16-05-2011, 04:47 PM
16-05-2011, 04:48 PM
|
المشاركة الأصلية كتبت بواسطة Saif_KSA
مرحبا اختي... بما انك قلتي ان زوجك له سابقه وبما انه كان موافق على النقله ومن خبرتي جارتك وراحت وكلمت ورجعت وأكدت لك ان نقلتكم صعبه وهو بعد رجع بكلامه هذا مثير للشك والتساؤل بلاجدل... واصراره على ذهابك لبيت اهلك بعد اكثر واكثر... الشك هو اهم عامل لهدم الحياة الزوجيه وحتى تتأكدي وتريحي بالك "يا ابيض يا اسود" بقترح عليك عدة طرق لأن سؤالك كان -"ابغى اتاااااااااااااكد ميه بالميه ... بس كيييييف ؟؟؟؟"- وانا لستُ مسؤولاً عن تبعات هذه الطرق لأنك انسانه عاقله لكِ الخيار بالأخذ بها ان رأيتي فيها مصلحه لك او تركها ان رأيتي بأن منها ضرراً عليك.... انتي بناءً على كلامك مو فارقه معك باستمرار علاقتك بالجاره من عدمه ومع ذلك ودك تقطعين علاقتك فيها فأُشير عليك بالتالي... 1- كلميها وقولي بزورك لأن زوجي بيطلع الآن...اخفي سراُ بعد زيارتها والجلوس معها بانك نسيتي جوالك في البيت ....طبعاً لاتخبريها بهذا الأمر الا فجأه وانتي تطلبي منها جوالها وتقولي" بعد اذنك نسيت ارسل لأختي رساله بخصوص شيء مهم وانا ناسيه جوالي......اخذي الجوال وتصفحيه سريع صادر ووارد من مكالمات ورسايل وكأنك تكتبي رساله واذا لم يسعفك الوقت دقي على ارقام زوجك الإثنين وبتشوفي اذا مخزن عندها ام لا.....هذا اذا انتي متأكده ماعندها جوال ثاني تكلم منه او يمكن هي ماتقدر تخزن رقمه وتتصل عليه اتصال طبعا هذا الأمر له تبعات فإن كانت بريئه من شكك بعلاقه تربطها بزوجك فرقمه قد اصبح بين يديها ولهذا افضل انك تتصفحي الرسايل أو كوني صريحه وقولي ممكن بعد اذنك اتصل على زوجي بخبره اني ناسيه جوالي بالبيت اخاف يتصل ويقلق اذا مارديت....من تعابير وجهها وردة فعلها بيتضح لك....اذا وافقت ومتلهفه -بناء ع اهتمامها وسؤالها الدائم عن زوجك- فهي بريئه واذا تعذرت الحكم لك....حسب الظرف... 2- اذا ماناسبك الحل الأول....في يوم كلميها وانتي عارفه ان زوجها مسافر وقوليلها زوجي بيطلع بعد نصف ساعه "تعطينها وقت ترتب نفسها وتنسق" ان كان بينهم شيء.... وقولي ان ودي اكلمك....اذا تهربت منك....اعطيها وقت واتصلي على جوال زوجك....وقولي بستشيرك في شيء مهم وسريع واذا حسيتي انه بيصرفك...وهي قبلها تهربت منك...قبل لايصرفك ويقفل...انتي بتكوني رافعه تلفون البيت ودقي على جوالها وهو معك وانتي تسولفي معه ع الجوال....ان سمعتي رنة جوال فهو عندها وان لم تسمعي....تكوني ريحتي بالك..... بكل امانه انا فقط اجبت على سؤالك وما اشجعك على اي من هذه الحلول لكن حسيت ان الشك تعبك وحبيت اريحك بس اخاف تصير تبعات لك من هالشيء... في النهايه الأمر يعود لك انتي وحدك ويعلم الله انا هنا جميعاً مانحاول نشجع المرأه/الرجل بمجاراة الشكوك لكن لما تبدأ تأثر على حياتها او حياته يُعطى بعض الحلول.... رأيي بعيد عن سؤالك.... 1- اقطعي علاقتك فيها ولاتشغلي بالك بها ابداً 2- اهتمي بنفسك والحمل مو عذر 3-اجلسي في بيتك ولاتسافري لأهلك 4- خليه ياخذ اجازه وقت نفاسك ويجلس معك او عند اهله وياحبذا تقولي له انا كرهت هالبيت وودي انقل الآن قبل الولاده...كوني شديده وناقشيه يعطيك اسباب مقنعه باسباب عدوله عن النقل |
16-05-2011, 04:51 PM
16-05-2011, 04:59 PM
|
المشاركة الأصلية كتبت بواسطة حبيبي دوما
الله يقومك باالسلامة
مادام انتي عارفة انو زوجك ممكن انو يكلم بنات يعني في عنده ميول المفروض انك تحرصي عليه بس مش مشكلة اللي صار صار انا مع الاخت اللي حكت تيجي امك عندك بعد الولادة وممكن انتي تنسقي مع زوجك تروحي عند اهلك بعد الولادة معاه يعني يعمل حسابو على اجازة وبهي الفترة تكلفوا حد يشوف الكم بيت لازم ما تضلي بهادا البيت الله يبعد عنا كيد النسا ويقومك بالسلامة |
16-05-2011, 05:04 PM
|
المشاركة الأصلية كتبت بواسطة الملاك يونا
انا اعجبني رد الاخ Saif_ksa
اذا كنتي تشوفين انك تقدرين عليه نفذيه.. واذا ماتقدرين براحتك .. بس اعجبتني طريقته رح تريحك كثير خصوصاً ان زوجك طلع عكس مافهمت بالبدايه طلع سليط لسان وكله برى .. واذا ماعجبك روحي لاهلك الموضوع يشكك بصراحه .. واذا ماله علاقه بها له علاقه بغيرها.. عموما في طريقه تخلينه يخاف عليك ويجلس عندك 24 بدون ماتطلبي منه.. بس يمكن الطريقه ماتنفعك لانها ممكن تخلي زوجك يشك فيك عشان كذا بلاش منها .. الحين خليك بموضوع جارتك وبعدين نشوف .. |
