كان لي تعليق على قصتك مشابه لتعليق بعض الأخوان لحد ماوصلت للصفحه 10 أو 11 , لما قريت ردك فهمتك صح, , إنتي ضحية أهل كل تفكيرهم في الماديات والمظاهر عشتي مبسوطه عند جدتك وجدك الله يطول بأعمارهم على الرغم من صعوبة العيش هناك تركتي حياة الرفاهيه إللي كنتي عايشتها عند أهلك لأنك مالقيتي الحب والحنان والحميميه إللي في بيت جدانك.. كان ولد عمك بمثابة أخ بالنسبه لك لحد مافتحوا عينكم جدانك وقالوا لازم تتزوجون ولد عمك تربى معك وترك أهله والرفاهيه وعاش في بيت جدانكم لقيتي إنك إنتي وياه إهتماماتكم وحده وأحد يفهمك ويحس فيك. . بلحظة ضعف ولعدم وجود رقابه صار إللي صار لما جيتوا تصححون الوضع الكل وقف ضدكم مو عقاب على إللي سويتيه لكن عقاب لأنك سويتيه مع ولد عمك بالتحديد إللي إمك وأمه مايواطنون بعض وبدال مايتم الموضوع بهدوء ومن غير فضايح أهلك وأهله أخذتهم العزه بلأثم وكل وحده رافضه تلم الموضوع وتخلي الأمور تمشي بهدوء نكايه في بعض محد فكر فيكم وبسمعتكم ظلموكم لما دخلوا أطراف ثانيه وسببوا فضيحه لك وله ولأنهم رفضوا الزواج يتم لو أقل شي عشان سمعتك لكن ماتنازلوا عن غرورهم وأحقادهم حتى في ظل هالظروف ولا ضحوا عشان يحافظون على سمعة عيالهم راحت أمك الله يسامحها وعرضتك على ولد خالك وهو أساسآ مايصلح لك بس عشان ماتاخذين ولد عمك إللي كان مستعد يصلح غلطته ومتمسك فيك وبعد ماتزوجتيه بدال مايكون هالشي نهايه لكل المشاكل أستمروا أهلكم بعنجهيتهم ورفضوا التواصل معكم بس لأنكم أخذتوا بعض مو عشانكم غلطتوا مع بعض!!! عجبي لهم الحين إللي لازم تسوينه تنسين كل شي وتحاولين تتواصلين معهم فقط لأنه حق و واجب حتى لو صدوك لاتقطعينهم وأعتبري جدانك هم كل أهلك والله يخليهم لكم , إنتي لو غلطتي مع غير ولد عمك ماأتوقع كانت هاذي ردة فعلهم يمكن كانت أخف من كذا بكثير لأنهم يشوفونه غير مناسب لهم ماديا وإجتماعيآ , ترا أنا ماأبرر لك إللي سويتيه وبالذات إنك كبيره و واعيه لكن إنتي بالنهايه بشر وتمر عليك مثل ماتمر علينا كلنا لحظات ضعف وبرضوه صعبه على أهلك لأنهم بيفكرون إنك كنتي مستغفلتهم كل هالفتره وتسويين هالشي بدرايه من جدانك أعطيهم فرصه يتقبلون الوضع إنتي تزوجتيه وخلاص والله يعفو عنكم ماله داعي يطول الموضوع ويستمرون على عنادهم ومكابرتهم أسأل الله تلين قلوبهم وإنتي إدعي دايم والله يستر عليك وعلينا موفقه يارب ~