عزيزتي

أول شئ ، إذا على شهادته فهذا مو عيب أبدا .. لإنه العيب يكون في الأخلاق أو الدين
و إنت قلت إنه عنده وظيفة و نسبه كويس و دين و خلق ..

( عشان يكون ردي من باب الواقع ، لا المثالية و لا التعالي لا سمح الله )
فزوجي تزوجته و شهادته متوسطة و أنا متخرجة بكالوريوس و بمرتبة شرف
و تعينت بوظيفة و الحمد لله مرموقة و ما طالعت في شهادته أبدا ..

أخذ الثانوية و هو معاي و دحين خلصت درااستي الماجستير و هو مازال معاه الثانوية
و إن شاء الله بأكمل دراستي للدكتوراة مستقبلا و برضو معه الثانوية و لا عمري طالعت في النقطة هذه
و بأشجعه على اكمال تعليمه ، لكن إذا ما كان يرغب به ، فبراحته و ما راح أجبره ..

لإنه الناس قدرات ، يمكن تلقي انسان ناجح في العمل و الوظيفة و تلقيه فاشل في الدراسة
ممكن تلقي شخص ناجح في التجارة ، لكن في الدراسة غير متفوق

معليه لإني ماا ركزت في السلبية الثانية اللي ذكرتيها ..
بس عشان تشيلي من راسك فكرة الشهادة

-------------

أما العمر ، فليه ما تناقشيه في النقطة هذه قبل الملكة و بحضور االأهل ؟

استخيري ،،
و أم زميلتي أكبر من زوجها بـ 5 سنوات ، بس ماشاء الله شايفتهم مرة مبسوطيييين في حياتهم

و العمر عموما مو مقياس ..

و نصيحة لك :
الفرص الجيدة لا تتكرر أبدا ..