16-05-2011, 05:11 PM
|
المشاركة الأصلية كتبت بواسطة اميرة الرومنسيه
الله يعينك ويصبرك
النقل من البيت جزء من حل المشكلة لكن انصحك اختي لاتروحين لهلك وحاولي تولدين بمنطقتك ومثل ماقالوا الاخوات خلي امك تجيك او روحي باخر الوقت واطلبيها جوالها بحجة ان ماعندك رصيد او ناسيته ودقي من جوالها على زوجك وكانك بتطلبينه غرض مع اني اشك ان عندها جوال ثاني او تخاف ان ماتخزن جوال زوجك وانتبهي لردة فعلها اذا طلبتي جوالها المهم كل ماسالتك عن زوجك لاتردين عليها واكتفي بابتسامه ولاتجيبين سيره زوجك ابدن وحاولي بزوجك تنقلون من البيت مثل ماقالت الاخت احلاهم واتحداهم طريقتها حلوه وخصوصا انك خايفه على نفسك وان جارتك تحاول تفرق بينكم وخاينه زوجها وووو الله يبعد زوجك عن الحرام وعن هالجاره ويشغلها بنفسها ويخليكم لبعض وعليك بالدعاء وصلاة الليل |
16-05-2011, 05:14 PM
|
المشاركة الأصلية كتبت بواسطة الملاك يونا
حبيبتي في طريقه انتي ماتعرفينها .. اخوي سيف مو قصده تدقين على زوجك فعلا .. لا
انتي دقي على رقمه بس سكري قبل يقول طوط .. يعني بس اضغطي الزر الاخضر وسكري بسرعه وروحي للمكالمات الصادره تلقينه .. اذا كان مسجل باسم .. يعني محفوظ عندها واذا مو مسجل باسم يعني مو حافظته عندها ..مو لازم الرقم يدق على جوال زوجك ويشوفه .. بس اضغطي زر الاتصال ثم سكري بسرعه ..ولاتنسين اذا جوالها مطور امسحي السجل من عندها .. |
16-05-2011, 05:20 PM
::
ماذا لو كانت هذه الجارة تعلم عن زوجك شيئاً أنتِ
لاتعرفينه عنه وتريد لفت نظرك ..؟!
فليس من عادة "العشيقة" أن تظهر لهفتها أو تسأل
مثل هذه الأسئلة التي تطرحها جارتك
اضيفي لذلك أنها دائمة التنبيه لكِ واللوم على ضعف
شخصيتك وتريد منكِ أن تواجهيه وكأنها تعرف عنه أمراً
يجعلها تريد منكِ أن تكتشفيه بنفسك ولاتبقين مخدوعة
ولاتنسين أنه بقي أربعة أشهر يعيش قبالتها وربما رأت منه
شيئاً جعلها مهتمة بكشف أمره لكِ كإحضار نساء وخلافه
::
وصفات زوجك وسلاطة لسانة وأسترحاته وعدم مرآعاته لكِ
دلائل على رجل لعوب يهوى الحرية وهذا النوع يحب النساء
وتحذيره لكِ من جارتك تحذير رجل لايريد أن تتسبب هذه الجارة
قوية الشخصية في تحويل قطته الوديعة إلى قطة ذآت مخالب تطالب
بحقوقها وتوقفه عند حده
الرجال من هذا النوع لايريدون أحداً من الخارج يغير عليهم نسائهم وماهم به
من نعيم الحرية والديكتاتورية ولايريدون من يغير الزوجات الضعيفات
بل هم يسرحون ويمرحون ولا رادع لهم والزوجة كالخادمة بمجرد
أن ينهرها تخاف وتسكت
زوجة لاتعرف شيئاً عن حقوقها وليس لديها ذرة من حنكة وكيد النساء
سؤال/كيف دين زوجك وصلاته..؟!
16-05-2011, 05:23 PM
|
المشاركة الأصلية كتبت بواسطة ورده الرياض
الطريقه الاولى مررررررره حلوه ... واصلا جات في باااالي [/
بس المشكله اني ما ابغى اقولها بكلم زوجي من جوالك ..... عشان مايتخزن رقمه عندها وكمان هو بيسالني جوال مين ... اذا عرف انه جوالها يمكن يخزنه انا خاااايفه من هالشي ... انا بتصل من جوالها وامسحه ... بس وش يضمني ان زوجي مايحفظه ... وهو اصلا جواله مقفل برمز سري يعني حتى لو خزنه ما بدري عنه ..... والا الطريقه رووووووووووووعه ..... مره عجبتني .... هي عندها رقم ثاني ... قلت لها عطيني اياه قال لاااا خاص في زوجي ... وامس جات عندي .. قالت زوجي راااافض انه يكون عندي رقمين .... والله اني صرت اخااااااف منها ... ومن العابها ... الطريقه الثااانيه اني اتصل عليها واتصل عليه ....... باذن الله راااااااح اجربها مررره عجبتني ... ومنها اتاكد ... يمكن تصدق ... ويمكن تريحني من الاوهام باذن الله راح اقطعها .... لكن بالتدريج .... ابشوف الحين وش في راسها ... ووش الحل مع اهتمامها في زوووجي وسوالها عنه ... والبيت بحااااااااول بكل الطرق اني انقل ....... يااااااااااااااارب توفيقك |
16-05-2011, 05:30 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
