لانو متعود جلده الضرب

و قلت لزوجي النقطة هذه و اقتنع بها ..

و صح كلامك ، من ناحية الضرب من غير سبب ..
و مثلك في االمدرسة انضربت مرة من الأبلة و من غير سبب ،،
و لحد دحين قلبي يوجعني يوم أفتكر كيف ضربتني

كنت جديدة في الفصل و تاني يوم أداوم و هي كانت مقهورة من بنات الفصل ، و عاقبتني معاهم

ما أحبها ..

و عشان كذا ، يوم أعاقب ولدي ..
أقوله له إنت عملت كذا و كذا ، و كم مرة كلمتك و ما سمعت كلامي ..
و شوف إيش صار دحين ؟ عشانك ما سمعت كلام ماما ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه