اللحين ابعلمكم وش سويت وابي ردودكم أخي البليغ رجل الرجال همس2009 روح الطير ولايهونون الباقين اللي يبي يرد يرد بس خصيت هذولا لانهم متابعين مشكلتي

أمس جلست ابكي حسيت بظلم وحسيت أن حقوقي ضايعه وحسيت اني أهتم بزوجي أكثر من نفسي وبعد ماطلع مني زادت الحسره والقهر بس جاء وتقهوا وسولف وضحك وطلع لاجاب شي ولا قال تحتاجين شي وأنا لو أستطع ولم اتجرا أكلمه يوم جيت أنام الساعه 10ليلآ ارسلت له الرساله هذي وهذا نصها:
حبيبي خالد:
في خاطري شي مضيق صدري ودي ابوح لك فيه ماأبي شي يخرب علي حياتي معك لانك حبي الأول والأخير
ودي تجي بكره الصبح وتفتح لي المجال بالكلام وتخليني اقول كل شي عشان يصفي خاطري من أغلى الناس

من قبل صلاة الفجر وأنا قايمه ماجاني النوم وشغلت جوالي لارد ولاكلم بالعاده يكلمني الساعه 6او 7او 8بعده يروح دوامه انتظر انتظر انتظر الى الساعه 8ماكلم دعيت الله انام وانه يجي نمت قمت الساعه9 الاربع ماكلم
يوم جت الساعه 9الاعشر جوالي يرن قلت يارب هو اشوف الرقم واذا به حبيبي ارد قال القهوه جاهزه ابجي اتقهوا قلت لو ماجهزت اجهزه الله يحيييييييييييك 5دقايق ولاه عندي دخل يضحك ويسولف ولاكاني ارسلت قلت يارب يسأل وش عندي ولا أنا أخاف اتكلم من نفسي ماتكلم قال يالله وين القهوه ناديت على الشغاله وجابتها
مسوي يتجيهل قال الا وش هالرساله اللي انتي مرسله والله انك غاليه وطيحين من عيني اذا ارسلتي مثل هالرسايل جلست اضحك وقلت بالعكس لولا حبي لك ومابي بخاطري شي كان مارسلت قال يالله وش عندك
مثل ماقال لي الأخ البليغ الله يبلغه الجنه اني بحاجته وهو تخلا عني بالمستشفى واذا كلمته هاوش علي وقال خلي خوانك يتصرفون ومن هالكلام بعده تكلمت انك خليتني عند اهلي ولاتكلم ولاترسل ولاجبت حوائج النفاس ولاأغراض لي ولاتمم لمولودي قلت ترا مايشفع لنا وتراي كلمت شيخ وسألته قال ماتشفع الا بعد التميمه المهم هو سوا نفسه ماهتم وصار يكابر ويبرر صراحه أنا ماهمني اهم شي تكلمت وهو مكيفه يفكر ويدري انه مخطي يبي يضيع السالفه قال عندك مقص ابقص خيط في شماغي قلت لحظات رحت وجبته وهو جالس على سريري شكله يفكر بكلامي قصيت الخيط قال اجلسي وغمضي عيونك جلست فتح صدري ودخل فلوس وقال أنا مشتاق لك متى تجين للبيت قلت اللحين لي 9ايام باقي ماطبت قال بلا خرابيط مابك الا العافيه والحريم يالدون عند ازواجهم بكره تجهزي اوكي قلت افكر
قبل يطلع قال لي هالجمله ودايم يقولها المعذره على الجراء بس ودي ادري وخاصه من الرجال ليش يردده علي
وش قصده (من بعدك ماسويت جنس يقصد مع زوجته الأولى ومشتاق والا ارتاح الا معك وهذا لك لحالك)
وطلع شفت المبلغ اللي عطاني وذا به 500 وش تسوي بالزمن هذا أختي تبي تزوج وأنا نفاس وابي أعدل بروحي يالله تعليقكم؟؟؟؟