هلا والله بشهرزاد..
عزيزتي.. أنا أتكلمت في صميم الواقع..
هذه الأشياء قاعدين نعيشها كل يوم..
الزوجة الي نتكلم عنها مو شريكة حياة الرجل؟؟
واحنا عارفين انه بعض الرجال بسبب التربية وغيره ..
يمكن مايركزو على أهمية المواضيع هادي في حياتهم .. عشان كدا اتطرقت إليها

اهتمام الزوجين ببعض أمر واجب ومحبب لكليهما وليس على الزوجة فقط...
والأمور الي وجهتها للزوج المفروض تكون عادية بين أي زوجين.. ومو بس وقت الدورة الشهرية
بس أنا حبيت أذكّر..
ولما الزوجين يقولو كلام طيب وحلو لبعض.. صار خيال..؟؟
لو أقتدينا بسيد الخلق .. عليه الصلاة والسلام.. وعرفنا كيف كان يتصرف مع زوجاته..
ما كان قلنا كدا..
غاليتي .. انتي شوفي قد ايش نفسيتك ترتاح لما أحد يكلمك بأدب وبلسان حلو..
ومافيها شي لما نتبادل الخبرات ونفيد بعض..
بالنسبة للردود ..
موضوعي الأول كان فيه مشاركات أزواج يا قلبي.. وغالباً بطبيعة المرأه المرهفه هي الي تميل
لهذا النوع من المواضيع..
أما هذا الموضوع.. فيكفيني أنه الزوج قرأ كلامي ولعله أستفاد.. لانه موضوع حساس زي دا ايش حيقول؟

يا حبيبتي مو كل الرجال أنانيين وإذا كان فيه نسبة ماتعرف تعبر عن مشاعرها .. مافيها شي
يحاول ويتعلم .. الحياة تعلمنا الكثير.. واحنا حنعيش مرة وحدة ليه مانعيشها بحلوها..
أشكرك على مشاركتك...