حنا بالنسبه لنا في ديرتنا أول ماتزوجت مافيه شئ إسمه دبلة الزواج بس عندنا طقم كامل ذهب للعروسه يتكون الطقم من رشرش كبير وخنقه هاذي إللي تجي بالرقبه وتاج وحزام وكف وغوايش وإسواره وعليها كم
عقد وتعليقات ذهبيه وخواتم ودبل بس ماتعتبر دبله خاصه بالتلبيس للعرائس لا تعتبر من ضمن مجموعة مصاغ العروسه بس أنا بعد زواجنا بمضي سنه تقريبازوجي أخذ إثنين خواتم واحد ذهب وواحد فضه ونقش إسمي على الفضه ونقش إسمه على الذهب وجابه لي هدية ولبسني إياه
وأنا لبسته بالفضه ولحد الآن محافظين عليهابالنسبه لطقم الزواج إللي جابه لي يوم الزفاف أذكر ذاك اليوم زوجي لبسني إياه كامل التاج والحزام والخنقه والرشرش والغوايش والإسواره والكف هاذي كلها هو لبسني إياها قبل الزفه مافيه إلا الحلق ماعرف يلبسني إياه بس أخته ماقصرت ساعدته ولبستني إياه هو كان مستحي ومرتبك لأن أمه وخالاته ونصف العائله عندنا داخل الغرفه وهو جالس يلبسني وأخته تساعده وبعدها
زفونا والحمدالله بس أنا طقم زواجي بعد الزواج بفتره بعت الأشياء الثقيله بس وأشتريت فيها أرض وخليتها لوقت الحاجه الله يسقي زمان أول كان كل شئ له معنى في الحياة .
إلا حبيبتي يانااني وش الطاري
على خاتم ودبلة الزواج عسى بس ماطيحتيها ومالاقيتيها ومتأثره عليها وقمتي كتبتي هالموضوع تواسين نفسك فيه وتذكرينا معاك بخواتمنا ودبلنا.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله